Kanaveldi

Ísland 1

2011-11-21T17:56:00.000-05:00

Flogið frá Tampa til Boston

Alveg að koma til Íslands

Snæfellsjökull skýjum ofar

Home sweet home

Hvar er Vanni?

Júní samansafn

2011-11-21T16:12:00.000-05:00

Helgarferðin okkar

2011-05-16T22:56:00.001-04:00

Við fórum til Linville Falls í apríl.

Gistum eina nótt í litlu sumarhúsi.

Fórum að skoða Wiseman's View.

Þar er útsýni yfir dal...svona vanalega allavega....við sáum bara ský.

Ég set inn fleiri myndir í næsta pósti.

Fleiri tónleka myndir

2011-05-15T20:43:00.000-04:00

Jesse fannst ótrúlega spennandi að fá að leika sér alveg frjáls, eða svona næstum þvi.

Hann langaði svo upp á svið.

Sylvan sat bara þögull til að byrja með, of feiminn til að dansa.

Það var slatti af fólki niðri í bæ en ekki margir sem við þekkjum.

Tónleikar í miðbænum

2011-05-14T19:24:00.001-04:00

Fyrst er The Mad Tea Party

Svo komu Floating Action á sviðið

Strákarnir skemmtu sér mjög vel og þetta er ein af fáum mmyndum sem var ekki hreyfð, þeir voru á fullu út um allt að dansa og hlaupa.

Páskarnir

2011-05-13T19:06:00.001-04:00

Afmælis strákurinn minn

2011-04-22T23:04:00.000-04:00

Hér eru nokkrar myndir af Sylvani teknar helgina fyrir 6 ára afmælið.

Hér er hann á Mt. Mitchell, sem er hæsta fjall Bandaríkjanna austan við Mississippi ána.

Hér er hann ekki ýkja langt frá Morganton, NC.

Stóri duglegi strákurinn minn :)

Úti að leika

2011-04-04T13:00:00.001-04:00

Bööö!

Sylvan var að rífa lausan börk af trénu og kom auga á kóngulóarvef og pöddu ;)

Uppstillt blóm

2011-03-30T23:57:00.000-04:00

Ég límdi bara svart karton á gluggann, setti myndavélina á þrífót, blómin í könnu og tók myndir :)

Blómahaf

2011-03-24T22:44:00.000-04:00

Loksins vex eitthvað af viti í blómabeðinu. Páskaliljur, túlipanar og krókusar.

Þetta er reyndar bara í hluta af beðinu, á eftir að ákveða hvað ég ætla að hafa í restinni, ætli ég fylli það ekki bara í haust af túlipönum af ýmsum stærðum og gerðum. Ég ætla ekki að setja niður nein sumarblóm, það er allt of heitt hérna á sumrin til að reyta arfa og moskítóflugurnasr hreinlega éta mig upp. Það er spáð rigningu næstu daga en ég vona að það komi smá sólarglæta svo ég geti notið þess að horfa á blómin mín á meðan strákarnir leika sér. Það er hægt að smella á myndirnar til að sjá þær stærri.

Klipping

2011-03-21T13:08:00.000-04:00

Er hann ekki myndarlegur?

Blómabeðið

2011-03-17T00:45:00.000-04:00

Ég bíð spennt eftir að páskaliljurnar og túlipanarnir blómstri. Krókusarnir eru aðeins á undan restinni.

Já, nú er bara vorið að koma.

Það er spáð 25 stiga hita á föstudaginn!!!

Svart hvít Asheville

2011-03-06T23:21:00.001-05:00

Sylvan kallaði BB&T bygginguna "svarta kastalann" þegar hann var lítill.

Vance minnismerkið er þarna hægra megin við miðjuna.

Hraðbrautin (expressway) sem fer í gegnum Asheville og tengir okkur t.d. við norður og vestur hluta borgarinnar.

Battery Park vinstra megin og Hotel Indigo til hægri.

Gamalt vs. nýtt.

Hægt er að smella á myndirnar til að sjá þær stærri!

Vor í lofti

2011-03-01T14:00:00.001-05:00

Það er búið að vera ansi vorlegt hérna undanfarna daga. Bolaveður og fínt bara. Blómabeðið verður grænna og grænna og ég bíð spennt eftir páskaliljunum, túlipönunum og krókusunum.

Myndirnar voru teknar 25. febrúar og það á að vera hægt að smella á þær til að sjá þær aðeins stærri.

Lake Lure

2011-02-25T15:00:00.001-05:00

Við skelltum okkur í smá rúnt til Lake Lure um daginn. Um að gera að nota góða veðrið svona þegar það er ekki bara gluggaveður. Það var smá vindur en annars bara ágætis peysuveður.

Sylvan tók myndavélina sína með.

Strákarnir mínir 3 stilltu sér upp þannig að bæði ströndin og skógareldarnir sæjust í baksýn. Eða allavega reykurinn sem fylgir skógareldunum.

Ég reyndi að súmma inn á svæðið en sólin var svo björt að ég sá ekkert hvað ég var að gera og gafst upp.

Sylvan var duglegur stóri bróðir og ýtti kerrunni svolítinn spöl.

Þetta par reyndi að fela sig fyrir okkur. Ég lét strákana ganga af stað á undan mér og beið til að sjá hvort þau myndu ekki koma úr felum svo ég gæti tekið mynd af þeim. Það tókst, svona er maður stundum snjall.

Ef ég gæti tekið þennan bekk frá fyrir sumarið þá myndi ég gera það. Flottur staður til að busla aðeins í vatninu ef maður tímir ekki að borga sig inn á ströndina :)

Við enduðum svo á leikvelli, fengum okkur nesti og strákarnir fengu smá útrás.

Við fundum þennan á meðan við gengum um, hann var að næla sér í smá yl í sólinni greyið.

Göngutúr

2011-02-20T20:49:00.000-05:00

Ég ætla að byrja á mynd sem ég tók aðfararnótt fimmtudagsins.

Þegar Vance kom heim úr vinnu spurði ég hann af hverju það væri svona bjart úti. Hann sagði mér þá að tunglið væri ofboðslega bjart og fallegt. Þannig að ég greip myndavélina og rauk út til að sjá hvort ég næði ekki góðri mynd. Ég setti súmmið á vélinni í botn og tók nokkrar myndir með mismunandi birtustillingum. Þær komu eiginlega allar vel út, þó ég segi sjálf frá. Það er enginn kall í tunglinu og það er ekki búið til úr osti!

Á föstudags morguninn var svo ofboðslega fallegt veður að ég keyrði alla leið í Vestur-Asheville til að fara í göngutúr. Ég tók minnsta mann með mér niður að á og við gengum úr einum almenningsgarðinum yfir í annan. Og svo til baka aftur. Fuglarnir sungu og lítil falleg hjón flugu um loftin blá...nei, ég segi svona bara ;)

Það voru fullt af smáfuglum syngjandi og þessi elska söng hæst held ég bara. Kardinálinn er lukkudýr barnaskólans hérna og hann er fylkisfugl Norður-Karólínu.

Fólk var úti að skokka, í göngutúr með hundana sína og úti að hjóla. En af því að það var föstudags morgunn og flestir í vinnu þá var ekki eins mikil umferð og er oft eftir hádegi eða um helgar.

Það gerði Jesse auðveldara fyrir, hann gat skoðað sig um án þess að eiga í hættu að vera hlaupinn niður ;)

Maður er orðinn svo stór og vill bara ýta kerrunni sjálfur.

Það er búið að vera svo gott veður undanfarið að laukarnir eru farnir að lauma sér upp. Ég bíð spennt eftir litríkum túlipönum og fallegum páskaliljum.

Valentínusardagurinn

2011-02-14T10:10:00.000-05:00

Hér eru nokkrar myndir í tilefni dagsins. Bara svona í gamni. Við höldum ekkert spes uppá hann en Sylvan bjó til 20 kort handa bekkjarfélögum sínum.

Fyrstu tvær myndirnar eru af toppi Jackson byggingarinnar í Asheville. Ekkert sérstaklega falleg bygging og ég vissi ekki af hjörtunum fyrr en ég tók myndirnar af turninum.

Næstu tvær eru af Grove Arcade, ég var ekki heldur búin að taka eftir hjörtunum á þeirri byggingu fyrr en ég fór að taka myndir niðri í bæ.

Og svo strákarnir mínir í stuði fyrir Valentínusardaginn.

Sólríkur dagur

2011-02-03T23:39:00.000-05:00

Loksins fengum við smá gott veður. Síðasta laugardag þurfti Sylvan að fara í skólann til að bæta upp snjó dag (sem var mjög umdeildur á meðal foreldra). Eftir skóla fór hann svo í heimsókn til vinkonu sinnar og svo skelltum við okkur á flakk. Fórum á leikvöll í Norður Asheville og þar var fullt af fólki. Held mér hafi samt tekist að mestu að sneiða framhjá fólkinu þegar ég tók myndir af strákunum. Sylvan náði að hjóla smá erftir allt of langa hjólapásu og Jesse prófaði sandkassann.

Við rúntuðum svo um Asheville aðeins og rákumst á kráku sem hafði fundið sér besta sætið og útsýnið í bænum.

Við keyrðum upp að Helen's Bridge og Sylvan og Vance fóru á brúna sem er einn af draugastöðum Asheville.

Svo keyrðum við lengra upp á fjallið í leit að góðum stað til að taka myndir af sólsetrinu. Við fundum þennan líka fína stað og Vance lagði bílnum snilldarlega.

Sólin var svo sterk að myndavélin mín var ekki alveg að höndla birtuna.....og ég kann ekki nógu vel á hana til að geta lagað bleiku deplana. Mér tókst að taka betri myndir þegar sólin var komin aðeins lengra á bak við fjöllin. En þær myndir bíða betri tíma.

Þegar ég var búin að taka billjón myndir spurði Vance mig hvort ég hefði náð að taka mynd af því þegar fuglarnir flugu í sólarlagið og ég kannaðist nú ekkert við að hafa séð neina fugla. Spurning að maður fái sér bara ný gleraugu, held ég svei mér þá! Nei, ég var svo upptekin við að reyna að finna út hvernig ég gæti losnað við þessa bleiku bletti sem voru að þvælast fyrir mér, að ég tók ekkert eftir fuglunum.

Sólsetur í Asheville

2011-01-26T23:18:00.001-05:00

Ég er búin að vera að vesenast með hvaða myndir ég ætti að setja inn næst. Ég er ekki enn búin að gefa mér tíma til að fara í gegnum allar snjómyndirnar og velja úr. Svo eru kirkjugarðamyndir...af því að við erum svo spes hehe...en ég vil hafa staðsetninguna og heitin rétt. Svo langar mig að hafa sér dálk fyrir Asheville myndir. Ég er ekki komin með stórt safn af Asheville myndum. Fór niður í bæ um daginn að rölta með Jesse litla og valdi náttúrulega að gera það í roki og skítakulda...hehe...þannig að ég tók bara örfáar myndir. Þær fá að bíða betri tíma. En núna um daginn, eftir að við fjölskyldan höfðum verið að þvælast um (það var snjódagur hjá Sylvani, frí í skólanum vegna hálku hvar svo sem hálkan var) þá sáum við svo fallegt sólsetur. En við vorum föst í umferðinni. Vance vissi um góðan stað til að taka myndir en við lentum á hverju rauða ljósinu á eftir öðru og vorum næstum því búin að missa af öllu saman. Mér tókst að taka nokkrar myndir. Ég er enn að læra á myndavélina mína og hef ekki tekið sólarlags myndir áður þannig að ég var pottþétt ekki með allt stillt rétt (auðveldast hefði verið að stilla bara á Auto hehe).

Hér fyrir miðju er ráðhúsið. Safnið sem Vance er að vinna á og safna heimildum fyrir er fyrir neðan það.

Hér sést betur ráðhúsið. Lögreglustöðin er til vinstri við það og á milli þeirra er Pack's Tavern (veitingastaður) eigandi hans er líka eigandi húsnæðissins sem fangelsis safnið er í og er það á milli ráðhússins og veitingastaðarins. Fyrir framan ráðhúsið er buslgarður fyrir börn borgarinnar. Hægra megin við turn ráðhússins sést í Vance minnismerkið (gæti þurft að smella á myndina til að sjá hana stærri). Umferðargatan heitir Patton Avenue og liggur frá miðbænum og yfir í Vestur Asheville. Hægra megin við ráðhúsið er dómshúsið (court house), þar er hægt að fá ýmis gögn eins og fæðingarvottorð og dánar vottorð langt aftur í tímann.

Hér er mynd af fangelsis safninu. Ekki gömul mynd, ég fiktaði aðeins við hana í photoshop fyrir Vance. Þetta húsnæði var geymsla fyrir lögregluna fyrir hundrað árum eða svo. Og við erum nýbúin að komast að því að einn varðstjórinn fyrirfór sér í þessu húsi árið 1924...fyrir akkúrat 87 árum í þessari viku. Í bakgrunninn sést glitta í ráðhúsið.

Hér er póstkort frá 1940 af borginni. Hún hefur stækkað ansi mikið síðan þá en það eru þónokkur hús þarna sem standa enn. Ráðhúsið, lögreglustöðin og Pack's Tavern (sem var eitthvað annað þá) þar á meðal.

Ég læt þetta duga í bili. Það eiga eftir að koma fleiri Asheville póstar og hægt verður að smella á Asheville hérna til hliðar til að sjá þá alla saman.

Vance's birthplace

2011-01-21T19:46:00.000-05:00

Vance's birthplace er sögulegur staður, ekki bara hér í fjöllunum heldur í Norður Karólínu ríkinu. Nei, hann Vance minn fæddist ekki þar heldur maður að nafni Zebulon Baird Vance (1830 – 1894). Hann var ríkisstjóri Norður Karólínu yfir 3 tímabil og var á því fjórða þegar hann dó. Hann var mikils metinn maður, pólitíkus og lögfræðingur með góðan húmor. Á einu tímabilinu sem ríkisstjóri bauðst hann til að borga hverjum sem skírði barnið sitt í höfuðið á honum smá pening. Nú það varð svo vinsælt að fólk fór að nefna dýrin sín eftir honum. Það eru tveir bæir í Norður Karólínu nefndir eftir honum, Zebulon og Vanceboro. Tveir skólar eru einnig nefndir eftir honum (í Charlotte og í Kittrell)og ein sýsla, Vance sýsla. Eitt skip í seinni heimsstyrjöldinni var nefnt eftir honum. Hann var kallaður "Stríðs ríkisstjóri suðursins"

Afi hans Vance míns var skírður í höfuðið á honum og Vance skírður í höfuðið á afa sínum.

Við vorum eitthvð að keyra um í Weaverville um daginn og ákváðum að kíkja á Vance's birthplace. Það var skítakuldi en við létum okkur hafa það. Ég náði að taka nokkrar myndir áður en fingurnir frusu af mér ;)

Alveg ótrúlegt að það séu engar rafmagnslínur á myndunum (reyndar aðeins á næst síðustu myndinni) eða bílar í bakgrunninum. Þetta er í byggð við fjölfarin veg. Ég hugsa að ég fari þangað aftur í vor þegar trén eru í blóma. Hugsa að það gæti verið gaman.

Bókasafnið okkar

2011-01-17T20:40:00.000-05:00

Frá því við fluttum til Fairview höfum við verið dugleg að fara með Sylvan á bókasafnið. Þar eru sögustundir þrisvar í viku fyrir mismunandi aldurshópa. Þar sem Sylvan er byrjaður í skóla þá reynum við að fara þegar hann er í fríi. Stundum fer ég með Jesse en hann er enn svo lítill og það mætir enginn í hans aldurshópi. Þannig að við förum þá með eldri krökkum. Síðasta fimmtudag var enginn skóli vegna hálku en leiðin frá okkur að bókasafninu var greið, þannig að við skelltum okkur í sögustund og svo skoðuðum við bækur og púsluðum.

Jesse fór í flottu skrímslabuxunum sínum sem hann fékk frá Ella og Jóhönnu í jólagjöf. Þær passa svo vel og eru svo flottar á honum :)

Íslenskar lopapeysur

2011-01-12T12:38:00.000-05:00

Strákarnir fengu lopapeysur í jólagjöf frá Eygló og strákunum hennar. Sylvan fékk sína þriðju lopapeysu og hann getur núna skipst á að nota peysu frá Fanney og peysu frá Eygló. Jesse fékk sína fyrstu ísl. lopapeysu en ég geri ráð fyrir að fyrsta peysan hans Sylvans passi á hann næsta haust.

Myndirnar af Jesse voru teknar við French Broad River eins og myndirnar úr síðasta pósti. Sylvan var í skólanum.

Ég fór með Sylvan á leikvöllinn við skólann hans og tók nokkrar myndir þar, umhverfið þar er samt ekki eins skemmtilegt og við ánna.

Síðan þessar myndir voru teknar hef ég tekið nokkrar bara hérna heima hjá okkur í snjónum....en Jesse vill ekkert með snjóinn hafa þannig að ég á engar snjómyndir af honum í lopapeysunni sinni.

Þessar myndir voru teknar í síðustu viku en síðan þá er allt búið að vera á kafi í snjó (á amerískum mælikvarða).

Ég hugsa að ég setji inn nokkrar snjómyndir í næsta póst.

French Broad River

2011-01-11T08:30:00.000-05:00

Einn af uppáhalds stöðunum okkar er niðri við á í Vestur-Asheville.

Snemma morguns

2011-01-06T11:54:00.000-05:00

Þessa mynd tók ég þegar ég var að fara með Sylvan í skólann, engin leið að sleppa rafmagnslínunum, þær eru alls staðar fyrir.

Þessa mynd tók ég svo um leið og ég kom heim. Himinninn var svo fallega blár.

Nýtt útlit og nýjar áherslur

2011-01-04T20:40:00.004-05:00

Kominn tími til eftir 2 ára pásu að gera eitthvað hérna. Ég er alltof löt að skrifa eitthvað og ekki gerist mikið hjá heimavinnandi húsmóðir. Ég er aftur á móti dugleg að taka myndir og ætla að reyna að vera dugleg að setja mínar uppáhalds myndir hingað inn.

Læt fylgja með mynd af mér og strákunum sem Vance tók á jóladag, 2010.

Myndaannáll 2008

2008-12-31T15:55:00.014-05:00

Janúar 2008

Febrúar 2008

Mars 2008

Apríl 2008

Msmma og pabbi komu í heimsókn og Sylvan varð 3ja ára
Maí 2008

Júní 2008

Júlí 2008

4. júlí

Sylvan fór í biblíuskóla (og talar enn um það)

Sólblómið mitt dafnaði vel og ég fékk vinnu í TJMaxx.
Ágúst 2008

September 2008

Október 2008

Íslandsferð

Halloween
Nóvember 2008

Desember 2008

Sylvan í Grove Park Inn

Gleðilegt nýtt ár, 2009!

Bráðum

2008-09-20T13:35:00.003-04:00

Jæja, eftir viku verðum við Sylvan á þvílíku ferðalagi. Við byrjum á laugardagsmorguninn á því að keyra til Charlotte. Þaðan fljúgum við svo til Boston. Þar þurfum við að koma okkur á milli terminala þannig að ég gaf okkur nokkra klukkutíma á flugvellinum....jeij! hm....vona bara að SD hagi sér vel. Svo fljúgum við til Íslands og lendum á sunnudagsmorguninn. Vá hvað við eigum eftir að vera þreytt þegar við loksins komum.

Það er ekkert mikið búið að gerast hjá okkur undanfarið. Fórum reyndar síðustu helgi til Sylva og eyddum helginni með Angi, Lee, Haliah, Elianna, Chrissy, Jay, Logan og Jacob. Angi og Chrissy eru systur. Þær voru að "vakta" hús mömmu sinnar (glæný, 3ja hæða bjálkahöll). Og á sunnudaginn eldaði ég lambalæri sem heppnaðist alveg einstaklega vel. Ég var ekki með myndavél en Lee tók mynd af því....ég á bara eftir að fá myndina :þ

Á þriðjudaginn fór ég hlæjandi úr vinnunni. Ungur maður hafði komið að máta buxur hjá mér og var í svo miklum vandræðum af því að "tólin" hans voru svo stór að annað hvort myndaðist þvílík bunga í klofinu eða maður sá slönguna alveg niður að hné....ég er ekki að djóka! Hann var í klukkutíma að máta....og daðra....hætti ekkert þótt ég segðist vera gift og eiga barn. En vá hvað það var erfitt að reyna að vera fagmannlega og ekki roðna.

Mér hefur boðist annað starf innan búðarinnar en ég veit ekki hvort bossinn samþykkti að ég yrði færð til. Ég hefði ekkert á móti því, þó ég þyrfti að vera mætt í vinnu kl. 7 á morgnana.

Jæja, ég held ég verði að draga drenginn eitthvað út. Það er sól og blíða eins og vanalega og við höngum inni.

Læt fylgja með eina mynd úr syrpu sem ég tók um daginn fyrir jólakortin.

Sjáumst fljótlega!

Hæ hó

2008-07-24T23:57:00.003-04:00

Já, ég veit....Pétur Bjarni er löngu búinn að eiga afmæli ;)

Ætli það sé ekki kominn tími á að pósta smá hér.

Við eyddum 4. júli með vinum okkar Lee, Angi, Chrissy og Jason, og þeirra börnum. Krakkarnir busluðu í krakka sullulaug og léku sér saman. Rosa gaman. Svo var flugeldasýning um kvöldið.

Vance tók sig svo til og hætti hjá Pizza Hut. Meirihlutinn af laununum fór í bensín, besti starfskrafturinn (manager) var rekin og svo átti að fara að senda hann á svæði eftir myrkur þar sem hann gat ekki í von á neinu nema líkamsáras eða einhverju verra. Nei, maður gerir ekki hvað sem er fyrir lágmarks laun! Ég er fegin að hann hætti, enda var þessi keyrsla að rústa bílnum okkar. En hefði verið sáttari ef hann hefði verið búin að finna sér aðra vinnu fyrst. En ég ræð víst ekki öllu.

Ég er komin með vinnu í verslun með fatnað og annan varning og byrja eftir helgi. Bara hlutastarf til að byrja með allavega. Fékk vinnu á fyrsta staðnum sem ég sótti um vinnu hjá. Lýst vel á yfirmennina allavega. Er ekki alveg sátt við eina konu sem ég talaði við. Ég veit ekki hvort hún hélt ég væri þroskaheft eða að ég kynni ekki ensku...hún talaði allavega hægara en hægt og eins skýrt og hún mögulega gat, svona einum of!....Sumt fólk!

Sylvan er búin að vera í Vacation Bible School alla vikuna (frá kl. 18-21) og það er enginn smá lúxus....það er bara þögn í húsinu á meðan, hann talar svo mikið drengurinn allan daginn að það er gott að fá smá pásu. Honum finnst þetta líka æði! En föstudagskvöldið er síðasta kvöldið og þá eigum við að vera með. Svo tekur bara við að færa svefntímann hans aftur til 20:30. Spurning hvernig það á eftir að ganga. Það tekur hann 1 1/2 tíma að ná sér niður á kvöldin eftir skólann, þannig að hann er ekki sofnaður fyrr en í fyrsta lagi 22:30.

Ég var búin að lofa mömmu að sýna henni mynd af sólblóminu okkar. Það er enn að stækka og stækkar svo hratt að það er orðið stærra en á myndinni og nær mér upp að öxl. Nú er bara spurning hvort það verði hærra en Vance...sem er alveg möguleiki!

Svona var það fyrir mánuði síðan.

Á sunnudaginn er stefnan tekin á Waynesville í 2ja ára afmæli Eliönnu. Það verður bara fjör!

Bless í bili...

Íslandsför

2008-06-22T09:52:00.002-04:00

Til hamingju með gærdaginn Pétur Bjarni!!!

(mynd tekin í fyrra á afmælinu)

Jæja, við erum búin að kaupa flugmiða til Íslands. Við munum lenda á Íslandi 28. september (förum héðan 27. sept) og förum ekki heim fyrr en 27. október. Við tókum séns og keyptum miða frá Boston, ef ég hefði fengið að ráða þá hefði ég valið Minneapolis af því að ég klannast pínu við mig þar. Vance var á einhverju mótþróaskeiði. Hann var ekki að skilja af hverju ég vildi ekki keyra í 11 tíma til Orlando og borga næstum því $1000 meira fyrir flugmiðana...og sitja lengur í flugvélinni þar að auki. Nei, þá vil ég frekar taka eitt stutt flug og eitt aðeins lengra (en samt styttra en venjulega) og þurfa ekki að sitja í bíl í 11 klst. Tölum nú ekki um bensínsparnaðinn. En loksins náði ég í gegn til hans og nú þurfum við bara að finna hagstæða flugmiða til Boston.

Ég mun vera með með einhver jólakortanámsskeið, sennilega í Hafnarfirði og svo kannski í skólanum í Grindavík.

Nú svo eiga tvær vinkonur mínar von á sér í október, vonandi koma bæði börnin áður en ég fer aftur heim.

Mayme var hérna hjá okkur í tvær viku, fór aftur heim 18. júní. Á 17. júni fórum við til Lake Lure og prófuðum ströndina þar. Sylvan var svolítið hræddur við vatnið, allavega til að byrja með. Enda æddi V. með hann lengst út í og fór svo að tala um að fiskarnir væru að narta í hann. En svo tókst mér í rólegheitum að fá Sylvan aftur í vatnið. Við gerðum sandkastala saman og svo færðum við okkur bara í rólegheitum lengra og lengra út í vatnið. Við vorum reyndar ekki með kúta þannig að ég var ekkert að fara of langt.

Látum þetta duga í bili...

Heyrumst!

Skemmtileg mynd

2008-05-31T23:06:00.003-04:00

Ég verð bara að deila þessari mynd með ykkur.

Ég var að reyna að taka mynd af sjálfri mér fyrir fréttabréf. Ég er nefnilega í hönnunarteymi fyrir Skröppu og við áttum að senda inn myndir af okkur sjálfum. Nú Vance var farin í vinnu þannig að ég reyndi að redda þessu bara sjálf...og Sylvan var víst líka eitthvað að reyna að vera með.

Ég náttúrulega sendi ekki þessa mynd. Þó bakgrunnurinn skipti ekki máli þar sem hann verður þurrkaður út.

Vance er þessa stundina co-host (eða hvað það nú kallast) í útvarpinu. Hann er að vonast til að komast meira inn hjá gaurunum þar. Þeir voru að missa frá sér producer, mikið áfall, hann var handtekinn fyrir sifjaspell gaurinn! Ég held þeir megi bara vera fegnir að losna við hann.

Fyrir ykkur sem ekki vitið, þá er hægt að fara í draugaferðir um Asheville og gaurarnir sem sjá um það (þeir sömu og eru með útvarpsþáttinn) eru búnir að bjóða Vance að prófa að vera leiðsögu maður í þeim ferðum og jafnvel taka þær að sér að einhverju leiti. Hann fengi meira fyrir 1 og hálfan tíma í því heldur en fyrir eitt kvöld hjá Pizza Hut.

Við fórum í tívolí í dag og svo er stefnan tekin á sirkus á morgun. Ég er ekki bún að setja inn myndir frá því í dag, er búin að vera á kafi í kortagerð. Er að reyna að byrja snemma á jólakortunum....aðallega af því að ég er að fara að kynna eitt stimplasett á SU blogginu mínu næstu helgi sem er svo fínt í jólakort, þó það sé ekki jólasett. Mig langar að vera búin með flest kortin og slatta til að selja þegar við Sylvan kíkjum á Frón í haust. Ekki beint jólastemmning hér samt í 30°c hita...hehe...smá mont!

Gleðilegan sjómannadag öllsömul og vonandi verður ekki meiri skjálfi á Suðurlandinu, þekki nokkrar þar sem eru búnar að missa ansi mikið af innbúi núna síðan á fimmtudaginn.

Bless í bili

29 stiga hiti og Nova Echo

2008-05-28T00:04:00.004-04:00

Nú held ég að sumarið verði heitt hjá okkur. Hitinn fór upp í a.m.k. 29°C í dag í skugga. Sylvan var bara að sulla í vatni allan seinni partinn. Tók smá pásu af því að ég heyrði í þrumum, en svo kom ekkert þrumuveðrið til okkar. Það komu skúrir en sólin skein í gegn á meðan.

Við erum að upplifa svolítið nýtt. Það eru flugur hérna sem kallast Cicada og þessi ákv. tegund kemur upp á 17 ára fresti skilst mér. Sem sagt, þær koma upp sem frekar stórar pöddur úr jörðinni (maður sér holurnar eftir þær út um allt). Pöddurnar skríða svo og finna sér einhvern hentugan stað eins og trjábörk, laufblöð, veggi, póstkassa....jú neim it....og planta sér þar og flugan kemur svo út úr skelinni. Og þessa dagana eru þær að leita sér að maka og þvílíkur hávaði í þeim. Okkur fannst við vera með mikið af þessum flugum, sem eru á stærð við þumalputtann á mér, en svo fórum við á leiksvæði í Austur-Asheville í dag og þar var gjörsamlega allt morandi í þeim og hávaðinn eftir því. Ekkert skrítið að enginn annar hafi verið á svæðinu.

Á föstudaginn fórum við Sylvan á æðislegt leiksvæði í Black Mountain. Það er college þar sem heitir Montreat College og leiksvæðið er inn á skólasvæðinu. Rosalega fallegt og heillandi svæði og ég hefði ekkert á móti því að vera í skóla þarna. Þetta er bara eins og lítið þorp út af fyrir sig inni í skógi. Leiksvæðið skiptist svolítið niður, það eru 3 mismunandi kastalar (misstórir), rólusvæði, lækur til að sulla í og leiksvæði sem er lokað af, þar er sandkassi og þríhjól og sitthvað fyrir lítil börn. Bara geggjað svæði, svolítið stórt ef maður ætlar að hitta fólk þar. Við t.d. fórum til að hitta nokkrar mömmur en svo vildu börnin öll fara hvert í sína áttina og við eyddum kannski 10-15 mín. með hinum restina vorum við Sylvan bara hér og þar, eftir því hvar hann vildi leika. En við eigum pottþétt eftir að draga Vance með okkur þangað einhvern daginn.

Maður er alltaf svo töff:

Á sunnudaginn skelltum við okkur til Waynesville í afmæli til Haliah. Það var rosa gaman. Sylvan skemmti sér allavega konunglega.

Pabbi Haliah, hann Lee, er trommari fyrir hljómsveit sem heitir The Nova Echo. Þeir eru ekki búnir að spila lengi en eru bara nokkuð góðir. Þeir spila electronic/pop/rock.

Hér eru linkar á þá

http://www.myspace.com/thenovaecho

http://www.myspace.com/theclerkrock

á neðri linknum ættu allir að kannast við lag sem heitir Africa.

Alice og Mayme koma til okkar í næstu viku og Mayme verður sennilega hjá okkur í 2 vikur, nema það heilli hana meira að vera hjá Marc og Shirin þá verður hún eitthvað þar líka.

Bless í bili

Tornado Warning

2008-05-11T13:14:00.004-04:00

Jæja, nú eru mamma og pabbi komin og farin og Skúli kominn og farinn. Ég á eftir að setja nokkrar nýjar myndir á barnaland en myndirnar frá því að mamma og pabbi voru hérna eru held ég allar komnar inn. Svo er ég búin að taka nokkrar myndir af blómunum sem mamma missti af, þ.e. þau voru ekki búin að springa út þegar mamma og pabbi fóru heim.

Í gær fórum við Sylvan á Krakka dag hjá Asheville Recreation Centers. Hátíðin var haldin í gamla hverfinu okkar. Við fórum á þetta í fyrra en þá römbuðum við bara óvart á það. Núna voru þónokkrir krakkar sem eru í mömmuhóp sem við erum í. Við erum farin að hitta nokkrar mömmur og krakka alltaf á föstudögum nefnilega.

Sylvan skemmti sér rosa vel í gær. Það voru 3 hoppukastalar, sulluborð, sápukúluborð, maður með snáka og skjaldbökur, slökkviliðsbílar og svo er líka venjulegur leikvöllur á svæðinu (við héldum upp á fyrsta afmælið hans Sylvans þarna).

Í dag er Tornado Warning hér í Buncombe County og sýslunum hér í kring og við vonum bara að það komi engir hvirfilbylir hér yfir.

Ég vil enda þennan stutta pistil með því að óska Lóu og Birki til hamingju með brúðkaupsdaginn í gær!

Spark í rassinn

2008-04-02T13:12:00.002-04:00

jæja, Elli sparkaði í rassinn á mér alla leið yfir hafið. Hann fær þetta þá bara til baka:

Við fengum bongóblíðu í gær, 24 stiga hita!!!

Annars er veðrið búið að vera misjafnt og það var skítakuldi á páskadag. Sylvan fékk gjöf frá páskahéranum og þar á meðal voru krítar. Nú, þegar hann var búinn að skreyta stéttina, húsið og innkeyrsluna þá var bara bíllinn eftir! Þannig að hann skreytti hann líka.....og fékk smá skammir fyrir (við áttum þó bágt með að fara ekki að hlæja).

Nú þá datt honum í hug að reyna að klóra strikin af....sem var eiginlega verra en að hafa strikin á því nú er bílhliðin með klórrispur :o

Við fórum í mat til mömmu Angiar í Sylva á páskadag og fengum æðislega skinku og meðlæti. Við mættum með skúffuköku í eftirrétt og íslensk páskaegg sem slógu í gegn (og nammið innan úr þeim líka). Og svo var eggjaleit (easter egg hunt).

Á morgun fer Sylvan í skoðun til tannsa, vonum að hann verði skárri en síðast. Hann er allavega búinn að vera að æfa sig í að liggja og leyfa mér að kíkja í munninn hans þegar ég er búin að tannbursta hann.

Sylvan er komin með rólu og rennibraut fyrir aftan hús og skemmtilegan rugguhest fyrir framan hús. Harriet vinkona var að flytja úr Butler's íbúðinni (sami eigandi og þar sem við bjuggum áður) og lét okkur fá rólusettið sem hún keypti af fyrrv. nágranna okkar þegar sú kona flutti úr Butler's húsinu sem hún bjó í. Og rugguhestinn er hún búin að eiga lengi. Svo stefnir hún á að koma með barnabarnið sitt í heimsókn í sumar til að leika við Sylvan. Sylvan hefur ekki hitt Wyatt síðan við fluttum. Ég fór til hennar á föstudaginn og hjálpaði henni aðeins að pakka, náðum að klára meirihlutann af eldhúsinu. Hún á óhemjumikið af eldhúsdóti konan!

Jæja, læt þetta duga í bili, og Elli, afmælispakkarnir sitja bara hérna í kassa...skil ekkert í því af hverju þeir drösla sér ekki á pósthúsið *roðnikall*

Vorið er komið og grundirnar gróa

2008-03-13T21:36:00.002-04:00

...allavega í bili. Það er búið að vera geggjað veður í gær og í dag. Reyndar meiri vindur í gær en í dag. Í gær áttum við Vance 3ja ára brúðkaupsafmæli, tengdó áttu 53ja ára brúðkaupsafmæli, Flóvent átti 3já ára skírnarafmæli og krílið hann Sigurjón varð eins árs. Maður gleymir ekki þessum degi svo auðveldlega held ég.

Vance hringdi til Flórída í gær og náði að minna pabba sinn á 53ja ára brúðkaupsafmælið, hann mundi ekkert eftir því. Læknarnir vilja fá hann aftur í tékk út af einhverju í lungunum en hann er að hugsa um að láta það bara eiga sig, honum líður ágætlega kallinum og er orðinn þreyttur á þessu læknastússi.

Við fórum með Sylvan á sögustundina á bókasafninu. Ég get svo svarið að tvær mömmurnar hljóta að vera svona utan við sig vegna brjóstagjafa eða eitthvað. Það eru allavega tvær kellur með litla unga og svo stærri stráka sem eru á réttum aldri fyrir Toddler Time. Strákarnir eru hreinlega út um allt en þó helst upp við konuna sem les, standa sem sagt beint fyrir framan bókina, eða sitja úti í glugga og eru með læti. Og mömmurnar sitja bara kyrrar og hlusta á sögurnar. Önnur meira að segja fór fram í gær að spjalla við einhverja konu og skildi 3 af 4 krökkum eftir inni og sá yngsti af þeim nýtti sér það sko í botn (hún tók s.s. ungabarnið með sér fram). Þessar konur eru ágætar konur en mættu nú alveg sjá um börnin sín, ég er hissa á að konan sem er með sögustundirnar segi ekkert við þær, hún þurfti margsinnis að biðja strákana um að setjast og mömmurnar gerðu ekki neitt. Ég er mikið að spá hvort við ættum að færa Sylvan yfir í næsta hóp, sem er fyrir 3-5 ára, en samt þá er maður aðeins farinn að kynnast kellunum í þessum hópi.

Við Sylvan fórum svo á leikvöll seinni partinn í gær og það var rosa gaman, þó ekkert á við í dag. Ég stakk upp á að við fjölsk. færum á leikvöll í Norður Asheville í dag. Við höfum einu sinni farið þangað áður. Veðrið í dag var æðislegt og það var fullt af fólki með börnin sín (veit samt ekki hvort það sjáist á myndunum á síðunni hans Sylvans). Sylvan vildi ekki fara heim. Hann var rosa duglegur að leika úti hér heima í dag líka og er kominn með smá roða í kinnarnar.

Í siðustu viku fengum við rigningu og þrumuveður, hann lék sér heillengi í rigningunni, eða þangað til ég fór að heyra í þrumum....sem var ekki verra fyrir mig þar sem ég var orðin rennblaut í gegnum úlpuna mína og gallabuxurnar. Regnfötin hans Sylvans passa enn á hann þannig að hann var í góðum málum.

Á morgun er ég að fara á stimplahitting hjá Betsy, hef ekki farið til hennar síðan í haust.

Ég verð að deila með ykkur nýjustu fjölskyldu myndinni:

Þetta er sem sagt ég, Vance, Mayme (efri) og Sylvan. Ég spurði Sylvan hvað þessir hringir væru á mér og hann sagði að þetta væri maginn *LOL* Við erum sem sagt öll með augabrúnir, augu, munn, háls, hendur of fætur, og ég er með "maga" fyrir ofan hendurnar. Vance fékk líka nef.

Hér er svo sullumynd af Sylvani.

og vorblíðumynd frá því í dag (fimmtudag).

Já, og við fengum páskaeggin í pósti í gær :) Nú bíðum við bara spennt eftir páskunum.

Bless í bili

Vor í lofti

2008-02-25T22:19:00.003-05:00

Jæja, þá er maður kominn yfir veikindin. Sylvan talar ekki um annað að honum sé batnað....og bætir svo við að mér sé batnað og pabba sínum líka....þó það hafi nú ekki verið S. sem var lasinn í þetta skiptið. Þeir feðgar fóru saman á sögustundina á bókasafninu síðasta miðvikudag og þar var verið að ríma saman dýr og hluti (frog - log, mouse - house o.s.frv.) og konan sem sér um þetta spurði Sylvan hvert uppáhalds dýrið hans væri og hann svaraði eins og var "Dolphin!" (það er í alvöru uppáhalds dýrið hans!). Og reyniði nú að finna eitthvað sem rímar við það!!! Greyið konan varð kjaftstopp en einn stóri bróðirinn sem var þarna stakk svo upp á coffin! LOL!

Við fjölskyldan skutluðumst til Waynesville í gær og Sylvan skemmti sér vel að leika við Haliah og Elianna....og ég á tímabili líka. El lét ekki mömmu sína í friði á meðan hún var að elda þannig að ég setti mig í leikgírinn og lék við börnin og æsti þau upp. El er svo mikill apaköttur miðað við Sylvan og Haliah. Hún er 18 mánaða og greinilega fílar mig ágætlega þar sem hún er endalaust að gefa mér knús og kossa og biðja mig um að halda á sér. Algjört rassgat.

Í dag kíktum við á leikvöll og það var bara ansi mikið af fólki með börnin sín....eða hundana sína...á svæðinu. Sylvan skemmti sér konunglega.
Hann er farinn að tala svo mikið og skýrt. Ég eldaði kjúlla og steikt hrísgrjón m. grænmeti í gær og hann sagði: "That's delicious.....I don't like it!" Tók sem sagt einn bita og vildi skyrpa honum aftur út úr sér. Vance var þó allavega hrifinn af þessu þannig að eldamennskan ver ekki til einskins. Sylvan er alveg hryllilegur þegar kemur að því að borða mat, hann er ekki enn farinn að borða kjöt að neinu ráði. Hann er hættur að vilja hafragraut. Hann vill bara helst ekki neinn mat....en kemur oft á dag að suða um sleikjó eða frostpinna...og skilur svo ekkert í því af hverju ég segi alltaf nei við þeim uppástungum.

Á morgun er stefnan tekin á mollið og hinn er svo aftur sögustund á bókasafninu. Svo kannski koma stelpurnar í heimsókn á sunnudaginn....og Lee og Angi líka auðvitað.

Bless í bili

Góður linkur

2008-02-22T23:07:00.002-05:00

Á spænsku reyndar en myndir með enskum texta um meðhöndlun ungbarna!
http://www.makememinimal.com/2008/instrucciones-para-cuidar-un-bebe/

ég gersamlega grenjaði úr hlátri!

39.8°C

2008-02-19T16:13:00.002-05:00

var líkamshitinn minn í gærkvöldi....takk fyrir pent!
Ég lá í móki í sófanum eftir að ég talaði við mömmu í símann og Sylvan lék sér á stofugólfinu. Teiknaði meira að segja mynd af múttu sinni vafða í sæng og með gleraugu. Var bara ekki með myndavélina við höndina til að ná því á filmu. Og enga orku til að sækja vélina heldur.
Ég byrjaði að veikjast á laugardagskvöldið og hélt ég væri bara með nett astma kast en svo tóku við kuldaköst og hitaköst á sunnudaginn. Þeir feðgarnir fóru þá til Burnsville að heimsækja Ruby og Carl og Granny Bessie, ömmu hans Vance. Á meðan lá ég heima steinrotuð.
Ég er ekki með eins háan hita í dag en er samt enn drulluslöpp. Vance er búinn að sjá um Sylvan í allan dag og S. lagði sig meira að segja í 1 og hálfa klukkustund.....sennilega af því að hann var endalaust að vakna í nótt. Vance ætlar ekki í vinnu fyrr en drengurinn er kominn í háttinn.....hefði þurft að gera svoleiðis í gær en hann var bara ekki að trúa því að ég væri svona lasin, þrátt fyrir að hafa tekið eftir kuldaköstunum.
Vonandi fer mér nú að batna og vonandi næla drengirnir sér ekki í þessa pest....Sylvan er samt eitthvað að hósta núna :(
Ég ætla að láta þetta duga í bili, hef ekki mikla orku til að gera neitt núna.

bless í bili.

Málið fellt niður

2008-02-13T21:11:00.005-05:00

Málið okkar var fellt niður. Og nú nagar Vance sig í handarbökin fyrir að hafa ekki mótmælt hinu og þessu sem Butlerinn laug um okkur í réttarsalnum. Hann hélt því fram að ýmislegt sem var að húsinu hafi verið okkur að kenna, eitthvað sem var svoleiðis þegar við fluttum inn....eins og margra ára gamlir blettir á eldhúsgólfinu sem ég margskrúbbaði til að reyna að ná af, brotin innstunga....af hverju ættum við að brjóta innstungu???? Og svo sagðist hann hafa reynt að gefa okkur 4-6 vikna fyrirvara á því að þau ætluðu að hækka leiguna....sem er bara kjaftæði. Hann var nógu mikið að vesenast í húsinu á móti okkur og hefði getað tölt yfir og talað við okkur....nú eða sent okkur ábyrgðarbréf (sem er löglega leiðin). Þau þóttust líka hafa reynt að fá okkur til að skrifa undir nýjan samning en aftur þá kemur þetta sama, hann var að vesenast í húsinu á móti okkur annan hvern dag, að minnsta kosti, í nóvember, og bankaði ekki einu sinni uppá....! Dómarinn lét málið niður falla af því að Butlerinn hafði notað meiri pening í að auglýsa húsnæðið en þau skulduðu okkur í tryggingu. Hann sagði líka að við hefðum brotið útrunna samninginn með því að vera auka mánuð í húsinu. Hvernig í fj.... getur maður brotið samning sem er útrunninn???

Og þá er bara málið þannig að löglega hefðum við ekki átt séns, sama hvernig á málið er litið, að gefa fólkinu 30 daga frest og þar af leiðandi áttum við aldrei séns á tryggingunni. Þau skildu eftir bréf á hurðinni okkar (s.s. ekki sent í pósti) 10 dögum áður en samningurinn rann út.....þau áttu að gefa okkur 30 daga frest líka....en dómarinn leit alveg framhjá því og Vance mótmælti engu.

Ég vildi að ég hefði komist með, ég hefði ekki hikað við að rífast við þetta fólk....sérstaklega þegar það dregur fram hverja lygina á eftir annarri um okkur.

Við bjuggum þarna í tvö ár og borguðum alltaf leiguna á réttum tíma.....sem er ekki hægt að segja um suma aðra leigjendur þeirra. Ég veit að Harriet hikar ekki við að draga að senda leiguna, sérstaklega ef það þarf að gera við eitthvað hjá henni. Það tók t.d. Butlerinn 2 mánuði að gera við klósettið hennar, hann gerði það ekki fyrr en hún sagðist ekki myndu borga leiguna fyrr en klósettið væri komið í lag.

Eníveis....við ætlum að senda bréf til allra leigjenda hjónanna og útskýra hvernig þau koma fram við leigjendur sína og við ætlum að láta fylgja upplýsingar um hvert á að hringja til að kvarta undan húsnæðinu (eins og við gerðum).

Það er flutt inn 5 manna fjölskylda í húsið sem við áttum heima og ég get lofað ykkur því að þau eru að brenna upp öllum sínum pening í að halda húsinu heitu núna....og bara stofan verður sæmilega hlý.

Sylvan er núna búinn að vera lasinn í viku og kominn með eitthvað sem kallast pink eye. Annað augað hans er orðið bleikt og svolítið bólgið í kringum það. Við fórum samt með hann á bókasafnið í morgun en ákváðum að vera bara í sögustundinni og söngnum, ekki þegar krakkarnir pússla saman og skoða bækur. Það komu ansi mörg börn í morgun og Vance var ekki eini pabbinn í þetta skiptið.

Á morgun er Valentínusardagurinn, við ætlum ekkert að gera neitt spes í tilefni dagsins, bara borða hádegismat á Pineapple Jacks. Sylvan sendi vinkonum sínum í Waynesville Valentínusarkort.

Hér er enn eitt meistaraverkið eftir hann

Þetta er sem sagt Rainbow og hann er að teikna ís og hamborgara handa henni.

Svo var ég held ég ekki búin að sýna hestinn:

Nýjasta setningin hans er: "I don't know things about that!"

Small Claims Court

2008-02-08T09:26:00.000-05:00

Eftir 20 mínútur verðu mál okkar gegn fyrrv. leigusala okkar tekið fyrir í Small Claims Court. Við erum sem sagt að reyna að fá tryggingarpeningana okkar til baka. Því miður verð ég að hanga heima á meðan þetta gerist þar sem Sylvan Dagur er búinn að vera með hita síðan á miðvikudaginn. Vance fór og var með Marc með sér sem vitni fyrir að hafa fengið bréf frá leigusalanum um að við ættum að flytja úr húsinu fyrir 1. des. Harriet ætlaði líka að bera vitni en dóttir hennar lenti í bílslysi og ökklabrotnaði þannig að hún var að fara þangað og aðstoða hana (það var bíll sem keyrði í veg fyrir hana). Og þar sem Shirin er með lítið kríli þá vildum við nú ekki troða lösnum Sylvani á hana.

Við fórum með S.D. á sögustund á bókasafninu á miðvikudaginn. Honum þótti það nú ekki lítið gaman. Það voru bara 5 börn en á þessum aldri er það bara fínt (18 mán. til 3ja ára). Svo eftir hádegi fór hann að verða slappur og sjóðheitur. Og í gærmorgun svaf hann alveg til rúmlega 11.....ég fékk s.s. alveg óvænt að sofa út! En þá í staðinn var hann vakandi í nokkrar klst. í nótt en sefur eins og engill núna. Ég vona að hann fari nú að ná sér svo hann komist eitthvað út...hm...og þar með ég líka!

En nóg um það, ég blogga meira þegar ég veit hvernig fór í réttarsalnum, ég þori ekki að gera mér neinar vonir og ef við fáum peninginn þá fer hann bara upp í leiguna sennilega.

Over and out!

Bíllinn bilaður enn og aftur

2008-01-29T22:05:00.000-05:00

Það eru einhver álög á bremsunum á bílnum okkar :/ Þær eru bilaðar í þriðja skiptið á tveimur árum, og hættulega bilaðar í þetta skiptið. Vance kom snemma heim í gær af því að hann lenti í því að keyra næstum því á annan bíl af því að bremsurnar virkuðu ekki (bílinn fyrir framan hann bremsaði snögglega til að beygja, án þess að gefa stefnuljós). Og í kvöld þá varð hann að nota bíl framkvæmdastjórans því að ekki fékkst neinn til að koma í vinnu í staðinn fyrir hann.

En nóg með það. Það er nú samt ekkert merkilegt að frétta af okkur hér. Við fórum í afmæli í síðustu viku til Calebs, Sylvan skemmti sér vel. Marc og Shirin fóru svo daginn eftir til Florida og tengdó fékk að sjá litla Silas í fyrsta skipti. Þau koma aftur í næstu viku, rétt áður en við drögum Butlerinn í réttarsalinn.....maður fer að breytast í sannan Kana hér! Vonandi fáum við bara peninginn okkar aftur, Marc ætlar að koma með okkur sem vitni og Harriet er líka búin að bjóða sig fram. Það er enginn leigjandi kominn í húsið enn, enda myndi enginn tolla í því í kuldanum sem er búinn að vera hérna....og eini staðurinn í húsinu sem verður heitur er stofan. Svo kemur sumarið og þá er engin loftræsting og þá vill sennilega enginn flytja í húsið heldur...hehehe!

Sylvan Dagur er að taka þvílíkum framförum í teikningu. Hann getur setið í klukkutíma og dundað sér við að teikna á magnadúdlið sitt. Það er kannski einhver spóla í tækinu og hann fær hugmyndir þaðan til að teikna. En það er ekkert smá hvað hann getur orðið reiður þegar honum tekst ekki að teikna eins og hann vill!

Hér eru meistarastykki frá honum:

Clifford the big red dog. Sylvan á spólu um hann, reyndar þegar hann var bara oggulítill hvolpur.

Þyrla. Hann var með dótaþyrlu sem hann á sem fyrirmynd. Stundum verð ég að minna sjálfa mig á að hann er ekki einu sinni orðinn þriggja!!!

Og í dag eyddum við klukkutíma saman í að mála og teikna.

Þetta er engill og ég spurði um strikið sem kemur út til vinstri og þá sagði Sylvan "she spit his mout out!"...hm....hvað sem það á nú að þýða. Og svo bætti hann apðeins á engilinn, hann er sem sagt á hjólabretti (hjólabretti eru svo spennandi, S. prófaði eitt í Tennessee um daginn).

Haldiði að maður sé nú ekki stoltur! Drengurinn búinn að teikna sínar fyrstu höfuðfætlur!

Og svo er maður svo sætur með rauðan varasalva

Og ekki gleyma að kíkja á hitt bloggið mitt!

Á leið í réttarsalinn

2008-01-11T21:58:00.000-05:00

Jæja, þá er Vance búinn að leggja fram kæru á hendur fyrrverandi leigusölum okkar, fyrir að hafa ekki borgað til baka trygginguna okkar!!! 8. febrúar er dagurinn sem við fáum að vita hvort við fáum peninginn okkar til baka. Marc og Harriet eru bæði til í að koma með okkur sem vitni.
Harriet ætlar að flytja úr sinni íbúð og nágrannarnir, sem fluttu inn í húsið á móti okkur ætla ekki að skrifa undir nýjan samning í haust.....ég veit ekki alveg af hverju þær ætla að bíða þangað til í október með að flytja út, þær geta alveg gert eins og Harriet ætlar að gera, s.s. borga bara hluta af leigunni og láta trygginguna ganga upp í restina. Þá er ekkert vesen með að fá peninginn til baka og ekki hægt að henda þeim út. Hvernig haldiði að Butler hjónunum líði þegar þau eru búin að hrekja alla leigjendurna í burtu og standa uppi með 3 auð hús sem þarf að borga lán af.
Annars er lítið að frétta héðan. Ég ætla að fara með nokkur kort í S.O.S búðina á morgun og sækja um pláss fyrir kortin mín í leiðinni. Mun hækka aðeins verðið á þeim þar sem það fer mikið meiri vinna í þau núna en í fyrra og hittifyrra.
Ég ætla bara að hafa þetta stutt í dag, er á fullu í kortagerð núna og búin að setja Bridget Jones's Diary í tækið. Fann spóluna á $2 í dag :)

Góða helgi

Gleðilegt nýtt ár!!!!

2008-01-07T22:53:00.000-05:00

Nú hlakkar í mér....
Við fengum bréf um helgina frá fyrrum leigusala okkar, um að hann geti ekki borgað okkur neitt af tryggingunni okkar til baka af því að hann hafi ekki fengið leigjendur í húsið ennþá. Ekki það að okkur komi neitt við hvort hann geti leigt út húsið eða ekki. Ég var núna að enda við að tala við hana Harriet vinkonu mína og fyrrv. nágranna. Heyrðu, fólkið hringdi í hana núna um helgina og sagði að barnabarnið hennar væri með of mikinn hávaða í húsinu (excessive noise). Yfirleitt er nú miðað við að excessive noise sé hávaði frá partýum og þess háttar...ekki tveggja ára barni. Hún er með hann hjá sér einu sinni í viku og hann á það til að vera hávær....en hvaða 2ja ára barn á ekki til að vera hávært??? Það búa tvær konur í kjallaranum og þær hefðu nú átt að vita að ef maður flytur í kjallara þá á maður eftir að heyra í fólkinu fyrir ofan....sérstaklega þegar ekki eru teppi á gólfum. Nú, svo segir Harriet mér að hún hafi séð leigusalann (ofur-kristnu konuna) kíkja í póstkassann hjá nágrannanum (þau eiga líka það hús)....það er kolólöglegt og svo langt frá því að vera kristin hegðun!!! Á meðan ég var að tala við Harriet fór hún yfir til nágrannans að segja henni frá þessu. Þá komumst við að því að leigusalarnir halda því fram að við yfirgáfum bara húsið án þess að láta þau vita!! Bölvuð vitleysan sem vellur upp úr þessu fólki. Nú þetta fólk hefur verið að bögga þennan sama nágranna yfir að hafa ekki verið búin að borga leiguna fyrsta jan.......nema bankar voru lokaðir og pósthús og konugreyið ekki búin að fá launin sín (einstæð með 2 dætur)...og samningurinn segir að leigan eigi að berast fyrir 10. hvers mánaðar. Svo eru þau búin að hækka leiguna á húsinu sem við bjuggum í, um $100 í staðinn fyrir $50 eins og þau ætluðu að gera við okkur. Við vorum í húsinu og vildum ekki borga hærri leigu...af hverju í fjandanum ætti einhver annar að vilja gera það???? Það þarf að gera við húsið áður en einhver vill búa í því. Manni bara finnst eins og þau séu farin að örvænta....nema þau vita ekki enn að Harriet ætlar ekki að endurnýja sinn samning....hún ætlar ekki að lenda í svona veseni eins og við.....og þau vita ekki enn að við ætlum að draga þau fyrir rétt og láta þau bæði koma og við ætlum að sanna okkar mál og ef við vinnum þá þurfa þau að borga okkur til baka plús réttarkostnað og Harriet sagði að við ættum að fara fram á að fá vextina líka greidda fyrir þá daga sem þau drógu að borga okkur. Málið er að Vance vinnur á kvöldin og það er ekkert mál fyrir okkur að mæta í réttarsalinn en þau þurfa að taka sér frí úr vinnu til þess...hehehe...oh hvað hlakkar í mér núna. Nú vona ég bara að restin af leigjendunum forði sér...því að öll húsin þarfnast viðgerða.
Og já, svo nefndi ég við Harriet að Vance minnir að þau hafi breytt dagsetningunni á síðasta leigusamningi úr 15. nóv til 15. nóv í 1. nóv. til 1. nóv....sem þýðir að þá skulda þau okkur fyrir 2 vikur líka því þau mega ekki bara eyða út hálfum mánuði af samningnum. En þar sem við fengum aldrei afrit af þeim leigusamningi þá verðum við að láta þau mæta með hann fyrir rétti.

-----------
En að öðru. Þar sem við komumst ekki til Tennessee um áramótin þá ákváðum við bara að skella okkur þangað í heimsókn í gær. Og Sylvan skemmti sér svo vel. Tarc og Venecia eiga lítinn hvolp sem er innihundur (þau eiga líka hunda sem eru bara úti) og hann er oggulítill, 4ra mánaða, alveg í réttri stærð fyrir Sylvan. Og Sylvan skemmti sér svo vel við að leika við hann. Tarc junior er held ég 10 ára og var voðalega duglegur að leika við Sylvan. Reyndi að kenna honum á playstation og hljóp út um allt með hann á hestbaki. Sylvan var líka ekki lengi að sofna í bílnum á leiðinni heim í gærkvöldi og steinsofnaði strax í kvöld. Hann fékk nokkrar jólagjafir og svo notað dót sem litli T er hættur að nota (Megablocks og hoppibolta). Sylvan er búin að hoppa og skoppa hérna út um allt í dag. Við Sylvan fórum líka í mollið að leika á meðan Vance fór í viðgerð og þegar við komum heim sáum við litla stelpu leika sér í götunni, hún er 3ja ára og á heima hérna rétt hjá.
Það er nóg að gera hjá mér í pöntunum og póstveseni. Ég fór á pósthúsið hér í Fairview í dag og póstmeistarinn var við afgreiðslu. Mér finnst hann verða pínu stressaður ef það myndast röð....ég var með 9 umslög og það myndaðist röð fyrir aftan mig. En fyndnast var samt þegar hann sagði að fólkið sem ég væri að senda til væri með svo skrítin nöfn (og sagði það eins og mér ætti að finnast það líka), þá varð ég að viðurkenna að mér þætti þau nú ekki skrítin þar sem ég væri frá sama landi og þetta fólk ;) Hann þorði nú ekki að reyna að segja nöfnin.
Enívei, Eygló loksins búin að fá jólapakkann sinn....og ég er búin að versla næsta jólapakka handa henni, spurning að senda hann af stað í júlí svo hann komi til hennar fyrir næstu jól ;) nú eða senda hann með mömmu og pabba í apríl.
Veðrið hérna í dag var nú bara með eindæmum gott, við opnuðum bara út og alles. Mikill munur frá því í síðustu viku þegar mælirinn fór langt niður fyrir frostmark. Þá þökkuðum við Guði fyrir að hafa flutt úr hinu húsinu, það hefði ekki verið líft í svefnherberginu þar fyrir kulda, hefðum eflaust þurft að koma okkur fyrir í stofunni, eina herberginu sem varð þokkalega heitt í.
Jæja, ég læt þetta gott heita, er ekki með neinar myndir til að sýna ykkur, ég bara steingleymdi myndavélinni í gær....haldiði að það sé nú!!!
Bless í bili

Lasarusar

2007-12-30T09:47:00.000-05:00

Jæja, það verður ekkert farið til Tennessee þessi áramótin. Ætluðum að fara í dag en við Sylvan erum bæði lasin. Vance er svo að vinna á morgun þannig að við Sylvan höngum bara ein heima á Gamlárskvöld. Nú eru búin að vera veikindi hér í 2-3 vikur. Ég er búin að vera rokkandi í viku. Einn daginn hundslöpp og þann næsta bara fín. En nú er ég búin að vera hundslöpp síðan á fimmtudaginn. Systir hans Vance og hennar fjölsk. komu á jóladag og voru hjá okkur í smá stund áður en þau fóru til foreldra Marcs. Við hittum síðan Alice og Mayme um kvöldið í Grove Park Inn og skoðuðum piparkökuhús og jólatré (öll jólatrén hvert með sitt þema í skreytingum). Á miðvikudag kom svo vinafólk okkar frá Waynesville með dætur sínar tvær. Þau voru öll búin að næla sér í kvef. En við drógum þau samt með okkur í Grove Park Inn, þau langaði svo að sjá húsin og hótelið. Hótelið sjálft er rosa flott og aðeins opið fyrir almúgafólk eins og okkur þegar piparkökuhúsakeppnin er í gangi, annars eru bara millar sem gista þar.
Alice gaf okkur í jólagjöf fríkvöld til að fara út að borða og í bíó. Eina kvöldið sem kom til greina var miðvikudagskvöldið og ég verð að viðurkenna að það var ekkert í bíó sem okkur langaði báðum að sjá en ég ætlaði að láta mig hafa það að fara á Sweeney Todd. Nema þegar við fórum að sækja Alice til að passa þá var hún hjá Marc og Shirin og Vance varð allt í einu hundfúll í skapinu og vildi ekki fara út að borða, bara í bíó. Þá ákvað ég bara að vera heima og ekki fara neitt, nennti ekki að hanga hjá M og S í 3 klst. að bíða eftir að fara á mynd sem mig langaði ekkert að sjá. Svo fékk ég nú að vita af hverju hann varð svona fúll. Shirin á það til að hreinlega einoka Alice og stelpurnar, hún planar hitt og þetta fyrir þær án samráðs við þær og gefur engum öðrum færi á að eyða tíma með þeim. Og í staðinn fyrir að segja eitthvað við Shirin um þetta þá varð V. hundfúll við mig og ég missti af eina tækifærinu til að fá pössun sem við höfum fengið síðan ég átti afmæli....og hver veit hvenær okkur gefst tækifæri á að fara út að borða og í bíó aftur án Sylvans :(
Ég er búin að vera lasin síðan á fimmtudag og ekkert getað hitt stelpurnar. Vance tókst að draga Alice með sér og Sylvani í Health Adventures á föstudaginn og ég svaf á meðan. Sylvan fékk jólapakkann frá Ella og co. á föstudaginn og restin af jólagjöfunum kom svo í gær :) Við reyndum líka að fá okkur smá ferskt loft í gær en það varð bara til þess að okkur versnaði öllum í kvefinu. Og ég er búin að sjá það að þegar ég er lasinn þá dettur engum öðrum í hug að t.d. vaska upp eða tína upp dótið í stofunni. Vance fékk alveg sjokk eftir að hann fattaði að Sylvan var ekki með neina bleyju í Health Adventures. Hann notar ekki bleyju þegar hann er hér heima og ég hafði klætt hann í sokkabuxur og peysu um morguninn. Og V. gerði bara ráð fyrir að ég hugsaði fyrir öllu....en ég hugsaði með mér að hann gæti nú kannski hugsað smá út fyrir sjálfan sig á meðan ég væri lasin...hehe...!
Oh, nu ytti eg a einhvern takka og fae ekki upp islensku stafina.
Sylvan er sem sagt eiginlega haettur a bleyju, hann sefur i bleyju og faer bleyju ef vid erum ad fara eitthvad og vitum ekki hversu lengi vid verdum i burtu. Hann nefnilega segir ekki endilega til fyrr en hann er byrjadur ad pissa, stundum naer hann a koppinn adur en thad kemur eitthvad i nariurnar.

Enivei, aramotin verda daufleg a thessum baenum.
Endilega kikid a http://www.sylvandagur.barnaland.is og skodid myndirnar thar, eg aetla ad reka V. a faetur svo eg geti lagt mig sma og reynt ad komast yfir thennan ljota hosta og kvef sem eg er med.

Gleðileg jól

2007-12-23T20:00:00.001-05:00

Þorláksmessan búin á Fróni og allir að leggja lokahönd á jólaundirbúninginn býst ég við. Ég sendi strákana mína í jólaboð í dag og var bara veik heima á meðan.....eftir að ég var búin að búa til meðlætið sem ég þurfti að senda með þeim feðgum. Þannig að eftir hádegi lá mín bara í bólinu.

Við erum ekki búin að fá neina pakka í pósti frá Fróni ennþá og enga pakka frá Florida. Við erum nú samt með pakka sem Eygló og Þóra komu með til Minneapolis í haust og svo verslaði ég nokkrar gjafir hér handa Sylvani frá ýmsum í fjölskyldunni. Ég býst við að Alice komi með nokkrar jólagjafir frá Florida þegar hún kemur. Ég þarf að fara og versla nýja jólagjöf handa mínum ektamanni. Hann var nú ekki með langan lista, hann bað um nýtt seðlaveski sem ég samviskusamlega fór og keypti, nema svo voru litlu jól í vinnunni hjá honum og þar fékk hann veski!!! Ég var nú búin að versla smá annað í gjöf til að hafa með veskinu en nú þarf ég sem sagt að finna eitthvað í staðinn fyrir veskið.

Vance verður að vinna eitthvað frameftir kvöldi á aðfangadag og óvíst hvort við verðum með einhver "litlujól" hérna heima eins og planið var, fer eftir hversu lengi ég þarf að halda þeim stutta vakandi. En hann ætlar að koma með gómsæta pizzu með sér heim....svo verða bara jólin á Jóladag hjá okkur. Enívei, spurning hvort ég reyni að lauma mér í burtu núna að versla gjöfina sem vantar.

Skömm og svívirða

2007-12-13T00:02:00.000-05:00

Haldið það sé nú, skömmin ég er ekki búin að senda allar gjafirnar til Íslands. Ég meina það! Og hvað þá jólakortin...en þau verða skrifuð um helgina. Það verða ekki allir svo einstaklega heppnir að fá heimagerð kort...en ég lofa að senda ekki ljót keypt kort. En hey! ég er búin að senda alla krakkapakkana allavega!

Annars er nú það að frétta að við erum flutt í fína húsið "okkar" í Fairview. Búin að kaupa okkur þvottavél og þurrkara og þessa fínu ryksugu fyrir teppið. Meira að segja Vance er orðinn sáttur við að hafa þurft að flytja...en það þurfti mikið til. Þegar við skiluðum lyklunum að hinu húsinu sagðist eigandinn ætla að gefa okkur trygginguna okkar til baka þegar hann fyndi nýja leigjendur (kolólöglegt hjá kallinum). Við þrifum húsið hátt og lágt og rökuðum laufin í garðinum. Skildum eftir olíu í hitatankinum og svona. Húsið leit betur út en þegar við fluttum í það. Á föstudaginn hnupla þau hjónin svo pakka sem barst á mínu nafni á pallinn á gamla húsinu. Við vorum búin að láta þau vita að við myndum athuga með póstinn á hverjum degi. Þau hafa ekki fyrir því að láta okkur vita að þau séu með kassann fyrr en á sunnudag (ég vissi að kassinn hafði borist á föstudeginum en svo bara hvarf hann) og þá máttum við samt ekki koma heim til þeirra að sækja hann heldur áttum við að sækja hann á Sayles Rd. Þegar við sóttum pakkann á mánudaginn fylgdi honum bréf frá þeim hjónum um að þau myndu ekki borga okkur trygginguna til baka því við hefðum ekki gefið þeim 30 daga frest...sem er hrein lygi því við létum þau vita í enda okt. að við ætluðum að finna okkur annað hús og borguðum fyrir nóvember....sem er 30 dagar! Samningurinn okkar rann út í enda okt. Þau sendu okkur bréf þá um að annað hvort yrðum við að skrifa undir nýjan samning eða vera komin úr húsinu fyrir 1. des. Sem sagt, þau bæði fengu 30 daga frest frá okkur og við frá þeim. Þau komu aldrei með nýjan samning að láta okkur skrifa undir heldur.

Nú við erum ekki sátt við að fá ekki okkar $400 til baka þannig að þar sem húsið er í frekar lélegu ásigkomulagi, leki í pípulögnum inni á baði, engin einangrun, og málningin það gömul að hún er með "lead" (hvað kallast svoleiðis aftur á íslensku?), allavega mjög hættuleg heilsufari manns, tröppurnar á pallinn stórhættulegar og grindverkið laust (mig grunar að það sé ástæðan fyrir því að Sylvan náði að ýta hliðinu á undan sér og detta niður tröppurnar í vor), hitakúturinn gamall og ryðgaður o.fl. o.fl. þá hringdi Vance í borgina og kvartaði undan húsinu....eða tilkynnti það og bað um að það yrði skoðað áður en nýir leigjendur fengjust í það. Konan sem hann talaði við sagði að það hefði verið auðveldast ef við hefðum hringt á meðan við vorum enn með lykil að húsinu en af því að vatnsveitan var á okkar nafni þá gat hún látið loka fyrir þannig að enginn gæti fært vatnið á sitt nafn fyrr en búið væri að kanna ástand hússins...hehehe. Hjónin geta sem sagt ekki leigt út húsið fyrr en búið er að fara yfir allt sem þarf að gera við!!!!! Ég meina, dótið okkar angar af fúkkalykt úr hinu húsinu. Nú svo benti hún okkur á lagafyrirtæki sem tekur að sér að hjálpa leigjendum að fá rétti sínum framgengt. Hún sagði okkur líka frá því að húsið hefur ekki verið skoðað síðan 1999 og þau fengu kvörtun um húsið árið 2003 líka. Og þetta fólk telur sig svo ofboðslega kristið að það gerir lítilli fjölskyldu svona rétt fyrir jólin. Við bjuggum þarna í 2 ár, borguðum alltaf leiguna á réttum tíma og skiluðum húsinu hreinna en það var þegar við fluttum inn. Ég var búin að segja við Vance að þau myndu finna sér einhverja ástæðu til að borga okkur ekki til baka peninginn og hann trúði mér ekki og nú er hann búinn að fá þetta beint í æð og er feginn því að vera fluttur.

Nú bara til að gera mánuðinn ennþá betri þá tók bíllinn upp á að bila í síðustu viku, við þurftum að fara með hann í viðgerð á föstudag og laugardag og héldum að þá væri þessu nú lokið í bili, búin að fá viðgerð upp á rúma $400 en nei...á mánudaginn ákvað svo startarinn bara að deyja og það bæði kostaði okkur $180 og tók Vance úr vinnu í 4 klst (hann var í fyrstu útkeyrslunni þann daginn).

Ég segi bara sem betur fer var ég búin að kaupa flestar jólagjafirnar fyrir desember því þessi mánuður er búinn að kosta okkur um $2000 aukalega fyrir utan leiguna, mat og bensín.

Við Sylvan settum upp jólatréð um daginn, honum fannst það alveg æði og er enn að dunda sér við að endurraða skrautinu á trénu....við lítinn fögnuð foreldranna! Ég tók nokkrar myndir og þær eru nú ekki í bestu gæðunum, Sylvani fannst jólaljósin svo flott að við höfðum sem minnst af loftljósum kveiktum.

Beðið eftir að fá að skreyta.

Einbeittur við vinnuna.

Snjókornin eru flottust í einni hrúgu!
Ég tek það fram að þar er komin stjarna á toppinn þó hún sé ekki á myndunum hér!

Nú er Sylvan greyið bara lasarus, enn og aftur. Kominn með þvílíkt kvef. Hann svaf svo illa síðustu nótt að við tvö enduðum saman á sófanum milli 3 og 6 í morgun að horfa á teiknimyndir. Svo svaf hann "alveg" til 9:30 og ég rak pabba hans á fætur með honum svo ég fengi almennilegan svefn. Hann sofnaði svo á eðlilegum tíma í kvöld og sefur vonandi sem mest í nótt, klukkan er að nálgast eitt eftir miðnætti núna, kannski best að reyna að ná smá svefni áður en drengurinn vaknar.
Ég þarf að reyna að muna eftir að skrifa um jólasamkomuna sem við fórum á í næstu færslu, þarf að fá link hjá Vance áður en ég geri það!

Bless í bili og endilega sendiði okkur góða strauma fyrir tryggingarmálinu okkar.

Nýtt heimilisfang

2007-11-29T12:59:00.000-05:00

Hæ hæ

Frá og með morgundeginum verður heimilisfangið okkar:

17 Eastridge Ct.
Fairview, NC 28730

Við erum með stóra kerru í láni frá Marc sem við erum að hlaða kössum á. Við Sylvan ætlum að gera herbergið hans tilbúið í dag, svona til að gera flutningana raunverulegri fyrir hann.

B. kv.

Flutningar

2007-11-28T22:07:00.000-05:00

Jæja, þá er komið að flutningum hjá okkur. Við fundum hús í Fairview (bara 10 min. héðan), 3 svefnherbergi og 1 1/2 bað. Það er sem sagt klósett inn af hjónaherberginu. Sylvan fær sitt eigið hernbergi og svo verður eitt herbergið skrifstofa/föndurherbergi. Það er ljóst teppi á öllu nema eldhúsi og baðherbergjum. Og það er fataskápur við útihurðina!!!! Mjög óvenjulegt hér í USA, engar forstofur hér.

Við skrifuðum undir leigusamning í dag og fluttum nokkra kassa líka. Marc og Vance fóru svo þangað núna í kvöld með nokkra kassa, ekkert mikið samt miðað við að þeir eru tveir til að bera þá inn.

Auðvitað þá tók bíllinn upp á að bila, hann er ökufær eins og er en vélarljósið er á og við vitum ekki hvað er að. Það þýðir bara að ég fer ekkert að skottast eitthvað ein á bílnum, hvað þá með Sylvan með mér.

Við fórum í morgun og sóttum myndirnar úr myndatökunni, ekki nóg með það að Sylvan var erfiður í myndatökunni þá var líka ljósmyndarinn ekki góð. Ein pósan kom út allt of dökk, ljósmyndarinn sagði að myndin myndi ekki koma svona dökk út, en hún gerði það. Við fengum að taka þá pósu aftur í dag, annar ljósmyndari og Sylvan var ekki í jólafötunum, en ef þessi ljósm. hefði verið síðast þá hefðum við ekki átt í vandræðum með að fá smá bros á Sylvan. Á annarri pósu þá stillti hún Sylvani svo asnalega að það sést í kantinn á bakgrunninum, en það var samt svo sæt mynd af Sylvani að Vance vildi halda þeim myndum. Og þriðja pósan sem kom illa út var af Sylvani með þyrlu sem hann fékk (smá mútur í gangi), þá hafði hún bara hvítan bakgrunn og hann situr til hliðar þannig að stór hluti af myndinni er bara hvítur bakgrunnur. Og svo borgaði maður morð fjár fyrir þetta!

Ég er voðalega hrifin af einni myndinni, ég sagði henni að smella af þar, hann er með þvílíku tárin í augunum yfir að við værum að pína hann svona hryllilega að sitja fyrir.

Ég er ekki búin að skanna myndirnar inn, nóg annað að gera þessa dagana! Geri það þegar við erum búin að koma okkur fyrir í hinu húsinu.

Biðjum að heilsa í bili

HPP

Hræðslupúki

2007-11-07T22:57:00.000-05:00

No! I'm scared of yogurt! I'm scared of grautur! I'm scared of buxur!

Sylvan þykist vera hræddur við allt. Við fórum á Hálandaleika í Hendersonville á laugardaginn, rosa gaman, ég reyndi að fá Sylvan til að dansa við tónlistina þar en hann þóttist vera hræddur við tónlistina. Á sunnudaginn fann ég Queen dvd-disk og þá sagði sá stutti "I scared of rock and roll" en svo um leið og ég setti diskinn í spilarann byrjaði hann að dansa og það var svo gaman hjá honum. Hann söng hástöfum með We will rock you....nema hann söng "we will, we will rock and roll" og leiðrétti mig ef ég söng réttan texta....hans texti var víst "réttari" en minn. Á mánudaginn skelltum við okkur með drenginn í klippingu, því miður lentum við aftur á sömu manneskju og hafði reynt að klippa hann áður. Ég held hún hafi reynt að semja við drenginn í hálftíma áður en ég sagði henni að ég myndi bara reyna mitt besta til að halda drengnum kyrrum á meðan hún klippti. I scared of klipping! Hann grenjaði og barðist um næstum því allan tímann!

Í morgun fór ég með hann í myndatöku og ef eitthvað af myndunum kemur út í lagi þá er það bara hreinasta heppni. Hann hreinlega trylltist og vildi ekki sitja á borðinu sem er notað fyrir börnin að sitja á. Hékk á mér eins og api og þverneitaði að setjast. Ég þurfti að múta honum með dóti og það var varla að ganga. Ég var alveg búin á því þegar loksins var búið að taka 6 myndir. Við vorum svo óheppin að fá ekki sama ljósmyndara og í fyrra, sú var alveg geggjuð.

Við fórum svo með Sylvan til french Broad River Park og tókum þríhjólið með. Reyndar eftir að Vance fór og sótti um styrk fyrir olíu (til að kynda húsið) og við fengum 100 gallon af olíu, eða fáum á laugardaginn. Það sparar okkur um $300 þennan mánuðinn.

Hann er álíka duglegur að sparka í bolta og að kasta boltadrengurinn. Ég get varla beðið eftir að hann nái lágmarksaldrinum fyrir fótboltaæfingarnar. Bara tvö og hálft ár eftir held ég. Nema ég geti kennt honum smá sjálf og sýnt fram á að hann kunni nóg til að komast inn þegar hann er fjögurra.

Við erum að leita okkur að nýju húsnæði og ég er búin að finna slatta í blöðunum....bara meira vandamál að fá Vance til að hjálpa til og hafa samband við fólkið. Hann er ekki að nenna að flytja, en við höfum ekki efni á $300 hitareikningi á mánuði og hækkaðri leigu.....auk þess sem ég hef ekki þolað þetta hús síðan við fluttum inn. Mér finnst nóg að hafa þurft að vera hér í tvö ár.

Læt þetta duga í bili, þarf að skrifa á hitt bloggið mitt líka.

Tími kominn á blogg???

2007-10-11T22:19:00.000-04:00

Vá, hvað það er langt síðan ég skrifaði síðast. Sylvan fór til tannlæknis í síðustu viku og hágrét fallegum krókódílatárum akkúrat á meðan verið var að kíkja á tennurnar....svo var allt í kei um leið og hann fékk að setjast aftur. Ég er rosalega hrifin af þessari tannlæknastofu. Hún er mjög barnvæn (enda eru börn aðal kúnnarnir!). Það var tekin mynd af Vance, Sylvani og tannsanum og Sylvan fékk að eiga myndina. Hann fékk líka tannbursta, tannkrem, tannþráð og fleira í lítinn poka til að eiga.

Svo veiktist hann um kvöldið, fékk hálsbólgu og slæmt kvef. Þannig að næstu dagar fóru bara í inniveru. Í gær fórum við í heimsókn til mæðgnanna sem bjuggu á móti okkur en fluttu í haust. Þær fluttu í vestur Asheville og búa í geggjuðu húsi. Tveggja hæða, nýuppgerðu húsi, miklu stærra en húsið sem þær bjuggu í áður. Traci, mamman, sagði að hún væri að borga svipað og í gamla húsinu, leigan er hærri en rafmagnið og vatnið er helmingi ódýrara. Ég væri svo til í að búa í þessu húsi.

Við fórum í göngutúr á næsta leiksvæði og Sylvan lék sér við stelpurnar í smá stund svo buðum við þeim í mat á Pineapple Jacks (uppáhalds veitingastaðinn okkar). Það varalveg geggjað veður. En svo í gærkvöldi fann ég hversu kólnaði hratt og í dag var bara skítakuldi. Ég varð að fá Vance til að kaupa olíu til að hita húsið. Ég er búin að vera slöpp í dag og kalt hús hjálpa sko ekki. Annars er nóg að gera hjá mér í stimplasölu og kortagerð. Ég var að setja inn myndir á hitt bloggið mitt. Svo erum við að fara til Florida á sunnudaginn og ég flýg þaðan á mánudaginn til Minneapolis að hitta Eygló og Þóru. Jibbí!!! Smá húsmæðraorlof fyrir mig!!!

Uppáhalds setningin hans Sylvan er núna:

No, I don't like that!!!!

Hann segir það um nánast allt þessa dagana.

Góða helgi!

Sjóræningjanafnið mitt

2007-09-20T11:08:00.000-04:00

My pirate name is:

Mad Bess Bonney

Every pirate is a little bit crazy. You, though, are more than just a little bit. You can be a little bit unpredictable, but a pirate's life is far from full of certainties, so that fits in pretty well. Arr!

Get your own pirate name from piratequiz.com.
part of the fidius.org network

Hvaða evrópska borg hentar mér best?

2007-09-16T12:41:00.001-04:00

You Belong in Dublin

Friendly and down to earth, you want to enjoy Europe without snobbery or pretensions.
You're the perfect person to go wild on a pub crawl... or enjoy a quiet bike ride through the old part of town.

What European City Do You Belong In?

America's most wanted

2007-09-15T23:26:00.000-04:00

Fanginn sem var hérna í hverfinu um daginn slapp. Og nú er hann einn af America's most wanted. Vance var að lesa sér til um hann og hann hefur oftar en einu sinni brotist úr fangelsi..

Ég efast stórlega um að hann sé enn hér í Asheville.

Sylvan er búinn að læra að hjóla á þríhjólinu sínu, rosa duglegur strákur! Svo er hann líka farinn að æfa sig að gera þarfir sínar í koppinn, suma daga er hann ofboðslega duglegur, aðra daga vill hann ekki sjá koppinn. Hann fær límmiða fyrir hvert skipti sem eitthvað kemur í koppinn.

Á föstudaginn fengum við loksins langþráða rigningu og það var engin smá úrhellisdemba! Og ég var svo stolt af mínum litla því hann bað um að fara út að leika í rigningunni, ég hef reyndar gert í því að fara með hann út í rigningu þó ég eigi ekki sjálf regnföt sem þola rigninguna sem við fáum og það eru yfirleitt engin börn úti fyrr en allt er orðið þurrt. reyndar er Sylvan núna eina barnið hér í götunni en við förum líka stundum á leikvöll en yfirleitt ekki fyrr en rigningin er hætt, samt áður en allt þornar. En stundum er bara gaman að leika bakvið hjá okkur, þar kemur ágætis pollur til að sulla í. Og þá get ég líka setið í eldhúsinu og föndrað kort ;) og haft opið út til að fylgjast með þeim stutta...sem kallar á mig á 5 sek. fresti.

Næstu helgi verður nóg að gera hjá okkur. Við þurfum að fara til Charlotte á föstudaginn, ég þarf að fara í eitthvað viðtal út af græna kortinu. Á laugardaginn er okkur boðið í sjóræningjaafmæli, Logan frændi hennar Haliah verður 5 ára núna í vikunni. Við getum ekki stoppað lengi í afmælinu samt því Vance þarf að fara í vinnu. Á sunnudaginn förum við Harriet til Betsyar að gera jólakort, verðum allavega 7 kerlur hjá henni að stimplast. Hún er með námsskeið á föstudag, laugardag og sunnudag. Ef ég hefði ekki verið að fara til Charlotte hefði ég farið á föstdagshittinginn. Og nú er ég sjálf alveg að verða söluaðili fyrir sama fyrirtæki og Betsy og þá mun ég taka að mér svona heimakynningar ef ég fæ einhverjar beiðnir um það. Ég er ekki með svona fína aðstöðu eins og Betsy, hún á drauma aðstöðuna mína!

Endilega kíkið á jólakortin sem ég er búin að vera að föndra á hinu blogginu mínu!

Lögregluleit

2007-09-11T18:30:00.000-04:00

Uppúr hádegi heyrðum við þvílíkt sírenuvæl hérna í kringum okkur og sáum svo hérna rétt fyrir ofan okkur lögreglumenn í skotheldum vestum með riffla. Vissum ekkert hvað var í gangi en greinilega eitthvað alvarlegt. Lögreglubílar út um allt og bara í næstu götu við okkur. Svo kveikti ég á 5 fréttunum og þá er hættulegur fangi einhversstaðar á svæðinu hér í Oakley. Bankaræningi sem slapp úr fangelsi í Kentucky. Þannig að nú erum við bara með læst að okkur, við Sylvan þ.e.a.s., Vance er í vinnunni. Fólki var ráðlagt að halda sig innandyra og læsa gluggum og hurðum.
Vonum bara að ræninginn náist sem fyrst!

Labor Day helgin

2007-09-02T13:37:00.000-04:00

Loksins er farið að kólna í veðri....það er samt ennþá rúmlega 20 stiga hiti en það er líka bara fínt, miklu betra en +30°c.
Á föstudaginn fékk ég loksins póst um hvenær ég á að fara í viðtal vegna dvalarleyfis míns. Við þurfum að keyra til Charlotte, sem er +2 klst. keyrsla, til að fara í viðtalið. 21. sept. er dagurinn.

tengdapabbi fór í tékk um daginn og hann er bara að ná sér alveg furðu vel eftir aðgerðina sem hann fór í, hjartslátturinn í fínu lagi og lungað líka, ótrúlegt að maður á þessum aldri skuli vera svona hraustur eftir aðgerð.

Í dag (sunnudag) ætluðum við á tónleika í Barnardsville, þetta átti að mestu að vera bluegrass tónlist en vinnufélagi Vance átti að spila líka og hann er ekki í bluegrassinu. Og við keyrðum til Barnardsville, rúntuðum út um allty, spurðum fólk á 3 stöðum hvort það vissi hvar tónleikarnir væru og enginn kannaðist við neitt. Nú er Barnardsville frekar lítill staður og maður hefði haldið að allir íbúar bæjarins hefðu frétt af þessum tónleikum en það voru hvergi auglýsingar og við fundum aldrei staðinn. Í staðinn rúntuðum við bara um og enduðum í almenningsgarði í Weaverville og Sylvan skemmti sér konunglega þar og tók ekkert eftir því að hann fengi blöðru á hælinn. Svo sprakk blaðran og það byrjaði að blæða úr fætinum og hann tók ekki heldur eftir því. Svo vildi ég hreinsa hælinn en hann var of upptekinn til að stoppa fyrir mig. Það voru nefnilega svo margar skemmtilegar rennibrautir.

Nýjasta nýtt hjá Sylvani kom í morgun í búðinni. Við fórum sem sagt í Target í morgun og ég var að skoða einhverjar Halloween peysur og tók aðeins í þær, þá heyrðist í mínum hátt og snjallt "Láttu kjurt!!!" og ég spurði hann til baka "var mamma að fikta?" þá sagði hann "já!".

Og það varsvo fyndið líka um daginn í bílnum, hann er enn með það á heilanum þegar hann slasaði sig og við vorum að keyra seinni parinn og sólin var frekar lágt á himni frekar skær og appelsínugul. Þá var Sylvan eitthvað að horfa í sólina og Vance sagði "Don't stare at the sun, it'll burn your eyes" og þá heyrðist í Sylvani "Stare at the sun, hurt your mouth!!!".
Svo held ég að ég hafi ekki verið búin að nefna annað sem gerðist í bílnum, ég segi það þá bara aftur, en Vance og Sylvan voru að keyra eitthvert og bíll fullur af mexikönum svínaði framfyrir þá, þá missti Vance út úr sér "dang mexicans" og Sylvan (ennþá svo hrifin af öllum formum) varð spenntur og apaði eftir pabba sínum "Hexagon". Nú köllum við mexikana Hexagon.

Jæja, ég læt þetta duga í bili, þarf að koma mér í háttinn.

Þessi mynd var tekin í dag

Endilega kíkið á hitt bloggið mitt ---> smellið hér

Ekki neitt

2007-08-27T21:05:00.000-04:00

jæja, hvað segið þið í fréttum??? Lítið að frétta hérna. Ég er reyndar komin með árs framlengingu á græna kortið sem verður vonandi lengt meira þegar ég verð boðuð í viðtal. Það er búið að vera nóg að gera hjá mér að senda ýmislegt dótarí til Íslands og panta fyrir hinar og þessar. Nú styttist líka í að Shirin fari í keisara, hún á að fara undir hnífinn 6. september. Vanmce og Sylvan fóru í heimsókn til þeirra í gær niður að á þar sem þau eru með hjólhýsið sitt. Á meðan tókst mér að þrífa svolítið og pakka í nokkra kassa sem ég þarf að koma í póst (tveir fóru í póst í dag).
Það er búið að vera svo heitt undanfarið að við höfum mest haldið okkur inni. Engin leið að fara á leikvelli, leiktækin eru svo heit. Við Sylvan höfum aðeins farið í mollið á leiksvæðið þar. Vorum þar í morgun. En nú á víst aðeins að kólna...ekki samt að það verði kalt, bara ekki eins heitt og upp á síðkastið.
Sylvan er farinn að fatta að hann getur mótmælt því sem við segjum, ef ég segi nei við einhverju sem hann biður um þá segir hann til baka "já, já".
Æi, ég hef svosum ekkert meira að segja, fannst bara vera kominn tími á blogg hérna, nóg að gerast á föndurblogginu....er byrjuð á jólakortum og alles!

úff, það er nú meira

2007-08-17T21:19:00.000-04:00

Á sunnudaginn dó nýja tölvan mín...fór í viðgerð án þess að nokkuð væri gert við hana og var í viðgerð þangað til í dag þegar Vance ákvað að fara niður eftir og tékka á henni. Strákgemlingarnir í Circuit City áttu að láta okkur vita þegar hún væri tilbúin en gerðu það ekki. Á mánudaginn tók Vance eftir leka úr bílnum og fór með hann í viðgerð og komst ekki í vinnu bíllaus. Fengum loksins bílinn aftur um kl. 18 á þriðjudaginn og við fórum beint í Walmart að láta skipta um dekk sem var hættulega nálægt því að springa. Á miðvikudag skruppum við til Brevard, mig langaði að versla mér jólapp svo ég gæti prófað að gera nokkur jólakort og Vance þurfti að kíkja aðeins á háskólabókasafnið þar. Stoppuðum svo á Pizza Hut á leiðinni heim og Vance var beðinn um að vinna og það bætti nú upp mánudagskvöldið. Í dag fórum við Sylvan í mollið að versla smá og leika og ekkert mál komum heim og gerðum okkur tilbúin til að hitta fyrrverandi samstarfskonu Vance og litla barnið hennar.....þá bara fór bíllinn ekki í gang. Sem betur fer hafði V. fengið eitthvað tæki hjá pabba sínum svo hann gat startað honum eftir þónokkrar tilraunir (þurfti víst að hlaða tækið í einhvern tíma fyrst). Og nú þorir hann ekki að drepa á bílnum og fékk bíllykilinn minn með sér í vinnuna svo hann gæti bæði haft bílinn í gangi og læst honum þegar hann skilar pizzum af sér.
Tengdapabbi er kominn heim af sjúkrahúsinu og ætlar sér sko ekkert að liggja fyrir og hvíla sig. Hann er nú meiri harðjaxlinn. Ég efast um að margir 85 ára væru svona hressir eftir svona stóra aðgerð.
Já, ég keypti mér myndavél á ebay um síðustu helgi og fékk hana í póstinum í gær, svaka spennt, Fuji vél, nú vantar mig bara minniskubb á spott prís.
Ég er líka að spá í hvort ég eigi að setja upp síða á Barnalandi þar sem hægt er að panta frá mér kort, þarf að hugsa þá hugmynd til enda áður en ég geri eitthvað í því. En ég myndi þá selja ekki færri en 4 kort í einum pakka. Var að panta mér glær plöst fyrir kortin og nokkra glæra kassa fyrir kortin.
Ég minni á föndrið mitt hér. Endilega kvittið fyrir innlitið, þó ég skrifi á ensku þarna.

Til hamingju með afmælið á mánudaginn Elli!!!

afmæli og aðrar fréttir

2007-08-09T22:45:00.000-04:00

Sylvan náði að troða einhverju í viftuna á nýju tölvunni og núna þori ég varla að nota hana af því að það eru svo mikil læti í henni. En ef ég nota gömlu tölvuna þá bara get ég ekki loggað mig hér inn þannig að nú sit ég í hávaða frá tölvuviftunni og viftunni í glugganum. Það er búið að vera svo heitt að ég er bara að kafna.
Tengdapabbi fór í aðgerð á þriðjudaginn, hann er með krabbamein í lungunum og hluti af öðru lunganu var tekinn. Hann verður á sjúkrahúsinu í viku. Aðgerðin gekk víst vel.
Vikan er búin að vera svona skítsæmileg, Vance er búinn að vera svo hryllilega leiðinlegur í skapinu, þá vil ég frekar að hann sofi endalaust eins og í síðustu viku, þá var hann varla kominn á fætur þegar hann varð að leggja sig aftur. En það var aðallega af því að hann var búinn að snúa sólarhringnum við, var að setja eitthvað í sölu á ebay. Hann var næstum því búinn að eyðileggja fyrir mér afmælisdaginn með skapvonsku en svo kíktum við niður í bæ í eina búð og versluðum smá sælgæti og fórum með Sylvan í Health Adventure. Svo keyrðum við Sylvan til Marc og Shirin sem tóku hann með sér til Weaverville í heimsókn á meðan við fórum á Applebees að borða og svo í bíó. Við ætluðum að sjá myndina Knocked Up en svo komst ég að því á pósthúsinu að Bourne Ultimatum væri í sýningu þannig að við fórum á þá mynd í staðinn. Hún er alveg geggjuð. Svo fórum við heim og M og S skiluðu Sylvani af sér stuttu eftir að við komum heim.
Ég er búin að fá slatta af gjöfum, ég er í pakkaklúbbi á skrappspjallinu og er búin að fá ca. helminginn af gjöfunum sem ég á að fá í honum. Og svo fékk ég líka aukapakka alveg óvænt :)
Við fórum í dag að skipta um olíu á bílnum (í Walmart) og ég fékk að velja mér sjónvarpsseríu á DVD og tvo tónleika dvd diska. Ég valdi mér King of Queens og svo kántrí dvd (Johnny Cash og Buck Owens). Við fundum dvd um þyrlur handa Sylvani og flott þríhjól á $15, ég á bara eftir að setja það saman.
Nú er ég bara á fullu í að gera kort fyrir mömmu, er búin með 4 brúðarkort og er með fleiri í vinnslu og skírnarkort líka. Endilega fylgist með um helgina hvort ég sé búin að pósta einhverjum myndum á Aunt Scrappy
Jæja, best að halda áfram með kortin svo ég komist sem fyrst með þau í póst!!!

Já, endilega kíkið á albúmið hans Sylvans og sjáið hvað hann er duglegur í jóga!

Engar myndir

2007-07-22T01:15:00.000-04:00

Usss, ég ætlaði að vera löngu búin að skrifa hérna. við keyrðum ekki Mayme í sumarbúðirnar, Vance fékk einhverja pest. Við höldum reyndar svona eftir á að pödduspreyið sem var notað í vinnunni hafi farið svona illa í hann. En hann var allavega lasinn í 2-3 daga. Alveg á dánarbeðinu bara eftir að hafa ælt pínu. En hann kom sér svo í vinnu á þriðjudaginn og var feginn því það var brjálað að gera. Á miðvikudaginn fór ég á stimplahitting og á meðan fóru þeir feðgar á flugvöllinn og horfðu á flugvélar taka á loft og lenda. Þegar þeir sátu þar á bekk kom til þeirra maður sem er flugmaður á einkaflugvél fyrir eitthvað fyrirtæki í Virginia og bauð þeim að skoða innan í flugvélina sína. Rosa spennó fyrir lítinn gutta sem hugsar varla um annað en flugvélar og þyrlur þessa dagana. Seinnipartinn sama dag kom Wyatt í heimsókn í smá stund.
Á fimmtudaginn drógum við Sylvan Harriet með okkur í Big Lots en Sylvan var alveg að gera mig gráhærða þar þannig að við skutluðum honum heim til Vance og fórum svo bara tvær á Red Lobster, mig hefur alltaf langað að prófa þann stað og varð sko ekki fyrir vonbrigðum.
Vance virðist búinn að átta sig á því að maður getur ekkert alltaf gert það sem maður sjálfur vill þegar maður er með svona lítinn gutta, hann er búinn að kynnast því að það er t.d. mjög erfitt að tala í síma og hafa S. stilltan að leika sér á sama tíma. Hann allavega bauðst til að fara með okkur á leikvöllinn á föstudaginn...í fyrsta skipti síðan Sylvan var held ég 8 mánaða. Við hittum Marc og vinnufélaga hans í hádeginu á Cheddars, fengum alveg hryllilega lélega þjónustu þar fyrir utan að vera á versta stað í húsinu, engin vifta eða loftræsting nálægt okkur.
Í gær, laugardag, fór Vance á fætur fyrir allar aldir til að fara með Marc á Flóamarkað, hann var búinn að leigja sér borð og var að selja fullt af dóti. Þau eru eiginlega alveg flutt í höllina sína. Við Sylvan vorum búin að mæla okkur mót við Harriet og Wyatt og seinni partinn fórum við fjögur saman á Azalea leikvöllinn, þau höfðu aldrei komið þangað áður. Og ótrúlegt en satt þá bara steingleymdi ég myndavélinni og batteríið kláraðist hjá H. Strákarnir skemmtu sér mjög vel og við tókum þá svo með okkur á Dairy Queen og svo heim til Harriet. Og ó mæ god, H. ætlaði að leyfa W. að striplast aðeins áður en hann fengi nýja bleyju en greyið drengurinn (ekki það að hann hafi eitthvað kvartað samt) fékk bara ræpu og merkti íbúðina vel og vandlega. Eygló, þetta var samt ekkert á við Sylvan í Kringlunni, "member"??? (Sylvan segir member í staðinn fyrir remember, hann er líka farinn að segja "manstu"). Strákarnir enduðu svo saman í baði og Harriet var svo "vond" við Sylvan, hann þolir ekki að fá vatn framan í sig eða yfir höfuðið og hún heimtaði að þvo á honum hárið (ekki að það hafi verið skítugt) og greyið alveg trompaðist. Þeir guttar léku sér svo saman í smá stund eða þangað til S. var farinn að ybba aðeins of mikinn gogg við mig, þá bara dró ég hann heim með mér og beint í rúmið.
Á morgun fer ég svo í leikhús með Alice og Mayme að sjá Little Women....voða spennt, held ég hafi lesið bókina 2-3 sinnum.
Læt þetta duga í bili, endilega kíkið á föndrið mitt hér.

TaTa for now

læknisskoðunin afstaðin

2007-07-14T12:23:00.000-04:00

Jæja, nú er Sylvan loksins búinn að fara í læknisskoðun. Læknirinn var ekkert smá ánægður með hann. Ég hafði áhyggjur af að hann fengi ekki nógu mikið járn af því að hann borðar ekki kjöt en það var víst allt í góðu. Læknirinn sagði að S. fylgdi alveg 25% línunni í þyngdinni (er um 12 kg. núna) og 75% línunni í hæðinni (91.4 cm, búinn að stækka um rúma 10 cm á einu ári). Ég held að hann hafi stækkað svolítið í sumar, buxur sem voru aðeins of síðar á hann í vor eru að verða of stuttar á hann núna. Og greyið Sylvan fékk bæði stungu í puttann og sprautu. Hann var búinn að fá allar sprauturnar nema þá vill ríkið (Norður Karólína) endilega að börn fái sprautu fyrir Hepatitis A og við vildum bara ljúka því af, hann þarf að fá aðra innan tveggja ára.
Á miðvikudaginn kom svo Wyatt til ömmu sinnar og þeir drengir léku sér heima hjá henni. Rosa góðir saman, fóru meira að segja smá í bað að busla.
Í kvöld kemur kannski Harriet í heimatilbúna pizzu til okkar og svo á morgun keyrum við Mayme í sumarbúðirnar. Það verður örugglega fjör hjá henni, við keyrðum þangað í gamni síðustu helgi og þau eru með hesta, geitur, llamadýr og sundlaug og fleira skemmtilegt.
Á miðvikudaginn næsta fer ég á stimplahitting og fæ að gera 3 kort.

Góða helgi

Góða helgi folkens

2007-07-06T17:48:00.000-04:00

jæja, Sylvan er búinn að fara í tékk til tannsa. Þeim leist held ég bara vel á. Ég fór ekki með þangað, Alice og Mayme fóru með í staðinn. Liturinn á tönnunum hefur bara breyst (discoloration held ég að það kallist).

Svo var 4. júlí á miðvikudaginn og við fórum til Sylva og fögnuðum deginum með Lee, Angi og fjölsk. Sylvan var sko ekkert hrifinn af flugeldunum til að byrja með, var hreinlega bara skíthræddur, en ég var sko ekki að bjóða mig fram í að sitja með hann innandyra allt kvöldið þannig að hann neyddist til að sitja í fanginu mínu allt kvöldið og þegar kvöldið var hálfnað var hann hættur að vera hræddur og fannst flugeldarnir bara svolítið flottir.

Í gær fór drengurinn svo loksins í klippingu og er bara svolítið flottur skal égsegja ykkur, en það var svipað og með flugeldana, hann hágrét til að byrja með svo allt í einu var hann hættur og allt var í lagi.

Í dag vantaði hann svo Flóvent og Sunnu að leika við, við fórum í búðina og svo á leikvöllinn og það voru engir krakkar þar. Svo áttum við pantaðan tíma í tveggja ára skoðun en læknirinn komst ekki, það var dauðsfall í fjölskyldunni hans. Það eru einhver álög á Sylvani og þessum lækni, á sama tíma í fyrra datt einmitt niður tími hjá honum af því að kona læknisins eignaðist barn þann daginn. Vonandi kemur ekkert uppá á þriðjudaginn, en við fengum nýjan tíma þá.

ég vona að það verði sól og blíða um allt Ísland á morgun, sérstaklega þar sem brúðkaupin verða haldin sem okkur var boðið í ;)

Sylvan á 4. júlí með kökuna sem hann hélt svo á allt kvöldið

þessi er fyrir Þóru og Siggu, þær ættu að kannast við báða apakettina

Sylvan að skoða "pödduskinn" sem ég fann úti (paddan var skriðin úr því)

Svo var ég búin að steingleyma að skrifa þetta

Til hamingju Sigga og Vífill, með tvíbbana!!!

nýtt skrappblogg

2007-07-03T23:37:00.000-04:00

ég hef ákveðið að aðskilja venjulega bloggið og skrappbloggið mitt. Þið getið séð föndrið hér

Loksins komnar myndir

2007-07-02T00:33:00.000-04:00

Jæja, þá er mér loksins búið að takast að setja nokkrar myndir á síðuna hans Sylvans . Ég fékk smá næði til að vesenast í tölvunni í dag (sunnud.) aðallega af því að ég er búin að næla mér í leiðinlega kvefpest sem ullar bara á kvefmeðulin mín. Við ætluðum fjölskyldan að fara á tónleika í dag og hitta frændfólk hans Vance en feðgarnir fóru svo bara og ég var eftir. Ég náði alveg 4 klst. svefni síðustu nótt, í mesta lagi, gæti hafa verið eitthvað minna.
Á föstudaginn var Wyatt hjá ömmu sinni og þeir Sylvan léku sér saman í svolitla stund. Okkur er bara ekkert að takast að fá þá til að sulla saman í sullulauginni. Svo seinni partinn var ég að passa nágrannastelpurnar og tvö önnur börn sem eru í heimsókn hjá þeim. Ekkert mál að vera með 5 og 8 ára krakka....nema pínu vesen að vera svo með einn tveggja sem nær ekki alveg að fylgja þeim eftir. Ég baust til að hjálpa nágrannakonunni með pössun af því að hún þarf að auka við sig vinnu, þau hjónin eru að skilja.
Eníveis, Alice er komin til NC og verður í mánuð og Mayme náttúrulega líka. Og nú styttist í 4. júlí, þá förum við til Sylva (til mömmu Angi og stjúppabba) í partý, þau eru búin að versla flugelda fyrir $1500 þannig að þetta verðu gaman. Sylvan er alltaf að spyrja um Haliah og það verður gaman hjá honum að hitta hana aftur og frændur hennar.

Pappír: trés Jolie frá My Mind's Eye

Crate Paper, græna mottan er embossuð í Cuttlebug.

Komin heim

2007-06-26T22:40:00.000-04:00

og engar myndir komnar í tölvuna. Við keyptum okkur nefnilega nýja tölvu og eigum eftir að setja inn myndaforrit svo að við getum minnkað myndirnar áður en við setjum þær á netið.

Annars var bara ofboðslega gaman í fríinu. Orðaforði...eða fori... Sylvans jóks strax um heilan helling. Allt í einu fóru að koma út úr honum setningar eins og "What's your problem???" "I hate that" "Stop that damn crying!" (d-orðið ekki það fallegasta sem hann segir) "Stop picking your nose!".
Sylvan hafði ofboðslega gaman af því að leika við Ingibjörgu og Pétur og var endalaust að draga Ingibjörgu með sér upp á aðra hæð í húsinu sem Fanney og Siggi leigðu. Síðasta daginn gerðist hann nú reyndar aðeins of grófur og ætlaði hreinlega að rífa allt hárið af greyið Ingibjörgu en ég náði að bjarga henni og hann varð ofboðslega miður sín greyið þegar hann sá að frænka var að gráta í alvöru.

Afmælisdagurinn hans Péturs Bjarna var æðislegur, ég fór með Fanney og co í vatnagarð og nældi mér í svo hrikalegan sólbruna að ég fékk blöðrur á bakið. Vance og Sylvan hittu okkur svo á McDonalds (eða "I need that donalds!" eins og Sylvan segir). Svo fengum við Walmart afmælistertu með kvöldkaffinu.

Við drógum Íslendingana með okkur á ströndina einu sinni og líka í bílabíóið sem Alice vinnur í um helgar.

Mayme kom svo með okkur heim og hún á eftir að vera hér í mánuð. Hún fer svo í sumarbúðir í Brevard í júlí.

Jæja, ég ætla að sjá hvort ég geti skellt í eina litla síðu fyrir "bókina um mig"

Farin í frí

2007-06-10T01:42:00.000-04:00

Ég hef ekki verið nógu dugleg upp á síðkastið að setja myndir í albúmið hans Sylvans....og ekki þjáumst við nú af myndaleysi hér á bæ.

Sylvan er búinn að vera duglegur að leika við vinkonur sínar hinu megin við götuna og svo kom Wyatt til ömmu sinnar í gær (föstudag) og þeir piltar léku sér heillengi saman og við förum saman í Walmart að framkalla myndir og borða franskar á McDonalds. Hún Harriet er komin í skrappið af fullum krafti sýnist mér bara. Smituð af skrappveirunni.

Nýjasta nýtt hjá Sylvani er að reyna að stjórna hvar við göngum í búðinni, þá segir hann "I go this way" og þá eigum við að fara þangað sem hann bendir, en þetta er bara smá leikur hjá okkur á meðan við erum að skoða og versla.

Við erum að fara í frí til Florida. Ætlum að hitta Fanney og fjölsk....eða helminginn allavega, vantar Mörtu og Söru. Komum aftur heim eftir 2 vikur og þá kemur væntanlega meira blogg.

Loksins rignir

2007-06-03T12:44:00.000-04:00

Loksins kom rigningin til okkar. Og þá fara íkornarnir á stjá, ég hafði ekki séð þá lengi fyrr en í dag þegar þeir voru að leita sér að æti í garðinum hjá okkur. Nú veit ég reyndar ekki hvou ég á að kenna um, þurrki eða háu grasi, en allavega garðurinn okkar er svo fínn núna miðað við undanfarinn mánuð.

Það er nú ekkert að frétta f okkur hér, ég talaði við Söru skvís í gær. Nú styttist í að Fanney og co. komi í heimsókn til hennar og svo til Florida að hitta okkur. Það er bara vika þangað til við leggjum af stað suður. Ætlum sennilega að stoppa í Suður Karólínu og gista þar yfir nótt...sem betur fer...ég þoli ekki þessar næturferðir, ég sef svo illa í bíl og þarf svo að halda mér vakandi svo Vance geti sofið þegar komið er á áfangastað.

Haldiði ekki að mér hafi tekist að fá Vance til að skrappa smá, eina síðu til að byrja með. Hann er ofboðslega stoltur af fyrstu síðunni sinni.

Svo skellti ég í eina síðu í gær áður en ég hringdi í Söru og gerði kort eftir að ég talaði við hana, á meðan ég horfði á The Man of the Year. Mæli alveg með þeirri mynd!

2007-05-31T08:46:00.000-04:00

Nú er loksins von á rigningu hjá okkur. Í maí erum við búin að fá tæpa 3 cm af regni, sem er langt undir meðallagi og ekki nóg fyrir allan þennan gróður hér. Samt náði grasið hjá okkur að mynda frumskóg, en Terry, sem vinnur með Marc, kom í gær og gerði lóðina fína. Og við vissum að Wyatt yrði í heimsókn hjá ömmu sinni þannig að við settum litlu laugina hans Sylvans út á tún. Svo voru Sylvan, Wyatt og nágrannastelpurnar að leika sér heillengi í lauginni. Og við Sylvan nældum okkur í smá lit. Sylvan þverneitaði að fara ofan í laugina en Wyatt fílaði sig ekkert smá vel eftir að Harriet (amman) rak stelpurnar úr lauginni, þær voru svolítið frekar á laugina og eiginlega of stórar fyrir hana, en ég var ekkert að stressa mig á því, það var bara svo gaman að hafa þau öll þarna að leika saman.Við vorum að spá í að fara í sund í dag en ég veit ekki hvort við látum verða af því, nú er ofnæmið alveg að drepa mig og ég er komin með svo mikinn pirring í annað eyrað og verk með því, náði ekki nema 4ra tíma svefni í fyrrinótt út af eyranu. Ég fékk stóra stimplapöntun í gær sem ég ætla að reyna að koma í póst um helgina og svo næ ég kannski að gera einhver kort á næstu dögum vonandi. Það er svolítið gaman að prófa að setja stimplana sína saman. Maður þarf sjálfur að setja gúmmíið á viðarkubbinn. Spurning hvort maður þurfi að splæsa í góðum skærum til að klippa gúmmíið, mín skæri eru alveg vonlaus. Ég ætlaði að nota gærkvöldið í að prófa nýja dótið mitt en Harriet kíkti í heimssókn og við sátum á pallinum og spjölluðum um heima og geima í 2 tíma. Þetta er í fyrsta skipti sem ég fæ tækifæri til að "nota" pallinn að kvöldi til og veðrið var passlega gott til þess líka, en ég fékk samt að finna fyrir því, ofnæmið blossaði upp, eða reyndar bara það að sitja í grasinu með krökkunum hefur ekki haft góð áhrif á mig. En vonandi fer þetta tímbil hjá mér að verða búið og þá tekur við að passa sig á moskítóflugunum ;)

í sól og sumaryl

2007-05-29T10:58:00.000-04:00

Það er búið að vera ágætis veður hérna undanfarið, um 30 stiga hiti. Okkur vantar svo smá rigningu hér, allt skrjáfþurrt. Ekki það að garðurinn okkar þurfi regn þannig séð. Vance er búinn að nefna nokkrum sinnum við Marc að við séum að rækta frumskóg hérna en Marc annað hvort tekur ekki hintinu eða hann gerir það af ásettu ráði að koma ekki við og slá grasið hjá okkur með fínu græjunum sínum. Og Vance lætur eins og ekkert sé, garðurinn okkar er eins og ég segi orðinn að frumskógi. Bak við hús eru stráin og grasið orðið hærra en Sylvan (Marc reyndar sló ekki þar síðast, einhverra hluta vegna).

En að öðrum málum, í dag er vika síðan Sylvan Dagur slasaði sig og það sést ekki á honum að nokkuð hafi gerst (nema maður skoði vel upp í hann). Hann er búinn að sofa með hátt undir höfði og er rosalega duglegur að taka meðalið sitt. Hann er samt ekki farinn að borða alveg eins og hann gerði, en hann var sko ekki að fíla að borða bara fljótandi og á meðan ég var að berjast við að halda honum á fljótandi þá var Vance í því að gefa honum eitthvað sem þurfti að hafa fyrir og tyggja. En Sylvan fattaði sjálfur að hann gæti tuggið bara með jöxlunum og hann passar sig að bíta ekki með framtönnunum.

Um helgina fórum við í tívolí sem er staðsett við mollið hérna rétt hjá og svo átti Haliah 3ja ára afmæli og við kíktum í veislu til hennar og skemmtum okkur mjög vel.

Ég hef ekki verið mikið í föndrinu undanfarið, ofnæmið er búið að vera frekar slæmt og þegar Sylvan fer að sofa þá sofna ég oftast með honum, en í gær náði ég að setja saman eina síðu á meðan ég reyndi að horfa á helv.... sjónvarpið, það dettur alltaf út. Tölvan hefur áhrif á FOX sjónvarpsstöðina en ég var að horfa á ABC og það skipti engu hvort ég hefði kveikt á tölvunni eða ekki, pirr pirr!

En hér eru allavega nýjustu síðurnar mínar

ég blörraði textann en þetta er pappír frá Basic Grey (Perhaps og Stella Ruby). Myndina tók ég í Brevard.

Sylvan við uppáhalds iðjuna sína, að henda steinum í "water-river". Pappírinn hér er líka frá BG (Phoebe).

Pappír BG. Ég á ekki myndir af Mel og Lauru hérna en það er samt texti um þær/ykkur.

Ég nenni ekki að skrifa meira núna, er bara pirruð, Vance var búinn að bjóðast til að fara með okkur Sylvani í sund en asnaðist svo til að hanga í tölvunni í alla nótt og nennir ekki á fætur...pirr pirr pirr!

Fyrsta ferðin á Slysó

2007-05-23T23:49:00.000-04:00

Ég hefði nú kannski aðeins átt að bíða með síðasta blogg, því Sylvan sá til þess að eitthvað gerðist hérna þegar ekkert hafði verið á seyði í nokkra daga. Hann var tilbúinn að fara í háttinn í gær en fékk að fara aðeins út á pall að tala við nágrannatelpurnar þegar honum tókst, alveg óvart, að ýta hliðinu, sem er fyrir tröppunum, undan sér og hrundi þarf af leiðandi niður brattar tröppurnar. Greyið lenti greinilega bara á munninum því það er varla skráma annars staðar á honum. Hann fékk sem sagt svo slæmt högg á munnin að það hreinlega fossaði úr og ég þurfti að hringja í vinnuna hans Vance og hann var sem betur fer ekki í sendiferð svo hann gat komið heim og við fórum upp á slysó. Eftir að hafa talaði við 3 eða 4 hjúkkur fengum við loksins að hitta lækni sem rétt kíkti á munninn á honum en hafði svo samband við tannlækni fyrir okkur. Þannig að við komumst strax að hjá tannsa í morgun og þar voru teknar röntgenmyndir af framtönnunum og líka tekin venjuleg mynd af tönnunum til að sjá bólgurnar og sárið. Fjórar framtennur í efrigómnum fengu höggið á sig, miðjutennurnar tvær færðust úr stað og tennurnar sitthvoru megin við þær ýttust lengra upp í góminn. Við vitum ekki hvort höggið hafði áhrif á fullorðinstennurnar sem eru komnar vel á veg niður og við þurfum að bíða og sjá hvort barnatennurnar hafi lifað höggið af. Nú tekur bara við vika á fljótandi fæði og sýklalyfjum. Við sáum mun eftir fyrstu teskeiðina af sýklalyfinu og Sylvan gat loksins drukkið smá seinni partinn í dag. Við vorum búin að lofa honum að fara niður að á í dag ef hann væri duglegur hjá lækninum og við stóðum við það. Þar sáum við m.a. fótspor sem við teljum vera eftir björn. Ég ætla að reyna að koma myndum á Barnaland smátt og smátt næstu daga, er eitthvað svo löt við að minnka þær í tölvunni.

smá blogg

2007-05-22T17:56:00.001-04:00

Ég bara varð að prófa aftur að blogga til að sjá hvort það sé enn vesen með kommentakerfið hjá mér, ég er með allt rétt stillt svo ég viti til allavega.

Læt fylgja með tvær nýjustu síðurnar mínar

ég gerði þær báðar á hálfgerðum hlaupum, smátt og smátt á meðan Sylvan var að leika sér. Pappírinn í báðum er frá Basic Grey . Emily og Andrew eru frændsystkin Sylvans og þrátt fyrir ungan aldur hefur líf þeirra langt í frá verið dans á rósum. Við heimsóttum þau heim a hjá bróðir hans Vance af því að þau bjuggu þar um tíma en eru komin til pabba síns núna og ég bara veit ekki hvenær við fáum tækifæri til að hitta þau næst.

Stimplar og fleira

2007-05-19T10:19:00.000-04:00

Það er nú lítið af frétta af litla sjálfstæða prinsinum okkar núna, annað en að hann ræður og hananú! Annars fáum við sko að heyra það. Ef við gerum ekki eins og hann hugsar þá er hreinlega bara kominn heimsendir.

Við höfum ekkert verið á neinu flakki undanfarið en í gær fór ég á kortahitting hjá konu sem kennir hvernig á að nota Stampin' Up vörurnar. Það var rosalega gaman og skemmtileg tilviljun að kynnirinn er eiginkona ofnæmislæknisins hans Sylvan og þau þekkja bæði lækninn hennar Fanneyjar systir. Við gátum gert 8 kort...nema ég var eitthvað svo lengi að dunda mér þannig að ég náði bara að gera 6. Ég setti svo inn pöntun hjá henni fyrir mig og nokkrar aðrar. Ég ætla að fá mér stimpla sem er verið að taka af markaði og heita Buggies & Booties. Ég verð nú bara að segja að ég öfunda hana Betsy af aðstöðunni hennar, geggjuð proffa fönduraðstaða hjá henni og nóg plass fyrir nokkrar kerlur á hitting. Spurning hvort ég geti troðið mér á annan hitting hjá henni.

Hér er allavega afraksturinn minn af hittingnum:

Og svo er hér sitt af hverju sem ég hef verið að dunda mér við

Góða helgi öll sömul!

blähhh

2007-05-11T11:23:00.000-04:00

Ákvað að hripa niður nokkur orð og láta ykkur vita að við erum á lífi. Sylvan Dagur er búinn að vera lasinn alla vikuna en virðist eitthvað vera að hressast núna. Ég hugsa að ég sé komin með ca. hundrað fleiri grá hár, greyið S.D. er búinn að vera svo hryllilega vælinn og hefur voða lítið sofið. En sem betur fer var hún Ingunn vinkona mín búin að senda mér stíla, ég þoli ekki þessi barnameðul hér, sykursæt og þykk, Sylvan vill ekki sjá þau.

Ég keypti mér lítinn USB lykil um daginn og er að vinna í því að losa myndir af tölvunni áður en hún hreinlega hrynur. Það er reyndar ekki mikið pláss á þessum lykli, enda kostaði hann bara $10, en ég ætla að fara í Walmart á eftir og kanna hvort ég geti ekki losað af honum og sett á CD.

Tengdapabbi er aftur kominn með krabbamein en ég veit ekki hvort hann ætli í meðferð, hann er orðinn svo gamall karlinn.

Nú styttist líka í að við fáum að hitta Fanney sis og fjölskyldu, rosa spenna á þessu heimilinu fyrir því. Svo er okkur boðið í 2 brúðkaup á Íslandi í sumar. Og þau eru náttúrulega sama daginn, 07.07.'07 . En þar sem við höfum ekki efni á að koma þá þarf ég ekki að velja...bwaahaha! Væri samt alveg til í að fara í bæði, það er ekki það.

Ég hef voðalega lítið náð að föndra síðustu kvöld, Sylvan hefur séð til þess að um leið og ég sest niður til að gera eitthvað þá vaknar hann. En einhvern veginn tókst mér að gera nokkur kort fyrir mömmu. Ég er með link hérna til hliðar undir Albúm á galleríið mitt.

A Perfect Day

2007-04-29T23:07:00.000-04:00

Vá hvað við áttum æðislegan dag í dag. Sylvan Dagur var kominn á fætur fyrir átta í morgun, þrátt fyrir að hafa vaknað upp um miðja nótt skelfingu lostinn af því að hann heyrði í lestinni flauta. En allavega, ég dró hann með mér í Walmart af því mig vantaði svo lím fyrir föndrið. Og hann er farinn að reyna að semja við mig þegar við förum í búðir, þá segir hann "ah búji ah leika", sem þýðir "fyrst í búðina svo leika" og þá á ég að fara á leikvöllinn með hann. Og fyrst veðrið var bara nokkuð gott (heitt og pínu gola) þá fór ég með hann á leikvöllinn sem er næstur okkur (Oakley Park, héldum upp á eins árs afmælið hans þar). Og þar var lítil stelpa sem er tæpu ári eldri en Sylvan og hún var svo dugleg eitthvað að Sylvan fór að herma eftir henni. Og hann hefur eiginlega aldrei þorað að renna sér nema ég fari með honum niður rennibrautina og ég náði að fá hann til að prófa og honum fannst það svo gaman. Fór náttúrulega í minnstu rennibrautina fyrst. Svo óx honum kjarkur og hann ákvað að prófa að fara í hærri braut og náði ekki alveg að stjórna hraðanum fyrst. En ákvað að prófa aftur, fór mjög varlega og ætlaði að setjast þegar hann missti einhvern veginn takið og flaug niður með hausinn á undan. Sem betur fer stóð ég hjá og náði að grípa hann á miðri leið....en vonandi hefur hann ekki misst kjarkinn aftur. Hann allavega talaði bara um "duglegur-slide" á leiðinni heim. Það komu líka 2 konur með 3 stóra hunda í göngutúr og Sylvan skríkti alveg þegar hann sá hundana og elti þá út um allt....en passaði þó upp á að þeir kæmu ekki of nálægt honum.

Þegar við komum svo heim fór Vance á fætur, við spjölluðum við tengdó í símann, tengdapabbi er að fara í einhverja smáaðgerð á morgun (mánudag). Svo skelltum við okkur bara í bílinn og ætluðum til Mills River, aðeins að sulla í ánni og henda steinum, en Sylvan sofnaði á leiðinni þannig að við keyrðum bara áfram og enduðum í Brevard (háskólabær í Transylvaníu sýslu)) og fundum lítinn rólegan garð þar og borðuðum nestið okkar og gengum um. Sylvan prófaði að fara í stórukrakkarólu og var voða stoltur. Svo keyrðum við til baka til Mills River og sulluðum svolítið þar, skemmtilegasta sem Sylvan gerir. Svo keyrðum við þangað sem flugvélarnar eru geymdar (rétt hjá flugvelli Asheville) og feðgarnir fengu að fara inn í "The pilots Pit" og sáu flugvél taka á loft út um stóran glugga þar.Og það sem gerir daginn extra góðan hjá mér var að ég fann ekki fyrir frjókornaofnæminu fyrr en við komum heim!

Og svo nýjasta síðan mín:

Myndirnar voru teknar þegar við fórum til Georgiu, vatnið heitir sem sagt Sylvan Lake. Pappírinn heitir Crate Paper Cowboy Collection, ég vann hann í áskorun. Skissan er frá Beggu Húna.

Granny's Day Out

2007-04-26T23:47:00.000-04:00

Við Vance erum búin að komast að því að sumir dagar eru sannkallaðir Granny's Day Out. Suma daga sér maður ekki annað en litlar gamlar hægfara konur undir stýri og maður kemst hvorki aftur á bak né áfram. Og svo einstaka afi inn á milli sem maður þarf að vara sig á. Einn daginn reyndum við meira að segja að telja hversu margar ömmur við sæjum undir stýri en gáfumst upp. Ég á oft leið á pósthúsið og stundum er ég langyngsta manneskjan í röðinni. Bara skondið...en eins gott að hafa augun opin svo maður geti forðað sér ef að stefnir í slys.

Sylvan Dagur er búinn að eignast vin! Nýjasti nágranninn okkar, kona á besta aldri, á barnabarn sem er 16 mánaða, Wyatt heitir hann. Og hann var í heimsókn hjá ömmu sinni í gær og í dag og við leyfðum þeim að leika svolítið saman. Í dag var Sylvan svo glaður að leika við hann að hann gaf honum fullt af knúsum og kossum, rosa sætt! Og ótrúlegt en satt þá hef ég ekki tekið eina einustu mynd af þeim saman. En ástæðan er einföld, myndavélin er troðfull af myndum frá því um síðustu helgi og á mánudaginn. Sylvan var að æfa sig að blása sápukúlur um helgina og svo fórum við í pikknikk með Lee, Angie, Haliah og Elianna á mánudaginn. Við fengum hátt í 30 stiga hita og bara geggjað veður. Fórum lengst upp í fjöll og fundum okkur lítið rjóður til að snæða nestið okkar. Sylvan fékk líka afmælisgjöf frá þeim.

Annars er það af mér að frétta að ég gerðist djörf í gær og lét hárið fjúka, það er búið að vera svo ofboðslega heitt eitthvað og ég bara varð að losna við lubbann...og þvílíkur léttir. Sylvan skildi ekki hvað var í gangi og þekkti mig varla í stólnum á Great Clips án gleraugna og einhver kerling að vesenast í hárinu á mér.

Ég er búin að fá hint úr ýmsum áttum um að gerast söluaðili fyrir stimplafyrirtæki hér em er bara með heimakynningar. Ég er búin að taka mér langan tíma að melta þetta....tæpt ár, og hélt að fólk væri búið að gefast upp á heigulshættinum í mér en það er enn verið að hnippa í mig. Svo nú er spurningin....á ég að láta vaða og treysta á að fólk kaupi af mér????? (á Íslandi þá)

Annars er þetta nýjast verkið mitt...vona að hún sé ekki of stelpuleg.

Pappírinn er frá Fancy Pants og ein örk frá My Mind's Eye Magnolia. Myndirnar voru teknar í mars.

Þessi heimur

2007-04-17T09:23:00.000-04:00

Blacksburg, VA, 33 látnir eftir skotárás. Fyrsta skotárásin var um sjöleytið í gærmorgun og svo var önnur upp úr kl. 9. Við erum að tala um mann sem gekk skólastofu úr skólastofu og skaut á fólkið. Nemendurnir reyndu að halda hurðunum lokuðum svo hann kæmist ekki inn en hann skaut bara í gegnum hurðarnar. Aðrir nemendur skýldu sér bak við borðin sín og enn aðrir stukku út um skólastofugluggana.Við erum að tala um skóla sem er bara í 4 klst, fjarlægð frá Asheville, Vance hefur meira að segja komið í þennan skóla. Og í þetta skiptið var þetta ekki Kani heldur Suður - Kóreubúi sem var á námsmanna-vegabréfi. Það var ekki hægt að bera kennsl á gaurinn fyrr en í dag af því hann skaut sjálfan sig þannig að andlitið hans var bara eitt skotsár. Málið er að það hefði verið hægt að stoppa hann af á þessum 2 klst. á milli skotárása en af einhverjum ástæðum héldu allir að hann væri á leiðinni úr fylkinu. Þetta hefðu ekki þurft að vera 33 látnir nemendur og kennarar. Nú leggjast allir á eitt að reyna að skipuleggja meiri öryggisgæslu.....sjáum hversu lengi fólk hefur áhyggjur af þessu.

Það eru litlar líkur á að ég verði skotin niður, í bráðina allavega. Ég hef varla farið út úr húsi síðan fyrir helgi, það er búið að vera svo leiðinlegt veður. Hvassviðri, þrumuveður, slydda...jú neim it! Ég hef ekkert getað farið með Sylvan út en um daginn kom Marc og sótti hann og fór með hann og strákana sína heim til foreldra sinni. Tengdó er þar í heimsókn, þau voru nefnlega að fara til Virginíu á reunion hjé herdeildinni sem tengdapabbi barðist með gegn Japönum á sínum tíma.

Pizzasendill lenti í honum rappanum á föstudaginn, hann fór með pizzu í Shiloh-hverfið hérna í Asheville, sem er blökkumannahverfi, og þá beið eftir honum hópur fólks og hann rétt náði að forða sér áður en skotið var á bílinn hans. Pizza Hut fer ekki með pizzur í þetta hverfi, allavega ekki eftir myrkur, sem betur fer. Það er kannski ekkert skrítið að ég bíð yfirleitt eftir að Vance komi heim úr vinnunni og fer svo að sofa.

Sylvan talaði við mömmu í símann í gær og það kjaftaði á honum hver tuska, verst bara að hann talaði hvorki íslensku né ensku, nema reyndar eitt orð inn á milli. Hann er orðinn svo stór strákur og hugsar ekki um annað en litina, tölurnar og formin, ég veit ekki hversu oft hann kemur til mín á dag og segir "triangle" eða "square" og ég á að teikna þríhyrning fyrir hann. Ótrúlegt hvernig hann dettur inn í svona og getur ekki hugsað um neitt annað, bara í morgun talaði hann smá upp úr svefni og það sem hann sagði var "green" svo þegar hann vaknaði sagði hann "triangle". Bara skondið.

Skrappið

Ég er búin að reyna að skrappa smá síðustu daga, búin að ná að gera nokkrar síður. Ég er að vinna í bók um sjálfa mig auk þess sem ég geri síður fyrir albúmið hans Sylvans. Um helgina þurfti ég að gera síðu um öll löndin sem ég hef komið til, ég veit ekki hvort ég mundi eftir öllum en þau eru 15 fyrir utan lönd sem ég hef bara millilent í eða farið með lest í gegnum. Svo sendu Sigga og Þóra mér efni í eina síðu sem ég gerði svo í gærkvöldi þegar ég var búin að þrífa svolítið. Svo er ég með smá keppni í gangi á amerísku spjalli þar sem ég er með albúm og er búin að fá mjög góð viðbrögð.

http://www.scrapbook.com/forums/showtopic.php?tid/1414239/tp/1/

2007-04-07T13:49:00.000-04:00

Snjór, ég er nú varla að trúa þessu en það er kominn snjór. Eftir rúma viku með 20 stiga hita og rúmlega það suma dagana þá er hitinn kominn niðurfyrir frostmark á nóttunni og verður á þessu róli næstu vikuna. Akkúrat þegar gegnsæja ég er farin að fá andlitslit á mig. Mayme kom greinilega aðeins of snemma til okkar. Hún var að vonast til að sjá smá snjó en það var heitara hjá okkur þegar hún var hér en í Flórída.

Sylvan sá ekki sólina fyrir henni, hann lét hana ekki í friði. Var endalaust að knúsa hana og kjassa og draga hana fram og til baka. Shirin kom og sótti hana einn daginn til að fara í bíó og Sylvan hágrét í hálftíma eftir að hún var farin, með ekka og alles.

Við héldum upp á afmælið hans Sylvans á laugardaginn síðasta, ég vildi halda það á meðan Mayme væri hjá okkur. Mayme hjálpaði mér að baka afmæliskökuna, skúffuköku, hún fékk að sjá um skreytinguna nema ég teiknaði útlínurnar og hún "litaði" með M&M. þið getið séð myndir á barnalandssíðunni hans Sylvans. Við héldum afmælið í pikknikk skýli hjá uppáhalds leikvellinum okkar Sylvans. Þar eru líka fótboltavellir og það var eitthvað fótboltamót í gangi og fullt af krökkum spriklandi á eftir boltum. Ekki amalegt að fá að spila á gervigrasi svona ungur. En aftur að afmælinu. Vance reddaði pizzum fyrir gestina sem voru ekki margir, bara þetta fáa fólk sem við þekkjum hér. Sylvan söng með þegar við sungum afmælissönginn og honum tókst að blása á kertin alveg sjálfur. Eftir að Sylvan opnaði pakkana fóru allir krakkarnir á leiksvæðið í kastalann að leika sér. Ég tók engar myndir þar af því að ég var að taka til í skýlinu en svo komu krakkarnir aftur "í partýið" eins og þau kölluðu það og léku sér í grasinu og ég náði skemmtilegum myndum þar.Við fengum æðislegt veður alveg eins og í fyrra.

Seinni part dagsins keyrðum við svo til Georgíu og hittum Alice og Savönnu þar á Holiday Inn í Byron. Sylvan var ekki lítið kátur að fá alla athyglina og stelpurnar fóru í feluleik inni á herbergi og Sylvan skríkti alveg af kæti....alveg þangað til við fengum kvörtun frá öðrum hótelgestum. Sylvan sofnaði uppi í rúmi hjá pabba sínum og svaf þar þangað til hann valt framúr um miðja nótt. Þá var hann settur í ferðarúmið sitt.

Á sunnudeginum keyrðum við um bæ sem heitir Perry og Sylvan fékk að henda steinum í vatnið sem hann er nefndur eftir, Sylvan Lake, og þar rétt hjá er gata sem heitir Sylvan Drive. Vance langar að flytja til Perry eða í nágrenni Perry en ég er ekkert of heilluð. Sjáum til hvað við gerum.

Við fengum skemmtilegan póst í gær, 3 páskaegg frá mömmu og pabba og norskan hrísgrjónagraut. Fengum reyndar líka umslag með íslensku sælgæti í fyrradag frá einni skrappvinkonu minni þannig að við höfum nóg af sælgæti yfir páskana. Það er svolítið sérstakt finnst mér að upplifa páska hérna í Kanaveldi, miðað við hversu ofurtrúaðir flestir Kanar eru og kirkjuræknir með eindæmum, þá finnst mér Íslendingar standa sig betur í að minnast þjáningar Jesús. Hérna eru allar búðir opnar og póstur borinn út. Held að páskadagur sé eini dagurinn sem flest er lokað hér. Þetta er svona svipað og með jólin, enginn heilagleiki yfir þessu. Mér fannst svolítið fyndið, við Mayme vorum að mála egg og ég sagðist aldrei hafa gert það áður því það væri ekki hefði í minni fjölskyldu að fela svona egg út um allt. Og henni þótti það skrítið og sagði að það væru nú kannski helst kaþólikkar og einhver annar trúarhópur sem ég man ekki í augnablikinu sem héldu svona upp á páskana...eins og það tengdist eitthvað trúnni að leita að eggjum og sælgæti. Ég sagði henni náttúrulega að Íslendingar "héldu upp á" páskana í trúnni þó við værum ekki endilega öll leitandi að eggjum. Ég segi "héldum upp á" með gæsalöppum af því að auðvitað erum við ekki að halda upp á dauð Jesú Krists heldur minnast þjáningar hans. En það má nú ekki gleyma að Mayme er bara 12 ára þannig að ég ætla nú ekkert að stríða henni á þessu.

Sylvan var ekkert smá kátur að sjá snjóinn í morgun, vildi helst fara bara strax út að leika. En við fórum ekki fyrr en um hádegisbil, og vorum ekki lengi, það er 5 stiga frost sýnist mér á mælinum.

Gleðilega páska!

2007-03-25T23:24:00.000-04:00

Ég var víst búin að lofa að skrifa meira um Florida ferðina. Við brunuðum sem sagt af stað til Florida ca. 2 klst. eftir að við fréttum af andláti frændans. Ferðin gekk vel og Sylvan svaf nánast alla leiðina. Ég náði smá að sofa af því að ég tók ofnæmistöflur. Það var voðalega fínt veður í Florida, ekki eins heitt og vanalega þegar við förum þangað. Sylvan var mest bara á samfellunni eða í samfellu og stuttbuxum. Við Sylvan fórum með Alice niður í bæ. Þar er smá leiksvæði fyrir börn og sullusvæði þar sem vatn sprautast úr öllum áttum í alls konar boga. Alice ætlaði að vera svo klár að sýna Sylvani hvernig maður getur farið undir vatnsbunu en fattaði ekki að það sprautaðist af og til úr gati á öðrum stað og um leið og hún fór undir bununa fékk hún góða skvettu framan í sig annars staðar frá. Þetta var skemmtilegt leiksvæði. Við Vance tókum Mayme og Jimmy með okkur til Orlando og þar fórum við á heimsins stærsta McDonalds, þar eru alls kyns leiktæki og aðeins öðruvísi matseðill en á venjulegum Macca. Sunnudagurinn var bara rólegur og fór í að kveðja fólk og við keyrðum svo heim aðfararnótt mánudags.
Fyrir 2 vikum síðan áttum við Vance 2ja ára brúðkaupsafmæli og tengdó áttu 52ja ára brúðkaupsafmæli og þann sama dag eignaðist Eygló oggulítinn prins. Sem er nú bara alveg eins og stóri bróðir sinn.
Mayme kom svo í gær (laugardag) og gisti hjá Marc og Shirin og við fórum að hitta þau öll í nýja húsinu þeirra, sem er alveg að verða tilbúið, í dag. Þau eru með rosalega góðan pall og svo eru strákarnir búnir að eignast litlar geitur (dverggeitur). Shirin er alltaf að reyna að segja fólki að húsið sé ekkert svo stórt, en það er huge! Nú á bara eftir að setja innréttingar og klára að mála. Ég væri orðin brjáluð ef við værum að byggja hús og pabbi væri ð skipta sér af smáatriðum eins og pabbi hennar Shirin. Þau voru búin að velja lit inn á baðherbergið inn af hjónaherberginu og búin að mála, svo sá hann það og fannst liturinn og dökkur og málaði yfir það sem þau voru búin að mála. Nú þurfa þau að mála yfir það sem hann gerði. Ég meina common! Marc setti upp girðingu í flýti svo geiturnar færu ekki út um allt og Shirin var að hafa áhyggjur af því að pabbi hennar yrði ósáttur við grindverkið...ég meina, ekki ætlar hann að búa þarna...það kemur honum bara alls ekkert við hvernig grindverkið er! Ég bara pirrast með Marc...mér skilst að hann haldi sig fjarri allri ákvarðanatöku af því að hans skoðun vegur svo lítið á móti skoðun tengdapabba hans.
Eníveis, við vorum nokkra klukkutíma hjá þeim í heimsókn í bongóblíðu, 28°c hita takk fyrir pent! Svo kíktum við Mayme í mollið en stoppuðum stutt við því allt lokaði svo snemma. Fórum svo aftur til M og S og Vance og Marc spiluðu Tallehoe (Lútó) á móti mér og Mayme og við rétt unnum þá, þettar var orðið mjög tæpt í lokin.
Svo býst ég við að Mayme komi til okkar á morgun og verði út vikuna, hún allavega ætlaði að eyða vikunni hjá okkur en strákarnir eru svo frekir á hana. Grady bara lýgur eftir því hvað hentar honum best, hann sagði við Mayme í dag að pabbi hans og Vance hefðu sagt honum að hún ætti að velja strax hvar hún ætlaði að gista í nótt en mér fannst það nú ekki líkt Vance að segja svoleiðis og kannaði málið, þá höfðu þeir ekki sagt orð um það. Hún gat nú samt ekki vitað að hann væri bara að ljúga og stressaðist pínu.
Stefnan er svo sett á að halda afmælið hans Sylvans snemma af því að Mayme er hér, ætlum að halda það næstu helgi svo keyrum við til Georgiu með Mayme og hittum Alice og Savönnu þar. Við munum hugsanlega kíkja á hús þar líka því Vance langar að flytja þangað.
Látum þetta gott í bili

Styttist í lítinn frænda

2007-03-07T00:49:00.000-05:00

Jæja, þá fer að styttast í að litli frændi minn fæðist, pakki nokkurn veginn tilbúinn til að fara í póst. Spurning hvort ég verði að senda hann til mömmu og pabba svo þau geti sótt hann ef "litla" systir er vant við látin!
Annars er það af okkur að frétta að loksins fann ég kartöflumjöl....í lífrænt ræktuðu deildinni í Bilo...sem er pínku lítil....ætli restin af matvörum Kanans sé þá öll ólífrænt ræktuð????
Annars er þetta svosum engin frétt, er bara búin að leita í rúmt ár. Aðal fréttin er að við erum nýkomin frá Florida. Fórum nú ekki þangað í neina skemmtiferð. Frændi hans Vance féll frá, fékk lungnabólgu, var lagður inn á laugardegi og dó á sunnudegi, 75 ára gamall, litli bróðir tengdapabba. Þannig að við brunuðum suður og vorum þar í viku. Hittum fullt af fólki. Eins og ég er nú ekki hrifin af hvernig margt trúað fólk hérna hugsar (finnst það æðra sett en fólk sem trúir ekki nákvæmlega eins og það) þá fannst mér æðislegt hvernig kirkjan sem tengdafjölskyldan gengur í tók á þessum málum. Frændinn kenndi við sunnudagaskólann og var í einhverjum nefndum og það voru ofboðslega margir úr söfnuðinum sem komu með mat handa fjölskyldunni og kíktu við til þess að athuga hvort fjölskyldan þyrfti á einhverri hjálp að halda. Tengdapabbi er alveg lost, þessi bróðir hans var hans besti vinur og félagi og þeir gerðu allt saman, áttu appelsínuræktina saman, voru með kýr og unnu saman að halda þessu við á hverjum degi. Og fólk var duglegt að koma og heilsa upp á hann og allir reyndu að sjá til þess að hann hefði einhvern að tala við. Æðislegt alveg. Ég fór í kistulagninguna og hún var í kirkjunni og fullt af fólki mætti á svæðið. Ég komst ekki í kirkjuna við jarðarförina (var bara heima hjá Alice með Sylvan) en fór svo með út í kirkjugarð, það rigndi stanslaust þennan tæpa klukkutíma sem tekur að keyra þangað en svo þegar athöfnin var (hann var jarðaður að hermannasið) þá kom sólin fram.
Ég ætla að skrifa meira um Floridaferðina seinna, mér fannst þetta bara svo merkileg upplifun þessi sorgarvika!

Later...

2007-02-15T14:23:00.000-05:00

Orð vikunnar hjá Sylvani: cute, gott, dangerous, careful, ah bíddu aðeins (kjút, gott, deindendus, kerfúl, addaeins).

Það er liðinn mánuður frá afmælinu hans Calebs og Sylvan er enn að syngja Happy Birthday Caleb. En hann er líka farinn að reyna að syngja með auglýsingum og Söngvaborg 1. Uppáhaldslagið hans er Óskasteinar sem byrjar á orðunum "Fann ég á fjalli..." og þá er náttúrulega auðveldast að nota orð sem maður þekkir og Sylvan byrjar sem sagt lagið á "Fannnnnney......"

Annars er ekkert að frétta frá okkur hérna.....ég fer nú að kalla þetta Frón hér....ef ég væri þá ekki að stela því nafni frá Sheboygan líka því þar er víst miklu kaldara en hér. Ég er nú búin að reyna að segja fólki að það getur nú orðið miklu kaldara í Bandaríkjunum en á Íslandi...og nú eru sumir staðir fyrir norðan bara á kafi í snjó og það er von á meiri snjó. Enginn snjór hér samt, bara kalt, frost, vindur. Lítið hægt að vera úti með lítinn gutta, aðallega bara til að fá ferskt loft og leyfa nágrannahundunum að ráðast á mann. Oh, hvað ég þoli ekki þessa hunda. Fólkið heldur að það sé með ósýnilega girðingu og hundarnir eigi að fá einhvern straum þegar þeir fara út fyrir lóðina. Við Sylvan fórum í smá göngutúr upp og niður götuna og Sylvan hefur svo gaman af dýrum þannig að hann stoppaði extra lengi við húsið með hundunum 3. Nema einum hundanna leist ekkert á blikuna og kom hlaupandi út á götuna og ég hélt hann ætlaði bara hreinlega að ráðast á greyið Sylvan fyrir að horfa á þá. Ég hefði ekki hikað við að sparka duglega í hundkvikindið ef hann hefði komið nær okkur. Þessi hundur er iðulega hlaupandi um lóðina okkar og geltandi...á kvöldin þegar maður er að fara að sofa. AAARRRRRRGGGGGG!
Þegar við gengum til baka fram hjá húsinu passaði ég mig á því að halda á Sylvani.
Kannski ég bara kaupi band eða keðjur og gefi fóklinu svo það geti nú allavega bundið hundana niður svo þeir hlaupi ekki út á götu þegar maður gengur framhjá. Ég hef nokkrum sinnum séð menn frá UPS eða FedEx standa hikandi við bílana sína og þora ekki að fara með póstinn á pallinn því hundarnir láta öllum illum látum. En ekki heyrðist bofs í hundunum þegar brotist var inn í bíl nágrannans um miðja nótt í fyrra þannig að ekki gera þeir mikið gagn.
Over and out

2007-01-21T16:29:00.000-05:00

Jæja, hvað segið þið annars???

Héðan er lítið að frétta. Ég er búin að sjá húsið sem Marc og Shirin eru að byggja og ó mæ dog....það er ALLT of STÓRT. Þettar er nú bara brandari fyrir svona litla fjölskyldu. En þau þykjast vera að gera ráð fyrir ættingjum sem koma í heimsókn. Reyndar sjá þau ekki fram á að gera kjallarann almennilega tilbúinn fyrr en eftir nokkur ár. Hann er jafn stór í ferfetum og jarðhæðin. Strákarnir verða báðir með walk-in-closets og sér baðherbergi fyrir sig. Svo verður sér videoherbergi og leikherbergi og ég veit ekki hvað. Kjallarinn verður notaður sem leiksvæði sem er fínt þegar frændurnir frá Winston koma í heimsókn.

Caleb átti afmæli á miðvikudaginn en haldið var upp á það á föstudaginn. Þemað var Batman. Ég hjálpaði Shirin að búa til smá batmandót fyrir leik sem Grady bjó til. Ég bjó til stórt Batman merki og svo tólf litlar leðurblökur. Leikurinn fólst í því að maður fékk 3 leðurblökur og átti að kasta þeim eins nálægt miðjunni á merkinu og sá sem komst næst miðjunni vann. Sylvan stóð sig alveg prýðilega þegar hann fékk að prófa, hann var líka ofboðslega duglegur að klappa fyrir hinum og hvetja þau áfram. Annars var hann eiginlega bara fyrir krökkunum, hann var langyngstur og of lítill til að leika með þeim, nema þegar stelpurnar voru að dansa, þá dansaði hann líka. Allir krakkarnir fengu Batman skikkjur og Shirin gerði þær í 4 stærðum þannig að skikkjan sem Sylvan fékk og skikkjan sem t.d. Grady fékk voru ekki jafn stórar. Og skikkjan sem Sylvan fékk passar svo fínt á hann.

Ég bakaði líka minipizzur fyrir afmælið af því að Shirin er farin að vinna svo mikið miðað við vanalega. Og ég gleymdi að nefna að allir krakkarnir fengu "goody bags" nema í stað þess að nota poka þá notaði Shirin Batman kælitöskur/nestistöskur, rosa flottar.

Eldhúsið er orðið uppáhalds leiksvæði Sylvans núna, ég var alltaf með hlið fyrir því, hann sótti svo í ruslið þar, enda er það ekki inni í skáp. En núna er ég búin að færa hliðið og það er á fínum stað þar sem Sylvan kemst ekki í ruslatunnuna. Og Sylvan er alltaf að draga mig inn í eldhús að leika, er með kassa þar sem hann er búinn að safna ýmsu dóti í.

Við Vance erum alltaf að furða okkur á auglýsingunum í sjónvarpinu, ég get svarið það að fólkið sem semur þær er örugglega á einhverjum lyfjum. Ég meina, hver tekur næstu pottaplöntu og hellir moldinni upp í sig ef hann langar í tyggjó en er búinn með það??? Ég meina, ég man eftir auglýsingunni en hvaða tegund af tyggjó var verið að auglýsa hef ég ekki hugmynd um...þá gerir auglýsingin ekki mikið gagn!

Þá er árið 2007 byrjað

2007-01-09T23:18:00.000-05:00

og maður er strax farinn að vandræðast með ártalið á kortum og kvittunum. Við eyddum áramótunum í Tennessee hjá Tarc og fjölsk. Gistum þar eina nótt. Gamlársdegi eyddum við í glæsilegri útivistarbúð sem nefnist Bass Pro. Paradís útivistarmannsins....sem sagt, mér hundleiddist. Fórum reyndar á fínan veitingastað þar og ég smakkaði krókódíl í fyrsta skiptið. Og hann var nú bara nokkuð góður svona djúpsteiktur. Gamlárskvöldið fór svo í að horfa á The Good, The Bad and the Ugly, Clint Eastwood mynd. Ekkert sérstaklega spennandi svona fyrir Gamlárskvöld allavega að mínu mati. Vance valdi myndina. Sylvan var sofnaður um tíu leytið en vaknaði um leið og við fórum að skjóta upp flugeldum. Og þar sem hann var svo hræddur þá hékk ég inni með hann. Ekki það að ég hafi misst af miklu, við vorum eina fólkið í götunni sem var að skjóta upp flugeldum...jafnvel öllu hverfinu. Við lögðum svo af stað um hádegi á Nýársdag af því að Vance þurfti að mæta í vinnu. En ég fékk hann til að keyra í gegnum Pigeon Forge og Gatlinburg á leiðinni, sem varð eiginlega til þess að við rétt náðum heim áður en hann átti að vera mættur í vinnu. Ég fékk nefnilega í fyrsta skipti síðan við fluttum hingað að fara í skrappbúð (föndurbúð), alveg mergjað, hefði getað eytt fleiri klst. í að skoða allt úrvalið en keypti mér sitthvað sem ekki fæst hér í Asheville eins og kortaskapalón. Búðin er sko lokuð á sunnudögum og það hittist oftast á að við förum þangað á sunnudegi af því að þá er Vance í fríi. Kíkti líka á útsölu í Little me-outleti og fann smotterí á bumbukrílið hennar Eyglóar.

Annars byrjaði árið ekkert allt of vel þannig séð, frændi minn féll frá og Elli lenti á sjúkrahúsi, býst við að hann sé enn þar. Og mér finnst bara ofboðslega leiðinlegt að komast ekki í jarðarförina á föstudaginn. Og auðvitað ekkert gaman að vita af honum Ella sárlösnum á sjúkrahúsinu. Sendi honum batnaðarkveðjur (er þetta orð til???).

Frænkur hans Sylvans komu hingað til Asheville á annan í jólum og tvær vinkonur með þeim, 5 unglingar í allt. Og voru reknar heim á Gamlárskvöld, þá var Shirin búin að fá nóg af sóðaskapnum í þeim og fylleríum og látum. Svo leiðinlegt að þær geti ekki sýnt fólkinu sem býður þeim gistingu smá virðingu. Spurning hvort eða hvenær þær fái að gista þarna aftur. Við náðum að hitta þær smá, fórum öll saman (við þrjú, Savanna, Julia og vinkonurnar tvær, Hannah er svo matvönd að hún kom ekki) á Pineapple Jacks og borðuðum hádegismat þann 30. des. Við reynum að fara reglulega þangað af því að maturinn er hollur og góður og það er lítil fjölskylda sem á staðinn. Við sendum þeim jólakort (þ.e. bara á veitingastaðinn) og þeim fannst það æði og gáfu okkur peysur með lógói staðarins aftaná. Svo fórum við í Góða Hirðinn og ég verð að segja að það leynist ýmislegt þar. Vance fann íslenskan geisladisk, Jinx með Quarashi, og auðvitað keyptum við hann! Ekki um annað að ræða! Kannaðist við flest lögin líka!

Í dag kom svo loksins smá snjór. Og Sylvan var dúðaður upp og við fórum út að leika í smá stund. Hann var sko ekki tilbúinn að fara inn en það var farið að skyggja og ekki mikið um ljósastaura hér. Það eru komnar myndir á síðuna hans á Barnalandi.

Ég læt fylgja með eina samsetta mynd, þ.e. tvær myndir teknar með 11 mánaða millibili á svipuðum stað í garðinum okkar. Ég var næstum því búin að nota sömu húfuna í dag.

The day after Christmas

2006-12-26T23:49:00.000-05:00

Í dag var "dagurinn eftir jólin". Þá er brjálað að gera í öllum búðum, fólk að skipta gjöfum og kaupa jólavörur og annað á afslætti. Auðvitað lætur maður sig ekki vanta. Ekki það að ég hafi verið að versla brjálæðislega, keypti gjafapappír, jólakort og nýjan dúk undir jólatréð. Og auðvitað fór ég líka með myndir í framköllun. Ég hugsa að ég sendi bara keypt kort næst, nenni ekki að vera að eyða tíma í kort ef fólk fer bara að öfundast yfir að næsti maður hafi fengið flottara kort. Ætla líka að íhuga hvort ég gefi nokkuð aftur heimagerða gjöf. Maður eyðir þvílíkum tíma í þetta og fær svo bara að heyra að hinn fékk flottara. Nei, þá get ég notað tímann í eitthvað annað.

Annars hafa jólin bara komið og farið hérna. Vance var að vinna á aðfangadag. Kom heim rúmlega átta með pizzu. Við opnuðum öll eina gjöf ....reyndar fékk ég leyfi til að opna tvær, ég var búin að velja eina gjöf til að opna og svo vildi Vance að ég myndi pna eina frá honum líka. Sylvan var hundslappur og kvefaður en var voða kátur að fá að opna pakka. Hann opnaði pakka frá Flóventi og það var svo fyndið að fylgjast með honum, hann var svo stíflaður og var með tunguna úti allan tímann og vandaði sig svo. Honum fannst gjöfin alveg æði. Við fórum svo til Marc og Shirin og skiptumst á gjöfum.Grady var sofandi en Caleb var enn á fótum. Grady var svo víst eitthvað lasinn líka. Þegar við vorum búin að skiptast á gjöfum og Vance búinn að vesenast í tölvunni hans Marcs og ég búin að hjálpa Shirin að pakka inn gjöfum þá fórum við litla fjölskyldan í jólaljósaleit. Það er ekki auðvelt að finna jólaljós hér, keyrðum út um allt og það var eitt og eitt hús með ljós. Ekki það að húsin séu ekki skreytt, fólk hér skreytir mikið með rauðum slaufum og greni, sem er mjög fallegt á daginn en sést ekki á kvöldin. Við ákváðum svo í lokin að keyra í götu rétt hjá okkar þar sem er mikið skreytt og þá var fólkið búið að slökkva á ljósunum fyrir nóttina, enda komið miðnætti. Sylvan svaf frekar illa um nóttina þannig að við fórum ekki á fætur á jóladag fyrr en klukkan hálf tíu. Og þá fórum við beint í að opna pakka, bara á náttfötunum. Við fengum æðislegar gjafir. Sylvan fékk fullt af fötum og slatta af dóti. Nú þarf hann bara að flýta sér að vaxa upp í fötin sín. Hann fékk t.d. peysu og buxur frá Shirin í stærð 2, peysan er fín á honum (ermarnar passlegar) en buxurnar allt of síðar. En nóg um það, við héngum heima allan daginn og ég eldaði skinku og uppstúf seinni partinn. Fengum okkur svo heimagerðan ís í eftirrétt. Svo skelltum við okkur aftur á rúntinn og enduðum á Grove Park Inn sem er rándýrt hótel hér í bæ. Það er vanalega ekki opið almenningi en af því að það var piparkökuhúsasamkeppni í gangi og húsintil sýnis þá gátum við farið inn og skoðað okkur um. Og ég segi nú bara eins og Vance, það er ekkert skrítið að það sé mikið gert grín að japönum og myndavélaæði þeirra. Við ætluðum ekki að komast að nokkrum húsunum fyrir þessu fólki. Það er allt í lagi að taka myndir, ég er sjálf myndaóð...en fyrr má nú rota en dauðrota!!! Maður hertekur ekki bara svæði sem er til sýnis, til að taka trilljón myndir á meðan annað fólk er að reyna að skoða líka. Eníveis, þegar heim kom fór ég að horfa á nýja dvd safnið mitt, Gilmore Girls (Mæðgurnar), horfði bara á 3 þætti eða fjóra samt.

Nú er Vance kominn með kvefið sem ég var með alla síðustu viku og Sylvan er enn með. Úff, þá fæ ég að heyra væl næstu dagana...eins og hann sé bara á síðasta andardrættinum. Greyið litli/stóri. Sumir karlmenn höndla bara ekki smá kvef. Ég var ekki með neinn smá hósta í síðustu viku og hundslöpp, varð að sofa á sófanum í nokkrar nætur (bæði til að vekja ekki Sylvan með hóstanum og til að geta sofið hálf sitjandi) en fékk samt enga vorkunn.

En nóg kvart og kvein, við stefnum á að kíkja til Tennessee á Gamlársdag ef það verður ekki allt á kafi í snjó...þá meina ég 8-10 sentimetrar!!! Það snjóar víst eitthvað hérna í fjöllunum núna, eitthvað takmarkað hér í Asheville samt. Bara skítakuldi og rok.

Já ég má ekki gleyma að nefna að við fengum pakka í póstinum í dag frá mömmu og pabba og Þóru og nokkur jólakort þannig að við héldum smá litlu jól þegar strákarnir vöknuðu eftir lúrinn sinn.

jæja, nú verð ég að koma mér í háttinn, ég er ekki búin að vera nógu dugleg að fara að sofa á skikkanlegum tíma undanfarið.

Litli kvefaði stubburinn minn

Sylvan jólin 2005 og 2006

2006-12-22T08:44:00.000-05:00

Mamma kom með þá hugmynd að bera saman myndir af Sylvani frá því í fyrra og svo núna.

Myndirnar af Sylvani ofaní kassa og hjá jólasveininum eru tilvaldar í þetta.

Annars er það að frétta af okkur að Vance þarf að vinna á aðfangadag fram á kvöld þannig að við munum ekki halda þann daginn hátíðlegan. Stefnum á að taka jólaljósarúnt eins og í fyrra og fara með gjafir til Marc og Shirin eftir að Vance er búinn að vinna. Svo vaknar maður bara hress og kátur á jóladag og opnar pakkana í náttfötunum.

Í gær fórum við Sylva í mollið á leiksvæðið. Við fórum frekar snemma en það var samt helling af krökkum þar, einhver hópur frá YMCA og brjáluð læti. Svo fór brunakerfið í gang en það var enginn eldur. Við vorum þarna í rúma 2 tíma eða þangað til Sylvani datt í hug að slá eina stóru stelpuna enda sjálfur búin að fa ýmis högg í látunum, en við fórum sem sagt bara heim og Sylvan var ekki lengi að sofna. Ég verslaði jólamatinn og svo klæddi ég Sylvan í fína pollagallann sinn og við fórum út í smá stund. Rosa gaman. Nema þá versnaði kvefið mitt aftur, sem ég er búin að berjast við síðan á laugardaginn. Sylvan var sofnaður uppúr sjö og ég stuttu seinna. Svaf í sófanum til kl. hálf tólf og fór þá inn í rúm en gafst upp á því, ég hóstaði svo mikið að ég var hrædd um að vekja Sylvan. Ég heyrði hann væla einu sinni og svo sagði hann amma, amma! Við nefnilega töluðum við m-mmu í gær, honum finnst svo mikið sport að heyra í henni en er of feiminn til að segja eitthvað, sagði samt einu sinni amma í símann! En allavega, ég svaf á sófanum í nótt, þriðja eða fjóða nóttin núna í vikunni sem ég geri það, því ég geti legið með höfuðið svo hátt og hósta minna.

Það er búin að vera svo mikil umferð hérna í hverfinu undanfarna daga að maður kemst hvorki afturábak né áfram. Og Vance ákvað að fara bara í Walmart kl. 4 í nótt því þá yrði vonandi eitthvað minna af fólki þar. Ég passaði mig bara á því að vera ekkert að spyrja hvað hann væri að þvælast í Walmart og var sofandi þegar hann kom heim. Hann er búinn að vera að reyna að gera mig forvitna, hann ætlar sko að gefa mér eitthvað sem gerir hann ánægðan, Sylvan ánægðan og mig alveg rosalega ánægða!!! Ég ætla bara ekki einu sinni að reyna að giska! Á meðan það er ekki bara geisladiskur þá er mér sama, mig langar ekkert í neinn geisladisk núna, fékk svo fína jóladiska frá mömmu um daginn!

Jæja, ef ég verð ekki sofnuð snemma í kvöld þá ætla ég að skúra og gera jólaísinn!!!

Jólin eru að koma

2006-12-18T00:05:00.000-05:00

Ég er svo mikið jólabarn, elska jólin. Við erum með alla pakka tilbúna, innpakkaða...einhvern veginn þá bætist alltaf við pakkana til Sylvans....hm...hann fær 4 frá okkur (einn stóran og 3 litla) og svo eitthvað í jólasokkinn sinn. Við erum líka búin að fá pakkana frá Fanney og fjölsk. og Ella og fjölsk. þeir komu á föstudaginn :) Ég efast um að pakkarnir frá Florida komi fyrir jól því Savanna, Julia og Hannah koma milli jóla og nýárs hingað. Þannig að það er spurning hvort við opnum ekki bara íslensku pakkana á jóladag í staðinn (nema kannski einn pakka hvert á aðfangadag. Við sendum pakkana frá okkur til Florida í síðustu viku og þau eru búin að opna þá takk fyrir...! Við erum búin að senda flest kortin til Íslands, ég bara man ekki hvort ég er búin að senda til Péturs frænda eða ekki, ég var tvisvar búin að taka til kort til að senda honum og þá vaknaði Sylvan eða ég fékk alzheimerskast og fór að gera eitthvað annað....allavega þá tók Vance annað kortið sem ég ætlaði að nota og skrifaði á það til Hlyns, ég var búin að skrifa nafnið hans Péturs á umslagið en minn bara krotaði ofan í það....KARLMENN!!! Allavega, þá ætla ég að skrifa á kortið núna á eftir og ef hann fær tvö frá mér þá er það bara allt í lagi :)

Okkur var boðið í Jólapartý um helgina en fórum svo ekki, smá ágreiningur milli okkar hjóna sem ég nenni ekki að fara útí hér...fyrir utan að ég nældi mér í eitthvað skemmtilegt kvef og var hnerrandi í allan gærdag og gærkvöld (laugardag) og í dag, sunnudag, bara hundslöpp. Þannig að það hefði kannski ekkert verið sniðugt ef ég hefði verið hnerrandi á alla hina gestina.

Á morgun fer ég með Sylvan Dag í myndatöku í fyrsta skipti. Ekkert fancy neitt, bara ein pósa sem ég fæ á slikk.Vona bara að hann verði stilltur svo ég fái almennilega mynd. Ég mæli með því að þið kíkið á síðuna hans Sylvans...við fórum nefnilega að hitta vonda manninn sem allir kalla jólasveininn...eða Santa. Minn var sko ekki sáttur við að vera settur í fangið á svona skeggjuðum karli!

(myndin er stærri hérna neðar, skil ekki af hverju hún kemur tvöfold og get ekki strokað aðra út)

Helstu fréttir frá Florida eru að Savanna er loksins komin með eigin bíl....og búin að klessa hann, skemmdirnar eru upp á 6 þúsund dollara :o Hún og vinkonur hennar voru að keyra á fáförnum vegi (sagan segir að þar sé draugahús) og þá hljóp hundur í veg fyrir bílinn og þegar hún sveigði frá til að keyra ekki á hundinn þá keyrði hún á grindverk....! Það eru nú ekki allir sem trúa þessari sögu...en ég ætla barasta ekkert að kommenta á það, ekki mitt mál eða minn peningur! Þær stelpurnar eru allavega í heilu lagi!

Við hjónin leigðum okkur myndina Talladega Nights....með Will Ferrel (eða hvernig sem það er skrifað), hún er nokkuð góð, eða það sem ég sá af henni, var svo slöpp að ég hálfsvaf í sófanum og horfði bara með öðru og þegar ég þurfti að hvíla það þá hlustaði ég með öðru ;) Ekki segja Vance frá!!! :þ

Eníveis, aftur að elsku jólunum. Ég er búin að setja upp jólatréð að amerískum sið, nema var frekar seint í því miðað við Kanann og nú er ég bara í fullri vinnu við að halda Sylvani frá jólaskrautinu. Setti líka kerti á nýja stofuborðið með kertahring úr einhvers konar berjum og það fær sko ekki að vera í friði heldur. Sem betur fer er hann ekki búinn að fatta að hann gæti hæglega togað jólasokkinn sinn niður (og rotast þá í leiðinni þegar sokkahaldarinn dytti á hausinn á honum). Ég er búin að setja upp jólaseríur í alla gluggana í leikherberginu og í stofunni og ég keypti snjókall úr tré sem er hægt að setja seríu í, nema sum götin eru aðeins of þröng, þarf að redda því. Snjókallinn var tilbúinn málaður af einhverjum starfskrafti í föndurbúð hérna nálægt og var á tilboði, hugsa að ég eigi nú eftir að reyna að mála hann pínu betur svona einhvern daginn þegar ég nenni. Málið er sko að allavega þá eru föndubúðirnar farnar að taka niður jóladótið....og jólin ekki komin ennþá! Þannig að jóladótið er flest á 50% afslætti hjá þeim. En ég bíð eftir útsölunni í Target, því þá ætla ég að kaupa dúk undir tréð. Er bara með ljótan filtdúk sem ég keypti í fyrra af því að við höfðum ekki efni á neinu betra!

Marylinn mín, takk æðislega fyrir símtalið, það var gaman að spjalla við þig og ég held að Sylvani hafi líka þótt gaman að heyra í þér.

Jæja, nú ætla ég að fá mér einhverja töflu svo ég geti sofið í nótt og vaknað eldhress í fyrramálið til að fara með stráksa í myndatökuna...vona að han fíli jólafötin sín og verði sáttur við sæta bindið sem hann á að vera með!

Ég veit ekki hvort ég skrifi meira fyrir jól, stefnan er sett á Winston-Salem....eða nágrenni við þann bæ....við getum líka bara kallað það Salem Light eins og ónefnd manneskja sem ég þekki gerði ;)

Ég ætla að sjá hvort ég geti ekki komið mynd hér inn aftur eins og síðast

Gleðileg jól

Hvað er það sem rignir svo regnhlífarnar á?

2006-11-30T23:59:00.000-05:00

jæja, á meðan stór hluti Bandaríkjanna er á kafi í snjó og allir að lenda í árekstrum af því að þeir eru ekki á vetrardekkjum eins og Íslendingar, þá er bara grenjandi rigning hér. Það er nú svo sem allt í lagi þar sem Sylvan er bara lítill lasarus. Er búinn að vera lasinn frá því á þriðjudaginn. Allt í einu helltist yfir hann þetta líka litla kvef.....eflaust eitthvað tengt greyið strákunum sem voru í mollinu um daginn. Greyið er svo stíflaður og orðinn hálf hás. Í næstum því hver skipti sem hann hóstar smá þá kúgast hann og ælir slími. En hann er nú samt bara nokkuð kátur og ber sig vel. Algjör mömmustrákur samt. Á þriðjudaginn sofnaði hann ekki fyrr en um hálf tvö um nóttina.Og var endalaust að vakna, þangað til við fórum á fætur um hálf níu. En svo síðustu nótt svaf hann alveg í 11 og hálfan tíma án þess að rumska. Við erum komin með rakatæki inn í herbergi og svei mér þá ef það virkar ekki bara ágætlega.

Annars er nú ekki mikið að frétta héðan, ég fór loksins með afmælisgjöfina hennar Söru í póst.

Til hamingju Elín með litla/stóra kútinn þinn!!!

Til hamingju Auja með nýjustu ömmustrákana þína!!!

Nú fer maður bara að komast í jólastuð.....hm...eða halda áfram stuðinu sem er löngu komið. Ég þarf að klára nokkrar jólagjafir og svo get ég ekki hætt að búa til jólakort...þarf að fara í jólakorta afvötnun held ég nú bara. Búin að gera held ég rúmlega 70 kort...ég er hreinlega bara hætt að telja.

Svo er ég farin að skrifa niður öll orðin sem Sylvan kann að segja. Hann er held ég búinn að gleyma blótsyrðunum sem duttu út úr honum um daginn.

Íslenska:

mamma, búið, nei, ljós, Flóvent, skamm, takk, nammi namm (tel það sem orð), mjá, mö, me, voff, út, opið, heitt, bleyja, blautt, húfa, bíddu, meira, kex, allt búið, tómt, fínt, prump (þýðir allt sem er gert í bleyjuna).

Enska:

pop, see you, no, hat, Mayme, Nanny, baby, squirrel, ball, hi, dog, thank you, there you go, yeah, truck, Marc, Caleb, hot, plane.

Svo reynir hann að segja Bubbi byggir...en ég kann ekki alveg að skrifa það eins og hann segir það!!!

until later...

Atsjú

2006-11-22T00:25:00.000-05:00

Ég var víst að tuða yfir vatnleysi síðast. Það var vatnslaust hjá okkur í eina 11 tíma takk fyrir. Það var einhver viðgerð í gangi og svo bilaði eitthvað annað. Vatnið kom sem sagt á um miðja nótt. Vance kom með nokkrar fötur fullar af vatni úr vinnunni og var bara fúll á móti. En svo þegar hann kom heim þá baðst hann afsökunar. Það voru víst bara 3 bílstjórar og á þriðjudagskvöldum eru tveir fyrir einn tilboð og brjálað að gera.En ég hefði nú ekkert þurft að vera að stressa mig. Á miðvikudaginn ætlaði vinafólk okkar að koma í heimsókn (þau búa í klst. fjarlægð). En á síðustu stundu hættu þau við vegna veðurs. Það var spáð mikilli rigningu, hvassviðri og jafnvel flóðum....bara akkúrat þennan dag. Og veðrið varð líka ömurlegt þegar leið á daginn. Eini dagurinn í síðustu viku sem var vont veður takk fyrir. En það er búið að vera ansi kalt undanfarið...þó ekki eins kalt og á Fróni heyrist mér.

Ég gleymdi alveg í bræði minni síðast að nefna að Marc kom og lagaði hitaleiðslunar...svona eins vel og hann gat. Þær voru víst hrundar undir svefnherberginu okkar (og eigandi íbúðarinnar hefur alltaf þvertekið fyrir að eitthvað hafi verið að kerfinu). Og síðustu vikuna höfum við verið að anda að okkur rykinu úr leiðslunum í svefni. Greyið Sylvan vaknar hverja einustu nótt alveg að deyja úr þorsta.

Vance var veikur seinni hluta síðustu viku, hann er bara ekki nógu duglegur að borða maðurinn, nema þá bara bakkelsi og tekur í vörina. Svo snýr hann alveg sólarhringnum við, vaknar seint og síðar meir eftir hádegi og hangir allt of lengi í tölvunni eftir vinnu...eða í sófanum að lesa. Á morgun (miðvikudag) verður hann ekki í fríi eins og vanalega en það verður lokað á fimmtudaginn út af Þakkargjörðarhátíðinni.

Á morgun ætlar vinafólk okkar að gera aðra tilraun til að koma í heimsókn. Svo á fimmtudaginn förum við í boð í Weaverville, hjá foreldrum Marcs. Þar verður fullt af fólki og Sylvan á alveg eftir að skríkja úr kátínu að hitta öll frændsystkin sín.

Talandi um Sylvan, nú er sko eins gott að maður vandi orðafarið sitt. Hann nær ótrúlegustu orðum sem maður heldur að hann taki ekki eftir. Í síðustu viku datt út úr honum "Damn it" og "Shit".....hm....nú verður maður að reyna að breyta því í "Deng it" og "Shoot". Og það er svo gaman að fylgjsat með honum þegar hann fær munnræpu og er að segja manni eitthvað voðalega merkilegt. Hann baðar út höndum og bendir og ekki skilur maður orð sem hann segir. Bara fyndið. Svo segir hann "I get you" og þá á maður að elta hann.

Við Sylvan fórum í mollið í gær til þess að leika smá á leiksvæðinu og skoða jólabúðina. Það var alveg ofboðslega mikið fjör hjá honum fyrsta klukkutímann eða svo á leiksvæðinu. Svo hljóp einn stærri strákur hann niður og hann skall aftur fyrir sig (það er sko teppi á leiksvæðinu) og þá fór allt í voll. En Sylvan reyndi að detta aftur í leik og þá datt einum stráknum í hug að hrinda honum, alveg uppúr þurru, og þá fór allt í mínus. Greyið gerði ekki annað en að reyna að passa sig að vera ekki fyrir og gat eiginlega ekki leikið sér af því að hann var alltaf á varbergi.

En ég verð líka að hneikslast smá. Eins og flestir Kanar eru sýklahræddir og krakkar geta ekki hist ef þeir eru með smá kvef þá var ég svolítið hissa. Þarna var kona með tvo syni sína sem hóstuðu hvor í kappi við annan. Og ég er nú ekki manneskja sem kvartar yfir smá hósta og hori hjá börnum, en þessi grey hefðu nú frekar átt að vera heima. Eldri strákurinn hóstaði svo mikið að hann hreinlega ældi. Ég meina, hvað var mamman að hugsa að koma með þá svona lasna greyin á leiksvæði í molli??? En ég sá líka hinar mömmurnar alveg fá panikk og taka fram sótthreinsi gelin og bera á börnin sín.....eftir að strákarnir höfðu hóstað framan í þau í klukkutíma....!

Það kom nú upp inflúensufaraldur í Yancey-county, í Burnsville og fleiri stöðum. Og til þess að stöðva útbreiðslu flensunnar þá var öllum grunnskólum (sem flensan kom upp í) lokað í rúma viku og fólki sagt ð halda börnunum sínum heima!

Í aðra sálma....er ekki hármissir merki um vítamínskort...og þá hvaða??? Ég get svo svarið það að ég gæti reddað hári í heila hárkollu svei mér þá og ekki get ég kennt óléttu um. Ég hreinlega veit ekki hvað er að gerast, ég fer í sturtu og baðið verður bara fullt af hárum...og svo greiði ég mér og þá tek ég bara heilu lokkana í burstann. I don't get it!!!

Æi, og eitt í viðbót. Sylvan tók allt í einu upp á því að þykjast hnerra og ég skildi ekki hvaðan það kom...fyrr en eitt skiptið þegar við vorum að horfa á Dýrin í Hálsaskógi og Piparkökusöngurinn kom. Þá beið Sylvan alveg með eftirvæntingu eftir að hérastrákurinn hnerraði og hnerraði þá með honum. Alveg mergjað að fylgjast með honum.

GARG

2006-11-15T00:31:00.000-05:00

Sko, ég er ekki alveg að fatta sumt hérna. Ok, í dag (þriðjudag) uppúr fjögur, var allt í einu ekkert rennandi vatn. Og ég tékka af og til og enn er ekkert vatn. Klukkan er núna hálf eitt eftir miðnætti og enn er ekkert vatn. Engin tilkynning kom í pósti. Ég hringi svo til aldrei í Vance í vinnuna en hringdi núna, ég get nú ekki haldið endalaust í mér, ég gat ekki eldað, ég get ekki vaskað upp...þannig að ég hringdi í hann. Bara til að vera viss um að við hefðum ekki gleymt að borga reikning eða kannski vissi hann hvað væri í gangi. Þá verður minn bara fúll á móti. Hann er í vinnunni með fullt af vatni og finnur ekki fyrir þessu. Ef ég væri ekki hérna með sofandi barn og bíllaus þar að auki, þá hefði ég nú bara farið í Walmart og reddað mér slatta af vatni. En jæja, hann kom nú með nokkrar fötur af vatni en var ennþá fúll á móti. Garg, ég þoli ekki svona framkomu. Mér líður bara eins og ég sé fyrir, ég eigi ekki að þurfa að nota vatn. Við erum að fá gesti í fyrramálið og mér finnst nú alveg sjálfsagt að maður sé allavega með tóman vask. Ég ætlaði að baka möffins en varð að hætta við. Ég ætlaði að sjóða fisk i kvöldmatinn en það gekk ekki. Sem betur fer keypti ég eitthvað sull í búðinni sem ég ætlaði að eiga uppi í skáp...svona just in case. En þetta er nú bara eins og í fyrra þegar olían kláraðist á föstudagskvöldi og við þurftum að bíða fram á mánudag með að fylla tankinn. Þá átti ég sko ekkert að vera að kvarta....en það vorum ekki við Sylvan sem sváfum vært undir sæng allan daginn og fórum í vinnu á kvöldin og misstum alveg af kuldanum í húsinu, nei, við þurftum sko að dressa okkur upp eða hreinlega fara eitthvað í búðir til að halda á okkur hita. Pirr, pirr, pirrr........
Ég bara skil ekki hvað er svona erfitt við að koma skilaboðum í götuna um að lokað verði fyrir vatnið, það er víst eitthvað skilti um vegavinnu í hinum enda götunnar, sem var ekki þar þegar ég var á þvælingi í dag. Þetta er í 3ja eða 4ða skiptið sem þetta gerist síðan við fluttum hingað.
Annars er lítið að frétta héðan. Sylvan kjaftar eins og hann fái borgað fyrir það og reynir að herma eftir okkur. Hann er farinn að segja ansi mörg orð núna og jafnvel tengja saman tvö og þrjú orð. En mér finnst samt yndislegast þegar hann segir bíddi bíddi (bíddu). Þá er hann að fara að sýna mér eitthvað eða gera eitthvað.
Svo fer hann og gerir eitthvað af sér g ég verð reið, þá kemur hann beint til mín og gefur mér koss.
Á mánudaginn vorum við að horfa á einhverja teiknimynd í sjónvarpinu og ég kúrði upp að Vance. Sylvani leist nú ekkert á það og reyndi eins og hann gat að troða sér á milli okkar og meira að segja reyndi hann að ýta pabba sínum úr sófanum. Smá afbrýðisemi í gangi.
Jæja, ég nenni ekki að blaðra meira í bili. Vona bara að vatnið komi á sem fyrst svo ég þurfi ekki að tuða í Vance og gera hann alveg brjál!

Vetur konungur???

2006-10-23T22:05:00.000-04:00

Ég er nú ekki að trúa því að veturinn sé kominn. Ég er alltaf að reyna að fá Vance til að keyra Blue Ridge Parkway svo ég geti tekið haustlitamyndir. Það er ekkert smá fallegt hérna núna. Nema...það byrjaði aðeins að snjóa áðan...grrrrr...það má ekki snjóa fyrr en ég hef náð almennilegum myndum.
Annars hefur lítið verið á seyði hérna undanfarið. Tengaforeldrarnir farnir til Florida. Þau komu hingað einu sinni í heimsókn og Sylvan dansaði og sýndi sig eins og hann gat. Svo fórum við til Weaverville að kveðja þau á miðvikudaginn síðasta og tengdapabbi fór með mér og Vance í búð þar og keypti á mig tvennar gallabuxur...samtals $26...:) Vinkona Vaughtie og Estherar hjálpaði mér svo að stytta þær í saumavélinni hennar Vaughtie. Vaughtie ætlar að hafa augun opin fyrir vél fyrir mig. Hún keypti nefnilega sína á yardsale á $20.
Í gærkvöldi (sunnud.) fórum við hjónin á myndina Flags of our Fathers í bíó. Myndin var mjög góð og gaman að sjá svona mikið íslenskt landslag...hm...eða hraun og mosa...og fullt af íslenskum nöfnum í restina. Shirin passaði fyrir okkur og Syllvan var víst algjör engill, át eins og hross (heilan McDonalds ostborgara og eitthvað meira). Hann er þokkalega kominn með matarlyst núna....endalaust að biðja um "bite", ætli hann taki þá ekki vaxtarkipp núna og stækki upp úr gömlu fötunum sínum og geti farið að nota öll hin fötin sem safna ryki í skúffum og skápum hjá okkur.
Vance átti svo afmæli í dag og Sylvan gaf honum nýja Brainpolice diskinn. Og Vance fékk að velja stað til að borða hádegismatinn og valdi náttúrulega Wafflehouse (í uppáhaldi hjá honum). Bara verst að ég fæ svo illt í magann af að borða þar, maturinn löðrar hreinlega í fitu. Og í kvöld var svo afmælisveisla fyrir Grady, hann á reyndar afmæli næstu helgi en það er svo nálægt Halloween, förum einmitt í party þann 31.
Í afmælinu lét systir Shirin mig fá blað um sögustundir á bókasöfnum hér í Asheville og mælti sérstaklega með einu þar sem notaðar eru handbrúður. Þá er bara að fá Vance til að vakna snemma á miðvikudaginn og kíkja...það er nefnilega í bæ hérna rétt hjá.

until later....

Ég er ekki dauð enn

2006-10-10T00:07:00.000-04:00

Hef bara ekki verið í bloggstuði. Ég hef aldrei verið eins oft og mikið með hausverk eins og síðustu daga, ég er með það sem kallast hér sinus headache. Svona þrýsting frá ennisholunum. Svo er maður ekki nógu duglegur að fara snemma að sofa. Sylvan er ekki enn búinn að jafna sig á Íslandsferðalaginu hvað svefnvenjur varðar. Hann vaknar alltaf um 5 leitið á nóttunni og vill fara á fætur (þá er klukkan 9 á Íslandi). Síðasta mánuðinn hef ég fengið heilar 3 nætur sem ég hef ekki verið vakin a.m.k. einu sinni. Ég held samt að Sylvan hafi haft gott af þessarri ferð. Hann er alltaf að "tala um" Flóvent (óúwent) og Mayme. Það sem fyndnast er í samb. við Mayme þá er það svo líkt orðinu Baby að þegar hann sér lítil börn á mynd eða í sjónvarpinu þá segir hann Mayme. Svo tókst mér, alveg óvart, að venja hann algjörlega af snuðinu. Ég ætlaði ekki að gera það fyrr en eftir ferðina, en asnaðist til að setja tanntökugel á snuðið hans og honum leist svo illa á þá hugmynd að hann snertir ekki snuð lengur.
Annars er ekkert merkilegt að frétta héðan, við erum að leita okkur að annarri íbúð en það gengur ekki vel, ekki margar 3ja herbergja íbúðir á lausu og Vance vill ekki 4ra herbergja. Og ekki íbúð í þessum og hinum hluta bæjarins eða við þessa eða hina götuna.....en það var sko trailer laus rétt hjá Marc á $400 á mánuði!!! En þar sem ég er að leita að einhverju BETRA, ekki verra, þá kemur það ekki til greina, þá væri betra að flytja rétt út fyrir Asheville og fá almennilega íbúð á þessu verði.
Eníveis, haustið er komið. Litirnir eru að breytast hér í fjöllunum og trén farin að verða ansi litrík og falleg. Og veðrið orðið skárra að mínu mati. Fínt hitastig. Nú loksins finnst mér ég geta haft opið út og leyft Sylvani að leika á pallinum, ekki eins mikil hætta á að fá trilljón moskítóflugur inn í húsið....þær eru samt ekki eins slæmar hér og í Florida, þar fæ ég ekki frið!
Nú styttist í Halloween og ég keypti nú búning á Sylvan í fyrra sem hann átti að nota núna en hann er ennþá of stór þannig að ég reddaði nýjum. Eldri búningurinn var rauður dreki en ég fann í staðinn grænan og rauðan dreka fyrir hann og hann tekur sig nú bara ofboðslega vel út í honum, þó ég segi sjálf frá! Ég býst við að það verði partý hjá Marc og Shirin en ég ætla samt að skreyta smá hérna á pallinum og hafa nammiskál úti ef einhver börn (t.d. nágrannastelpurnar) koma að sníkja.
Svo styttist í að Flags of our fathers komi í bíó hér og planið er að reyna að fá pössun til að geta séð hana. Og Vance á afmæli bráðum líka, hann er reyndar búinn að fá afmælisgjöf frá mér, ég keypti hálsmen með galdrarún á, eða merki Strandasýslu (sama merkið). En ég er svo líka búin að redda smá óvæntri gjöf sem er í póstinum á leiðinni frá Íslandi.
Jæja, oft kemur illur.....

Bless í bili

2006-09-07T08:42:00.000-04:00

Ég vil byrja á því að votta tveimur hetjum og fjölskyldum þeirra samúð mína. Þau misstu dóttur sína í gær eftir margra mánaða hetjulega baráttu við erfiðan sjúkdóm. Hún var bara 3 vikum yngri en hann Sylvan minn.

---------------------

Annars er það af okkur að frétta að símalínan okkar bilaði og í þessu "fullkomna" landi tók það BARA 6 daga fyrir símafyrirtækið að senda viðgerðamann. En það er sem sagt allt komið í lag núna. En það var svolítið skrítið að vera ekki í sambandi við umheiminn.
Nú styttist í að við keyrum til Florida. Við ætlum að keyra til Alabama á sunnudaginn og heimsækja gamla konu þar sem Vance þekkir. Og svo keyra til Florida á mánudaginn. Þannig að nú þarf maður að fara að skipuleggja hvað fer ofan í tösku. Mér sýnist ég þurfa að pakka "tvöfalt", sko Floridafatnaði í eina tösku og Íslandsfatnaði í eina tösku. Það er enn svo heitt í Florida. Ég þarf að ákveða hvort ég taki bara úlpuna hans Sylvans í flugvélina eða flísgallann. Hugsa að ég taki bara náttföt fyrir hann til að vera í í flugvélinni. Mér finnst bara verst að þurfa að hanga á flugvellinum í 3 klukkutíma með einn svona lítinn, en þá kannski bara líður tíminn hraðar.
Sylvan er ofboðslega duglegur núna að labba. Það er svo gaman að fylgjast með honum því að hann er svo mikið að vanda sig við hvert skref. En ef við erum t.d. á leiksvæðinu í mollinu þá nennir hann ekki mikið að labba af því að hann er fljótari að skríða og hann er alltaf að reyna að eltast við hina krakkana.

Í dag er stefnan tekin á Regional Allergy & Asthma Consultants, Sylvan fer aftur í ofnæmispróf í dag nefnilega. Ég ætla að taka með myndir sem ég tók af honum síðast þegar hann fékk slæm útbrot.Spurning hvort prófið takist í dag. Ég varð að setja oggupínulítið krem á moskítóbit á Sylvan, bitið var frekar stórt og ljótt.

Vitiði, það er bara september og ég er orðin svo spennt að taka myndir fyrir jólakortin. Mig langar svo að fara að byrja á kortunum. Ég er búin að ákveða hvar ég ætla að taka myndirnar og alles. Þarf bara að sleikja kallinn upp í að koma með og hjálpa til.

Svo vil ég bara senda kveðjur til hennar Fannýjar í Danmörku, hún er komin á steypirinn og það á að kanna málin hjá henni á morgun. Spurning hvort þetta verði keisari eða venjuleg fæðing, það gekk svo illa síðast. Hún bakar svo stór kríli nefnilega!

Smá öppdeit

2006-08-11T23:05:00.000-04:00

Það er nú ekkert svo slæmt að vera orðin _9 ára gömul.En ég er nú samt ekki enn farin að drekka kaffi þannig að ég verð nú sennilega alltaf ung...allavega aldrei fullorðin...ef það að drekka kaffi er mælikvarði um það.
Eníveis, við fórum loksins með litla kút í 15 mánaða skoðun í dag....3 dögum áður en hann verður 16 mánaða! Ég verð bara að hrósa þessarri heilsugæslu sem sér bara um börn. Starfsfólkið er æðislegt og læknirinn hans Sylvans ennþá æðislegri. Eini mínusinn í dag var að við þurftum að bíða ansi lengi eftir lækninum eftir að hjúkkan var búin að mæla lengd og þyngd Sylvans. Sem betur fer var Sylvan nýbúinn með lúrinn sinn og hann dundaði sér við að skoða stofuna/herbergið sem við vorum í. Hann skreið örugglega 50 sinnum í kringum læknastólinn og dundaði heillengi við að fikta í honum. Svo kom læknirinn og settist í stólinn. Og engin athygli var á Sylvani fyrr en hann barasta ákvað að standa upp á miðju gólfi og taka nokkur skref. Og þegar hann loksins fékk athyglina þá endurtók hann gjörninginn nokkrum sinnum. Við vorum sko nýbúin að segja lækninum að hann væri eitthvað ragur við að sleppa sér! Ég bað lækninn um að koma okkur í samband við ofnæmislækni og við fengum svo hringingu þegar við komum heim um að hann á að mæta til ofnæmislæknis í næstu viku. Það verður "gaman" að sjá hvað kemur úr því, alltaf betra að vita hvað er að heldur en að lifa í óvissu. Ó já, ég gleymdi líka að nefna að Sylvan fékk 4 sprautur og þarf ekki að fá sprautu aftur fyrr en hann fer í skóla.
Nóg um það, á sunnudaginn stefnum við á að fara til Tennessee á tónleika hjá bluegrass hljómsveit sem pabbi Marcs keyrir fyrir. Í sömu ferð næ ég vonandi að komast í outlet...en ég efast um það, ef það á að eyða deginum með Eugene og Vaughtie (foreldrum Marcs). Reyndar ætlum við að hitta Tarc og fjölsk. líka. Það er reyndar ein skrappbúð sem ég bara verð að komast í, rétt missti af því síðast. Svo er mér boðið í baby shower annað hvort á fimmtudag eða föstudag, ef það er á föstudaginn þá kemst ég, ef það er á fimmtudaginn þá verð ég upptekin með Sylvan hjá lækni.
Tengdaforeldrar mínir eru á leiðinni "upp". Við héldum að þau myndum koma í kvöld en höfum ekkert heyrt frá þeim ennþá. Þau munu gista hjá Eugene og Vaughtie (tengdamamma og V. eru systur) og ef þau eru komin á morgun þá ætlar Vance að kíkja til þeirra með á meðan ég er á borðtennisæfingu.

Góða helgi

úff púff

2006-08-07T22:32:00.000-04:00

ég hreinlega sit hérna í svitabaði, spurning hvort maður opni ekki út. Er með báðar vifturnar í gangi en þær eru ekki að gera mikið gagn.

Það er nú kominn svolítill tími síðan ég bloggaði. Ekkert svo mikið búið að gerast. Alice og stelpurnar eru komnar og farnar. Ég er búin að kaupa flugmiðana til Íslands. Sylvan fór í fyrsta skipti í klippingu á stofu í síðustu viku og stóð sig með prýði....var samt ekkert of sáttur þegar kellan tók upp hárblásarann. Svo átti hann að fara í læknisskoðun á fimmtudaginn en það frestaðist af því að kona læknisins eignaðist barn daginn áður. Þannig að við förum núna á föstudaginn í skoðun. Ég er orðin spennt að sjá hversu stór og þungur hann er orðinn. Hann er nú eflaust ekki búinn að þyngjast mikið. Ég kem ekki kjöti ofan í hann. Um daginn var ég með samansull af hrísgrjónum, kjúklingi, brokkólíi, blómkáli og steikti smá egg með. Svo var ég eitthvað í þrjóskuskapi og reyndi og reyndi að fá Sylvan til að borða þetta en greyið grét bara eftir fyrsta bita og þverneitaði að borða meira. Þannig að ég neyddist til að redda málunum með hrísgrjónagraut og þegar hann var tilbúinn (bara Toro-grautur) sá ég ástæðuna fyrir því að sá litli vildi ekki hinn matinn, hann var allur útsteyptur í andlitinu greyið. Oh, mér leið ekkert smá illa yfir að hafa reynt að pína matinn ofan í greyið. Ég tók mynd af honum til að sýna Vance af því að einhverra hluta vegna var Vance farinn að halda því fram að það væri ekki til neitt sem kallast ofnæmi (ég er bara móðursjúk að vera með Epipen ef ég skyldi óvart borða epli og ég japla bara á ofnæmistöflum 3 mánuði á ári að gamni mínu). En nú er móðir náttúra farin að standa með mér. Þegar við fórum á tónleikana um daginn þá fékk Vance sér bjór og fékk þennan líka litla kláða í lófana. Svo núna á sunnudaginn fórum við út að borða á fínan veitingastað til að halda upp á afmælið mitt og hann fékk sér eitt bjórglas með matnum og fékk aftur þennan kláða í lófana og útbrot í kringum munninn (eins og Sylvan) og kláða í eyru og augu! Jæja, þetta fékk hann allavega til að trúa því í eina kvöldstund að ofnæmi sé til. Við erum að tala um að honum fannst ekki passa að ég gæti ekki borðað epli í fylki sem er þekkt fyrir eplaræktun. Ég þyrfti bara að venjast því að borða epli. Mér finnst epli mjög góð en það er ekki séns að ég borði þau ef ég þarf að þola kláðann sem þeim fylgir.
Eníveis, við sem sagt fórum á fínan veitingastað, The Black Forest, sem sérhæfir sig í þýskum mat og maturinn var mjög góður og fínir skammtarnir hjá þeim. Mér fannst bara erfiðast að bíða eftir matnum og halda Sylvani góðum á meðan. En hann var nú samt voða prúður fyrir eins árs gutta held ég.
Ég vil endilega þakka þeim sem tóku sér tíma í að kjósa myndina mína. Það er hægt að kjósa eins margar myndir og maður vill og mér sýnist vera hægt að kjósa þess vegna á hverjum degi...ef manni leiðist ;)
Svo vil ég nota tækifærið til að óska pabba, Eygló, Agnari Inga og Ella með afmælin. Afmælin eru sem sagt 6. ágúst, 8. ágúst, 11. ágúst og 13. ágúst. Svo vil ég óska Söru góðrar ferðar til Chicago og Sheboygan!!!

Ljósmyndasamkeppni

2006-08-03T11:28:00.000-04:00

Mynd frá mér fékk inntöku í sumarmyndakeppni! Endilega kíkið á linkinn hér fyrir neðan og ef ykkur líst vel á þá megið þið endilega kjósa myndina fyrir mig....!

Dear Friend,
I just found out that my photo was selected to be in the MyPhotoAlbum Summer Getaway Photo Contest. Please go to the link below and vote for my picture. You don't need to be a member to vote.
http://contests.myphotoalbum.com/view_photo.php?set_albumName=album15&id=Hulda_Pollock_Entry
After voting, you can also register for your own FREE, MyPhotoAlbum account and you'll also get 15 FREE PRINTS.
Sincerely,
Hulda

Ég ætlaði að setja myndina hér inn en þessi síða er alltaf að stríða mér, ég fæ skilaboð um að myndin sé komin inn en svo er hún ekkert hér. Þannig að þið allavega neyðist til að smella á linkinn til að sjá myndina!

Megrun sem virkar

2006-07-30T00:14:00.000-04:00

Vandamálið með flesta megrunarkúra er að þú færð ekki nóg að borða (sveltikúrinn), fæðið er of einhæft (bananakúrinn) eða þú ferð á hausinn (nautalundakúrinn). Þetta hefur þær afleiðingar að fólk svindlar í megruninni eða hættir eftir 3 daga. En nú hafa amerískir sérfræðingar komið fram með smábarnakúrinn og íslenskir starfsbræður þeirra aðlagað hann okkar aðstæðum. Þú hefur tekið eftir því að öll tveggja ára börn eru grönn. Nú er lykillinn að velgengni þeirra á þessu sviði öllum aðgengilegur. Hafðu samband við lækni áður en þú byrjar á þessum kúr, annars þarftu að fara til læknis að honum loknum. Gangi þér vel.

1. dagur.
Morgunmatur: Eitt hrært egg, ristuð brauðsneið með appelsínumarmelaði. Borðaðu tvo bita af egginu, notaðu ekki gaffal, hentu restinni af egginu á gólfið. Taktu einn bita af brauði, smyrðu síðan marmelaðinu yfir andlitið og fötin þín.
Hádegi: Fjórir vaxlitir (hvaða litur sem er), handfylli af kartöfluflögum og eitt mjólkurglas, drekktu 3 mjólkursopa og helltu restinni niður.
Kvöldmatur: Nagaðu blýantsstubb, gleyptu tvær krónur og gyllta tölu. 4 sopar af flötu Sprite. Kvöldsnarl. Hentu ristaðri brauðsneið á eldhúsgólfið.

2. dagur.
Morgunmatur: Taktu brauðsneiðina frá því í gærkvöldi upp af eldhúsgólfinu. Drekktu úr einu vanilludropaglasi og borðaðu eina túpu af grænmetiskrafti.
Hádegi: Hálfur varalitur - Pulsating Pink? og lófafylli af Purina hundamat (valfrjálst bragð). Einn ísmola eftir vali. Eftirmiðdagur: Sleiktu stóran sleikjó þar til hann verður klístraður, farðu með hann út og misstu hann í drulluna. Taktu hann upp og sleiktu hann þar til hann er hreinn aftur. Taktu hann þá inn aftur og misstu hann á góða ullarmottu.
Kvöldmatur: Troddu litlum stein eða baun upp í vinstri nösina á þér. Helltu applsínu-Svala yfir kartöflumús og borðaðu með skeið.

3. dagur
Morgunmatur: Tvær pönnukökur með miklu sýrópi, borðaðu aðra með fingrunum, klesstu síðan fingrunum í hárið á þér. Mjólkur-glas, drekktu helminginn, settu hina pönnukökuna ofan í glasið. Eftir morgunmat skaltu taka sleikjóinn upp af ullarmottunninni, sleikja af kuskið og setja síðan sleikjóinn á setuna á góðum hægindastól. Hádegi: Þrjár eldspýtur, hnetusmjörs- og sultusamloka. Hræktu nokkrum bitum af henni á gólfið. Helltu mjólkurglasi á borðið og sötraðu það upp.
Kvöldmatur: Taktu upp brauðsneiðina frá því í gærkvöldi og fáðu þér einn bita. Full skál af ís, lófafylli af kartöfluflögum, dálítið af rauðu púnsi. Reyndu að láta eitthvað af púnsinu frussast út um nasirnar á þér.

4. dagur.
Morgunmatur: Fjórðungur af tannkremstúpu, gerðin skiptir ekki máli, biti af handsápu, ein ólífa. Helltu mjólkurglasi yfir kornflöguskál og hálfan bolla af sykri. Þegar kornflögurnar eru gegnumblautar, drekktu þá mjólkina og gefðu hundinum kornflögurnar.
Hádegi: Borðaðu brauðmola af eldhús- og borðstofugólfinu. Finndu sleikjóinn og kláraðu hann.
Kvöldmatur: Glas af spaghetti og kakómalti. Skildu kjötbolluna eftir á diskinum. Smávegis augnbrúnalitur í eftirrétt.

**ÞETTA KLIKKAR EKKI EF ÞÚ FYLGIR FYRIRMÆLUM KÚRSINS;-D**

Sumarið er tíminn

2006-07-25T23:22:00.000-04:00

Jæja, hvað segið þið? Er kominn tími á blogg??? Ég einhvern veginn dett alltaf inn í eitthvað allt annað ef ég er á netinu og þá flýgur tíminn frá mér. Annars er líka búið að vera óvenjumikið að gera hjá okkur hér. Systir hans Vance er hérna með dætur sínar og eina frænku. Þær reyndar gista ekki hjá okkur en hafa verið duglegar að kíkja til okkar. Við hjónin komumst í fyrsta skipti út að kvöldi til án Sylvans síðan í okt/nóv. Sá merkisatburður gerðist á miðvikudaginn síðasta, við skelltum okkur í bíó með unglingunum og sáum Póseidon. Alice passaði Sylvan á meðan. Svo á föstudaginn fórum við á tónleika með hljómsveitinni Southern Culture og the Skids http://www.scots.com . Þau eru héðan úr NC. Það var rosa gaman. Alls konar fólk á svæðinu. Við eyddum reyndar nokkrum klst. af föstudeginum á Toe River. Sylvan hreinlega dýrkar að sulla í ánni þar! Á laugardaginn eyddum við Sylvan smá tíma með Mayme, eftir að ég var búin á æfingu. Svo komu Alice og Hannah og sóttu okkur. Við kíktum niður í bæ og hlustuðum á live tónlist og fengum okkur góðan mat. Það var svo mikið að gera hjá Sylvani á laugardaginn, hann fór nefnilega með pabba sínum til Weaverville á meðan ég var á æfingu og svo náttúrulega niður í bæ með okkur stelpunum, hann hafði sko engan tíma til að leggja sig. Þannig að hann var ekki lengi að sofna á laugardagskvöldið. Vaknaði svo hundfúll og pirraður á sunnudaginn en náði svo tæpum 2 tíma lúr eftir hádegi og hresstist allur við. Við litla fjölskyldan fórum niður í bæ og kíktum á Craft Fair en vorum frekar sein á því og höfðum bara ca. korter til að skoða allt...! En það var margt mjög fallegt, skartgripir, quilt, hlutir handunnir úr tré os.frv. Á morgun, miðvikudag, er stefnan tekin á Biltmore Estate http://www.biltmore.com. Það er stærsta heimili Bandaríkjanna! Þá verður greyið Sylvan eftir hjá pabba sínum og við stelpurnar ætlum að njóta okkar. Um helgina er svo hátíð sem nefnist Bele Chere, ég veit mjög lítið um hana þannig að ég verð bara að segja ykkur frá því eftirá.
Ég keypti loksins flugmiða til Íslands í dag. Hún Mayme ætlar að koma með okkur Sylvani til Íslands. Við lendum 14. september og förum aftur til USA 26. sept. Það er spurning hvort ég verði að setja upp stundaskrá yfir allt sem ég ætla að gera og alla sem ég ætla að hitta.
Bið að heilsa í bili

Ýmislegt

2006-07-14T13:22:00.000-04:00

Auglýsingar

Eins og Bandaríkin eru stórt land þá er eins og það séu ekki til nógu mikið af hugmyndaríku fólki. Tökum auglýsingabransann sem dæmi. Sjónvarpsauglýsingar sérstaklega. Annað hvort er sama fyrirtækið að nota sömu hugmyndina hjá nokkrum af sínum kúnnum eða önnur fyrirtæki fá hugmyndina "lánaða". Á tímabili var orðið it mjög áberandi í auglýsingunum. Auglýsingar fyrir stór fyrirtæki eins og ebay og Gatorade gengu út á orðið it. Á sama tíma. Maður var nú svolítið ringlaður fyrst, hélt að verið væri að auglýsa ebay og þá kom allt í einu Gatorade logoið í lokin. Á tímabili var líka orðið BOLD mikið notað. Þá ekki í merkingunni sköllóttur heldur djarfur. Jack in the box (skyndibitakeðja) og Ford lögðu áherslu á þetta orð í sínum auglýsingum. Frekar leim myndi ég segja. Í svona stóru landi ætti þetta ekki að geta gerst. Og þetta eru sko góðu auglýsingarnar. Það er mjög mikið um lélegar auglýsingar í sjónvarpinu, liggur við heimagerðar. Fólk sem kann ekki að leika er í aðalhlutverki. Stundum verð ég hreinlega að skipta um stöð því ég þoli ekki auglýsingarnar. Ég hafði mikinn áhuga á að leggja auglýsingateiknarann fyrir mig þegar ég var unglingur. Þetta starf heitir víst einhverju öðru nafni núna, grafískur hönnuður eða eitthvað álíka. Þess vegna hef ég svolítinn áhuga á þessu og varð bara að nefna þetta. Það vantar svona auglýsingar eins og Thule auglýsingarnar. Einhverjar frábærlega einfaldar sem fólk tekur eftir og hefur gaman af. Þó hafa nokkrar auglýsingar hér orðið til þess að við höfum keypt geisladiska með tónlistinni úr þeim.

Kínversk enska
Mér var hugsað til þess um daginn þegar Þóra kom heim af skemmtiferðaskipinu sem hún vann á og var með nokkra geisladiska sem einhverjir kínverski aðilar höfðu sett á markaðinn. Sko ekki kínversk tónlist heldur amerísk tónlist sem var í tísku þá. Og greinilega hafði fólið skrifað textann eftir heyrn því hann var alveg út úr kú. Það sem fékk mig til að rifja þetta upp var dót sem Vance keypti í dollarabúð í Hendersonville. Tvær herflugvélar saman í pakka og utan á pakkanum stóð "Is the child head chooses the toy". Getur einhver sagt mér hvað þetta þýðir. Ég er greinilega ekki alveg nógu klár í enskunni því ég hef engan grun!

Sylvan reynir að labba
Nú fer að styttast í að litli stúfur fari nú að labba. Ég rétt náði að sjá hann taka nokkur skref milli sófaborðsins og hókus pókus stólsins í gær. Mig grunar að hann ætli að gera þetta án þess að nokkur sjái til. Það þýðir ekkert að reyna að fá hann til að taka skref, ekki frekar en að fá hann til að flauta fyrir einhvern. Hann kann nefnilega smá að flauta og er ofboðslega stoltur af því! En geryið litli er eitthvað slappur í dag, fúll og pirraður....með brosi inn á milli! Held hann taki sér frí frá kraftgöngu í dag allavega!

Tapað - Fundið

Ég er búin að týna borðtennisliðinu mínu í Hendersonville. Það var ekkert talað um að það yrði hvíld á æfingum en það eru 3 vikur síðan það var æfing. Ég er búin að fara 2x til H-ville og komið að læstu húsi. Frekar fúlt. En við kíktum í mollið og ég keypti skrappdót til að selja svo í klúbbnum mínum og Vance keypti flugvélarnar. Svo keyrðum við um í leit að veitingastað sem fellur ekki undir skyndibitakeðjunöfnin. Fundum fínan pizzastað sem var nýbúið að opna og staðurinn var svo troðinn að okkur bauðst bara að sitja annað hvort við barinn eða utandyra. Það gengur nú ekki að sitja með lítinn gutta við barinn þannig að við enduðum úti. Og sátum hálfpartinn á bílastæðinu og vorum einu gestirnir utan dyra. Frekar fúlt en maturinn var góður.

Sylvan hissa í þrumuveðri

Sylvan er svo fyndinn stundum, eins og öll börn. Hann setur upp alveg spes hissasvip þegar það eru þrumur og eldingar. Og í gær kom þvílíkt þrumuveður. Við rétt náðum að koma heim af leikvellinum áður en fór að hellirigna og lætin byrjuðu. Sylvan verður svo spenntur að hann fer upp í sófa til að horfa út. Og svo setur hann upp svipinn um leið og hann heyrir í þrumunum.

Haifa

Fréttir hér herma að Ísrael og Líbanon séu komnir í stríð. Ég var nú ekkert að sýna fréttunum áhuga fyrr en fréttamaðurinn nefndi Haifa í Ísrael. Líbanon varpaði víst sprengju þar að mér skilst. Og það merkilega er að ég hef komið þangað!!! Mér finnst alltaf svo skrítið að heyra um svona sprengjudæmi sem gerast á stöðum sem ég hef komið til. Í sömu ferð og ég fór til Haifa fór ég til Cairo. Hópurinn fór á Þjóðminjasafnið þar að skoða múmíur o.fl. Tveimur til þremur mánuðum eftir að við vorum þar sprakk sprengja á bílastæðinu. Maður getur ekki annað en hugsað "Hvað ef...?" Nema náttúrulega það eru 9 ár síðan ég var í Haifa þannig að það er nú kannski svolítið langsótt að þetta hefði getað gerst þá!

4. júlí 2006

2006-07-04T00:17:00.000-04:00

Til hamingju Bandaríkjamenn með daginn!
Ekki það að þeir geti lesið þetta, nema örfáir útvaldir eins og Mel og Laura.
Eg ætla ekkert að blogga núna. Langaði bara að setja inn tvær myndir af gurranum. Önnur var tekin 2. júlí 2005 og hin var tekin 2. júlí 2006.

Ekkert smá sem hann hefur stækkað og breyst...en er samt enn með sama svipinn.

Djö...hvað maður er eitthvað gamall

2006-07-01T21:49:00.000-04:00

Nei, ég átti nú ekki afmæli eða neitt svoleiðis. Ég fór á borðtennisæfingu og spilaði í ca. tvo og hálfan tíma, hefði getað verið lengur en fékk svo illt í mjöðmina og mjóbakið. Þegar ég kom heim og var búin að leyfa litla kút að busla aðeins í lauginni sinni fékk ég Vance til að setja hitaplástur á bakið og lagðist svo í sófann. Dormaði þar þangað til Vance fór í vinnu en ætlaði varla að geta staðið upp og hreyft mig. Kannski get ég kennt gólfinu í íþróttahúsinu um...en mér fannst ég allavega vera orðin hundgömul að þola ekki að spila meira en þetta. Var meira að segja farin að pína mig síðasta korterið.
En nóg um það. Ég er búin að rifja upp nafnið á kvikindinu sem ég mundi ekki um daginn. Og svo mundi ég eftir fleiri myndum sem ég vildi setja inn.
Possom
Japönsk bjalla
Kardináli, Fylkisfugl Norður Karólínu
Sylvan með vinkonu sinni á Krispy Kreme
tvær "pöddur" í skóginum, sorrý hvað myndin er lítil, ég er að nota hana annars staðar og hún varð að vera svona lítil þar.

Oh, ég myndi fara í heitt bað til að laga á mér mjöðmina...en það er bara svo heitt hérna að ég legg ekki í það.
Jæja, ætli ég verði ekki að vaska upp og gera eitthvað af viti hérna, kannski fara snemma í háttinn til tilbreytingar.

2006-06-28T23:12:00.000-04:00

Mér datt í hug að setja inn myndir af kvikindunum sem ég hef fengið að kynnast hérna. Ég fann reyndar ekki nógu skýra mynd af kakkalökkunum sem kíktu hingað inn um daginn. En við fengum eldflugu í heimsókn og höfum oft fengið crickets. Er m.a. með allaveg 2 svoleiðis hér inni núna sem ég vona að hafi drepist þegar ég spreyjaði á þau. Vance var ekki heima til að henda þeim út. Og svo læði ég mynd með af groundhog....veit ekki hvað það kallast á íslensku. Hef séð nokkra undanfarið.Svo man ég ekki í augnablikinu nafnið á dýrunum sem ég sé oft dautt í vegarkantinum. Þannig að ég get ekki sett inn mynd af því núna.
Crickets
eldflugaGroundhogs

Annars hefur lítið verið að gerast hjá okkur undanfarið. Við ætluðum að heimsækja Marc og Shirin þar sem þau voru í útilegu um helgina (Toe River) en þá náttúrulega fékk ég einhverja magapest og lá bara fyrir. Sylvan er búinn að vera rosalega pirraður upp á síðkastið enda er hann að fá jaxl. En ég fór með hann í mollið í morgun og leyfði honum að leika sér á leiksvæðinu. Honum fannst það æði enda nóg af krökkum að eltast við. Hann hittieina jafnöldru sína sem heitir Emma. Hún elti hann um allt til að reyna að smella á hann kossi. Það tókst ekki, en svo mættum við þeim (henni og pabba hennar) þegar við vorum að rölta um mollið og hún sendi honum fingurkoss. Við vorum eiginlega bara farin að plana brúðkaupið þeirra, ég og pabbi hennar.
Svo fór ég til Hendersonville í kvöld og ætlaði á æfingu en þá var allt læst og enginn á svæðinu. Frekar fúlt af því að þetta er 45 mín. keyrsla aðra leið. En ég fór þá bara með feðgunum á Krispy Kreme og við fengum okkur kleinuhringi. Ég fékk mér bara smá smakk, er ekki sérstaklega hrifin af amerísku bakkelsi. En það er ekkert smá hvað Sylvan er hrifin af einni stelpunni sem vinnur þar. Hún er alltaf þarna þegar þeir mæta á miðvikudögum, feðgarnir. Sylvan fylgdist með öllu sem hún gerði og leist nú ekki á blikuna ef hún hvarf í smá stund. Og ef hún leit til hans þá hló hann og skríkti. Set mynd af þeim saman næst þegar ég blogga.
Nú þarf ég að reyna að þrífa smá áður en ég fer í bælið.

Þú veist það er 2006 ef...

2006-06-25T23:11:00.000-04:00

1. Þú ferð í Party og byrjar að taka myndir fyrir bloggið þitt.

2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er að því þeir eru ekki að blogga, ekki á MySpace og eða á MinnSirkus .

4. Þú leitar frekar um alla íbúð af fjarstýringunni í stað þess að ýta bara á takkann á sjónvarpinu.

6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.

8. Þú hugsar um hvað það er mikil vitleysa að lesa þennan lista.

9. Þú ert of upptekin/nn að taka eftir númer fimm.

10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.

12. Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú féllst fyrir þessu ... Aha ekkert svona fyrst að þú féllst fyrir þessu.

Sendu þetta á vini þina, á bloggið þitt eða komdu þessu á framfæri einhverstaðar innan 2 mínútna og 14 sek eða minna og morgundagurinn þinn verður besti dagur sem þú hefur upplifað .. hingað til!
En, ef þú bíður of lengi, mun það ekki skipta neina því hverjum er ekki sama svona lista ... En vinir þínar munu missa af frábæri skemmtun. )

2006-06-23T22:38:00.000-04:00

Uss, þvílíka ræðan hjá mér um daginn. En sumu verður maður bara að koma frá sér. Ég ætlaði upphaflega að skrifa um allt annað. Ég er búin að uppgötva pöddur sem kallast Lightning Bugs. Ég var að koma Sylvan í háttinn og sá einhverja ljósglætu fyrir utan. Ég skildi ekki alveg hhvað þetta gæti verið, minnti á glóð úr sígarettu nema ekki ekki eins og eldur á litinn heldur líkara ljósi. Svo vildi svo skemmtilega til daginn eftir að það var svona padda á bílnum og Vance útskýrði hana fyrir mér. Svo þegar við keyrðum frá Hendersonville á miðvikudagskvöldið, eftir æfingu, þá sáum við alveg helling af svona litlum ljósum í trjánum og vegkantinum.

Þegar við erum að keyra svona þá getum við ekki verið sammála um hvort gluggarnir á bílnum eigi að vera opnir eða lokaðir. Minnir mig á þegar við Eygló vorum litlar og önnur vildi hafa hurðina lokaða og opinn glugga en hin vildi hafa hurðina opna og lokaðan glugga þegar við fórum að sofa.
Mér finnst bæði óþægilegt að hafa gluggana opna af því að ég finn svo mikinn þrýsting í eyrunum og svo er svo mikill hávaði í trukkunum á hraðbrautinni. En Vance vill sem sagt hafa gluggana opna. Við vorum með gluggana opna eftir æfingu og við hefðum betur haft þá lokaða, við keyrðum tvisvar í gegnum skúnkafnyk. Og ég er að segja það....lyktin festist í bílnum þegar maður keyri svona í gegnum fnykinn....allaveg ef gluggarnir eru opnir!! Hryllileg fýla, minnti mig á þegar ég var í Svíþjóð og þegar maður fór frá Härnösand til Sundsvall fór maður framhjá Timrå. Þar er pappírsverksmiðja og fnykurinn frá henni var svo slæmur að maður passaði upp á að hafa alla glugga lokaða og miðstöðina lokaða til að finna sem minnsta lykt.

Á miðvikudaginn skellti ég mér líka í bíó. Vance fékk frímiða um daginn í vinnunni og ég ákvað að skella mér í hálf þrjú bíó. Þeir eru með sýningar frá hádegi. Ég ætlaði að nota miðann í miðasölunni en var bent á að hann yrði tekinn fyrir innan. En það var svo engin manneskja þar þannig að ég á miðann ennþá. Ég sá myndina "The Break Up" með Jennifer Aniston og Vince Vaughn. Ég hló smá og grét smá líka. Margir góðir punktar í henni.

Við hittum Juliu og Savönnu aftur í dag. Fórum með þær á Pineapple Jacks, það er veitingastaður, mjög lítill, sem selur hollar samlokur og salöt og hristinga. Hann er í miklu uppáhaldi hjá okkur Vance. Hann er í gömlu húsi sem uppáhalds rithöfundur Vance var með prentsmiðju fyrir fjöldamörgum árum.
Alice hringdi í gemsann hennar Savönnu þegar við vorum þar og ég fékk að spjalla aðeins við hana. Hún ætlar að koma til NC 18. júlí en hún vissi ekki hversu miklum tíma hún gæti eytt með okkur. Tengdamamma kemur lika.
Það lítur út fyrir að ég og Sylvan (ekki ákv. með Vance) komi til Íslands um miðjan ágúst. Bara í stutta heimsókn...2 vikur eða svo. Mig langar svo að Sylvan fái að hitta frændsystkin sín aðeins.

Sylvan tók 4 skref í dag. Hann var búinn að vera að æfa sig að labba til mín frá stofuborðinu en vildi alltaf halda í einn fingur hjá mér. Svo sat ég á öðrum stað og hann náði ekki í puttann minn og var að taka skrefin. Svo nennti hann ekki meir.

Jæja, meira seinna...

Sylvan Dagur 18. júní 2005 og 2006

Góða helgi